Rom Dãmba 8:3 - WẼNNAAM SEBRE 2014

³ Bala, Wẽnnaam sẽn tʋm b meng Bi-riblã ne yĩng sẽn wẽnd yel-wẽnã rẽndã, yaa yel-wẽnã yiisg yĩnga. Bi-riblã zĩnda b yĩngã pʋgẽ n wilg tɩ yel-wẽnã ka sõama ye. La tõogã ka tõe rẽnda ye. Bala, yĩngã kɩtame t'a ka pãng ye.

SEBR SÕNGO

³ Wẽnd pidsa a Moyiiz Noora sẽn da ka tõe bũmb ningã, ninsaal komslma sẽn mong-a bũmb ningã, n tõog yel-wẽnde ne ninsaal yĩnga. Ad-y b tʋma b meng Biiga sẽn wa ne yĩng sẽn wẽnd tõnd dẽnna n yaool n tar pãng n menesd yel-wẽnde.

KÃAB-PAALGÃ KOE-NOOGO

³ Bala, Wẽnnaam sẽn tʋm b meng Bi-riblã ne yĩng sẽn wẽnd yel-wẽnã rẽndã, yaa yel-wẽnã yiisg yĩnga. Bi-riblã zĩnda b yĩngã pʋgẽ n wilg tɩ yel-wẽnã ka sõama ye. La tõogã ka tõe rẽnda ye, bala, yĩngã kɩtame t'a ka pãng ye.

Rom Dãmba 8:3 Iomraidhean Croise

Sõadga 21:9

Dẽ, a Moyiis rõoga zũud waaf n yagl ra-lugdg zugu. La ned ning fãa waaf sẽn dũm t'a nak n ges zũud waafã, a soabã rag n ka kiid ye.

Sõadga 28:22

La yãmb na n talla boɛɛg n wa tɩ b kʋ n maan maoong y yel-wẽnã sugr kũun yĩnga.

A Mark Sõng 15:27

Bãmb kaa fãadb a yiib da-pɩgs zut ne a Zeezi: A yembr b rɩtgo, a to wã b goabga.

A Zã Sõng 1:14

B kɩtame tɩ gomdã rɩk yĩng n zĩnd tõnd sʋka. Tõnd gesa bãmb ziiri, Bi-ribl sẽn ka to ziir a sẽn deeg a ba nengẽ, la b pida ne bark la sɩda.

A Zã Sõng 9:24

Fariizẽ-dãmbã leb n boola rao ning sẽn dag n yaa-a zoangã n yeel-a: Togs sɩd Wẽnnaam waoogr yĩnga. Tõnd yẽ miime tɩ rao-kãngã yaa yel-wẽn-maanda.

Tʋʋma 13:39

La ned ning fãa sẽn tẽed bãmba, b basda yẽnda taal ne bũmb ning fãa a Moyiis tõogã sẽn dag n ka tõe n bas taalã.

Rom Dãmba 3:20

Sɩdã, ned baa a yembr ka na n paam zemsg Wẽnnaam taoor tõogã sakr yĩng ye. Bala, tõogã kɩtdame bal tɩ ned bãng yel-wẽnd sẽn yaa a soaba.

Rom Dãmba 6:6

Tõnd miime tɩ d yalẽ kʋdgã naaga ne bãmb n ka da-pɩkã zugu, tɩ yel-wẽnã ratem‑kãng pãng na sa, tɩ tõnd kõn leb n yɩ yel-wẽnã yembs yɛs ye.

Rom Dãmba 7:18

Bala, mam miime tɩ bõn-sõng ka be mam pʋgẽ, mam yĩngã pʋgẽ ye. Bala, mam tõe n paama datem tɩ maan neere, la m ka tar pãn-tõog tɩ maan-a ye.

Rom Dãmba 8:32

Bãmb sẽn ka bas b meng Bi-riblã tɩ b põse, n dɩk-b n kõ tɩ b kʋ tõnd fãa yĩngã, na n yɩɩ wãn tɩ b ka lagem bũmbã fãa ne bãmb n kõ tõndo, nimbãan-zoeer yĩngã?

Rom Dãmba 9:3

Bala, mam dag n nongẽ lame tɩ kãab wẽng zĩnd mam zugu, la m welg ne Kiris m ba-biisã, la m ba-rãmba ne yĩng yelle, sõngr yĩnga.

2 Korẽnt rãmba 5:21

Wẽnnaam kɩtame tɩ Kiris sẽn ka maan yel-wẽnã lebg yel-wẽn tõnd yĩnga, tɩ tõnd tõe n lebg nin-tɩrs Kiris pʋg Wẽnnaam taoore.

Galat Rãmba 3:13

Kiris yolsa tõnd ne kãab-wẽngã, bãmb sẽn lebg kãab-wẽng tõnd yĩngã yĩnga. Bala, b gʋlsame tɩ kãab-wẽng n be ned ning sẽn lulg raoog zugã zugu.

Galat Rãmba 3:21

Dẽ wã, tõogã kɩɩsda Wẽnnaam kãabgã la? Ayo! B sã n dag n kõẽ tõog sẽn tõe n kõ vɩɩm, tõogã dag n na n sɩd waa ne tɩrlem.

Filip rãmba 2:7

yaa bũmb b sẽn tog n gãd kãenkãe ye. La a Zeezi basa b naam n lebg wa yãmba, n dɩk yĩng wa ninsaalb wẽneg n wa wala ninsaala.

Ebre rãmba 10:12

La a Zeezi sẽn maan maoong a yembr tãa yel-wẽnã yĩng n sa wã, b zĩnda Wẽnnaam dɩtgo, wakat sẽn ka saab yĩnga.

Ebre rãmba 10:14

Bala, ne kũun a yembr tãa bala, b kɩtame tɩ neb nins sẽn welg toorã zems zãnga.

Ebre rãmba 2:14

Woto yĩnga, kambã sẽn yaa zɩɩm a ye la neong a ye ne b ba wã yĩnga, woto me, a Zeezi me yaa a woto, sẽn na yɩlg tɩ ne bãmb kũumã, bɩ b sãam soab ning sẽn da tar-a pãng tɩ kʋ wã, sẽn dat n togs tɩ sʋtãanã,

Ebre rãmba 2:17

Rẽnda n kɩt tɩ bãmb da tog n wẽneg b ba-biisã bũmb fãa pʋgẽ, n tõog n lebg maan-kʋʋd kãsem sẽn pid ne nimbãan-zoeere, la sẽn maand sɩd ne Wẽnnaam tʋʋmdã, n tõog n yiis nebã yel-wẽnã.

Ebre rãmba 4:15

Bala, tõnd ka tar maan-kʋʋd kãsem sẽn ka tõe n wʋm tõnd pãn-komsmã võor ye. Bãmb paama makr ne bũmb fãa wa tõndo, la b ka maan yel-wẽnd ye.

1 Pɩyɛɛr 2:24

Kiris meng n deeg tõnd yel-wẽnã b yĩngã pʋgẽ da-pɩkã zugu, tɩ tõnd sẽn yaa wa kũum yel-wẽnã wɛɛngẽ wã, tõnd na vɩɩmd n maan tɩrlem. Yaa bãmb poglgã yĩng la yãmb paamd maagre.