Rom Dãmba 8:7 - WẼNNAAM SEBRE 2014

⁷ Bala, yĩngã ratem sakr yaa beem ne Wẽnnaam, tɩ bõe, yĩngã ka sakd Wẽnnaam tõogã ye, la a pʋs n ka tõe n sak-a me ye.

SEBR SÕNGO

⁷ Yĩnga sẽn data baoob sẽn pak b rãmbã, lebgda Wẽnnaam bɛɛba, n pa rat n le reeg Wẽnnaam noor ye; b pʋs n ka tõe meng ye.

KÃAB-PAALGÃ KOE-NOOGO

⁷ Bala, yĩngã ratem sakr yaa beem ne Wẽnnaam, tɩ bõe, yĩngã ka sakd Wẽnnaam tõogã ye, la a pʋs n ka tõe n sak-a me ye.

Rom Dãmba 8:7 Iomraidhean Croise

2 Kibayã 19:2

A Anani biig a Zehu sẽn yaa Wẽnnaam no-rɛɛsã kẽng n tɩ sega rĩm a Zozafat n yeel-a yaa: «B tog n sõnga nin-wẽng la? Bɩ fo nonga neb nins sẽn kis Sẽn-Ka-Saabã? Bõn-kãng yĩnga, Sẽn-Ka-Saab sũurã yika ne foom.

A. Zoobe 15:13

Yaa bõe tɩ f sũur puug ne Wẽnnaam tɩ f gomd goam a woto?

Yɩɩn‑sõamyã 53:1

A Davɩɩd yɩɩlle. Yɩɩnda ne meenem. Yaa yɩɩlã naab yĩnga.

Yikri 20:5

Ra wõgemd bõn-kãens taoor n waoog-b ye. Bala, mam yaa Sẽn-Ka-Saab sẽn yaa yãmb Wẽnnaam. Mam yaa Wẽnnaam sẽn yaa sũ-kiir soaba. Mam kɩtdame tɩ ba-rãmb nins sẽn kis maamã yel-wẽnã sɩbgr zĩnd b kambã ne b yagensã zutu, hal n tãag zamaan a tãabẽ soabã ne a naasẽ soabã.

Zeremi 13:23

Kuus ned tõe n teka a yĩn-gãong bɩ? Ãbg tõe n teka a kõbg bɩ? Woto sã n dag n tõeẽ, rẽnd yãmb sẽn minim wẽngã maanegã, y ka tõe n maan neere?

Ezekiyɛl 14:5

Woto, Israyɛll buudã neb nins sẽn zãag b mens ne maam b wẽn-naandsã fãa yĩngã sũy na n kao b bʋʋdo.

A Matiye Sõng 12:34

Yãmb wag-toos buudu, yãmb sẽn yaa nin-wẽns a woto wã, yãmb na n yɩɩ a wãn n tõog n gom gom-sõama? Bala, yaa bũmb nins sẽn pid sũurẽ wã n yit noorẽ wã.

A Matiye Sõng 5:19

Dẽ yĩnga, tõ-kãensã sʋka, ned sã n kɩɩs tõog a yembr sẽn yaa-a bilf n yɩɩda, la a zãms nebã tɩ b maan a woto, b na n boola yẽnda tɩ yao-zʋʋg arzãn soolmẽ. La b na n boola ned ning sẽn sakd-bã, la sẽn zãmsd nebã tɩ b sak-bã tɩ nin-kãseng arzãn soolmẽ.

A Zã Sõng 7:7

Dũni wã ka tõe n kisg yãmb ye. B kisa maam, bala, mam kɩta kaset tɩ b tʋʋmã yaa wẽnse.

Rom Dãmba 1:28

Bãmb sẽn ka tags tɩ yaa sõama tɩ bãng Wẽnnaamã, Wẽnnaam basame tɩ b tũud b tagsdã sẽn yaa wẽnsã, tɩ b maand bũmb sẽn ka zems ye.

Rom Dãmba 1:30

B yaa tẽn-kãn-nebã, nin-sãbsdba, wẽn-kɩɩsdbã, sũ-tʋʋls rãmba, wilg-m-mens rãmba, wuk-m-mens rãmba, n mi soay sẽn na tũ n maan wẽnga, ba-rãmb la ma-rãmb kɩɩsdba, b yam ka weke.

Rom Dãmba 3:31

Woto wã, dẽ yĩnga tõnd dɩkda tẽebã n kiisd tõogã la? Yaa vẽeneg tɩ ayo. Ka woto ye, tõnd wilgdame tɩ tõogã yaa sõama.

Rom Dãmba 5:10

Bala, sã n yaa tɩ tõnd sẽn dag n ket n ya bɛɛbã, tõnd yellã ne Wẽnnaamã paama yiisg bãmb Bi-riblã kũum yĩnga, moasã yellã sẽn sa wã, tõnd kõn paam fãagr bãmb vɩɩmã yĩng n yɩɩd sɩda?

Rom Dãmba 7:22

Mam sũurã zĩ-zulungẽ wã, mam sũ-noog bee ne Wẽnnaam tõodã.

Rom Dãmba 8:4

Kiris maana a woto tɩ tɩrlem ning tõogã sẽn yeel tɩ d tog n paamame wã na pid tõnd pʋsẽ, tõnd sẽn kẽnd wa sẽn zems Sɩɩgã raabo la ka yĩng rẽndã yĩnga.

1 Korẽnt rãmba 2:14

La ninsaal sẽn yaa yĩng neongã ka tõe n deeg bũmb nins sẽn yit Wẽnnaam Sɩɩgã nengẽ wã ye. Bala, b yaa yalemd ne yẽnda. La a ka tõe n bãng-b ye. Bala, yaa ne Sɩɩg-sõngã la ned tagsd-b yelle.

1 Korẽnt rãmba 9:21

Ne neb nins sẽn ka be tõogã pʋgẽ wã, mam yɩɩ wa ned sẽn ka be tõogã pʋgẽ ye, la mam mengã yaool n ka ned sẽn be Wẽnnaam tõogã poorẽ ye, mam bee Kiris tõogã pʋgẽ, tɩ m tõe n paam neb nins sẽn ka be tõogã pʋgẽ wã.

Kolos Rãmba 1:21

La yãmb sẽn dag n yaa sãamb la y ya bɛɛb y tagsdã ne y tʋʋm-wẽnsã yĩng pĩndã,

Kolos Rãmba 2:18

Da sak-y tɩ ned sẽn maand wa a yaa sik-m-meng soaba la sẽn pʋʋsd malegs belg yãmb wa a sẽn date, n kɩt tɩ y kong y zoeesa keoor ye. Ned a woto buud teegda yãab buud toay-toaya, t'a ninsaalem tagsdã kɩt t'a pid ne wuk-m-meng zaalem

2 Tɩmote 3:4

zãmb rãmba, sũ-tʋʋls rãmba, tɩ wuk-m-meng leo b ninã, tɩ b nong b sũ-noogã n yɩɩd b sẽn nong Wẽnnaamã.

Ebre rãmba 8:10

Zu-soabã yeelame yaa: Ad kaool ning mam sẽn na n maan ne Israyɛll buudã da-kãsemsã loogr zugẽ: Mam na n ninga m tõodã b yamẽ wã, mam na n gʋls-b-la b sũyẽ wã. Mam na n yɩɩ bãmb Wẽnnaam, la bãmb na n yɩɩ mam nebã.

Zake 4:4

Yãmb sẽn yaa nin-yoaadbã, yãmb ka mi tɩ dũni nonglem yaa beem ne Wẽnnaam la? Dẽ, ned sã n dat n yɩ dũni zoa, a yɩta Wẽnnaam bɛyã.

2 Pɩyɛɛr 2:14

Bãmb nina geta pʋg-yoaadba, la b zɩ n maan yel-wẽn n tɩg ye. B belgda neb nins yam sẽn yuusdã n tõogdẽ, b sũyã pida ne maan sɩlem n kãag n kõ b mense. Wẽnnaam kãab-wẽng bee bãmb zutu.