Rom Dãmba 8:23 - WẼNNAAM SEBRE 2014

²³ Sẽn yɩɩda, tõnd mensã sẽn zoe n paam Sɩɩgã reng-n-lɛmbgã, tõnd me wẽeda sir d pʋsẽ, n gũud wakat ning Wẽnnaam sẽn na n deeg tõnd n maan b kambã, la d gũud tɩ b yols tõnd yĩngã n baase.

SEBR SÕNGO

²³ la ka bãmb bal ye, yaa tõnd me sẽn zoe n paam lɛng ninga a Vʋʋsem Sõng sẽn lemb tõndã; yaa tõnd fãa n naag n waasd d sũurẽ, n gũud d yĩnga fãagre.

KÃAB-PAALGÃ KOE-NOOGO

²³ Sẽn yɩɩda, tõnd mensã sẽn zoe n paam Sɩɩgã reng-n-lɛmbgã, tõnd me wẽeda sir d pʋsẽ, n gũud wakat ning Wẽnnaam sẽn na n deeg tõnd n maan b kambã, la d gũud tɩ b yols tõnd yĩngã n baase.

Rom Dãmba 8:23 Iomraidhean Croise

2 Kibayã 31:5

Rĩmã koɛɛgã sẽn saagã kɩtame tɩ Israyɛll kambã wa kõ bɩle wã, la reezẽ rãamã, kaamã, la sɩɩdã, ne bõn-koaadlã fãa dẽenem biisã. La bãmb talla bõn-bãmbã fãa piig pʋɩɩr me n wa.

A Luk Sõng 20:36

Bãmb ka tõe n leb n ki yɛs ye, bala, b na n yɩɩ wa malegse, la b na n yɩɩ Wẽnnaam kamba, bãmb sẽn vʋʋg n bas kũumã yĩnga.

A Luk Sõng 21:28

La bõn-kãens sã n sɩng n watẽ, bɩ y roog la y nak n gese, bala, yãmb fãagrã kolgame.

Rom Dãmba 5:11

Sẽn yɩɩd rẽ yɛsa, tõnd maanda sũ-noog Wẽnnaam pʋgẽ, tõnd Zu-soab a Zeezi Kiris maasem yĩnga, soab ning sẽn wa ne zemsg tõnd ne Wẽnnaam sʋk moasã wã.

Rom Dãmba 5:3

La sẽn yɩɩd rẽnda, tõnd maanda sũ-noog baa yel-pakr pʋgẽ, tõnd sẽn mi tɩ yel-pakrã wata ne sũ-mare,

Rom Dãmba 5:5

Tẽeb pidsg gũudum yaool n ka tudgd ned ye. Bala, Wẽnnaam Sɩɩg-sõng b sẽn kõ tõndã pidsda tõnd sũyã ne Wẽnnaam nonglem tõnd sũyã pʋse.

Rom Dãmba 7:24

Mam yaa nĩmbãan-neda. Ãnda n na n yiis maam yĩn-kãngã sẽn yaa kũumã nugẽ?

Rom Dãmba 8:19

Dẽnda n kɩt tɩ dũni bõn-naandsã fãa gũud Wẽnnaam kambã pukr ne datem kãsenga.

1 Korẽnt rãmba 1:7

Woto, yãmb sẽn gũud tõnd Zu-soab a Zeezi pukrã, kũun baa a yembr ka paoog yãmb ye.

2 Korẽnt rãmba 1:22

Bãmb n ning tõnd bãnd b yʋʋrã yĩnga, la b ning Sɩɩg-sõng sẽn yaa arzegs nins bãmb sẽn bĩng tõndã reng-n-lɛmbg tõnd sũyã pʋgẽ.

2 Korẽnt rãmba 7:5

Bala, tõnd sẽn ta Masedoan soolmẽ wã tɛka, tõnd yĩnsã ka tol n paam vʋʋsg baa bilf ye. Tõnd paama namsg buud fãa. Yɩng yaa maoore, la pʋgẽ yaa rabeem.

Galat Rãmba 5:5

Ne tõndo, yaa tẽeb pʋgẽ la tõnd gũud tɩ Wẽnnaam kɩt tɩ tõnd lebg nin-tɩrse, Sɩɩg-sõng pãngã yĩnga.

Efɛɛz Rãmba 1:14

Sɩɩg-sõng yaa kaset sẽn wilgd tɩ tõnd na n paama d pʋɩɩrã, sẽn yaa tɩ Wẽnnaam sẽn da neb ninsã na n dɩɩ naam tɩ yɩ Wẽnnaam ziiri.

Efɛɛz Rãmba 4:30

Da maan-y tɩ Wẽnnaam Sɩɩg-sõngo, Sɩɩg ning b sẽn tall n ning yãmb bãnd fãagr daarã yĩngã sũur sãam ye.

Efɛɛz Rãmba 5:9

Bala, vẽenem biis yaa sõmblem buud fãa, la tɩrlem la sɩda.

2 Tɩmote 4:8

Moasã, Wẽnnaam bĩnga tɩrlem maanfã mam yĩnga. Zu-soabã sẽn yaa bʋ-kaood tɩrgã na n kõ-a-la maam da-kãngã. La ka maam bal la b na n kõ ye, yaa neb nins fãa sẽn na nong bãmb pukrã.

A Titi 2:13

n gũud tõnd Wẽnnaam sẽn yaa kãseng la fãagdã, a Zeezi Kiris pukrã sẽn wat ne sũ-noogã ziirã.

Ebre rãmba 9:28

woto me, Kiris sẽn kõ b meng vugr bal n na n tʋk neb wʋsg yel-wẽnã, b na n puka naoor a yiib soaba, la ka yel-wẽnã yĩng ye, la yaa neb nins sẽn gũud bãmb n na n paam fãagrã yĩnga.

1 Pɩyɛɛr 1:7

Yaa sẽn na yɩl n mak yãmb tẽebã n bãng a sẽn yaa a soaba. Sãnem yaa bõn-sãamdga, la baoosgo b makd-a-la ne bugum n getẽ. La yãmb tẽebã sẽn tar yõod wʋsg n yɩɩd sãnemã, b makd-a lame n getẽ, t'a Zeezi Kiris waoongã daare, bɩ y paam pẽgre la ziiri ne waoogre.

1 Zã 3:2

Mam zo-nongdse, tõnd yaa Wẽnnaam kamb moasã, la tõnd sẽn na n yɩ bũmb ningã nan ka puk nand ye. La tõnd miime tɩ Kiris sã n wa n puki, tõnd na n yɩɩ wa bãmba, bala, tõnd na n yãnda bãmb sẽn yaa a soabã.