Rom Dãmba 8:19 - WẼNNAAM SEBRE 2014

¹⁹ Dẽnda n kɩt tɩ dũni bõn-naandsã fãa gũud Wẽnnaam kambã pukr ne datem kãsenga.

SEBR SÕNGO

¹⁹ Bõn-naandsa fãa zĩ n gũuda ne yãgbo, Wẽnd kamba pẽgr sẽn na n puk raare.

KÃAB-PAALGÃ KOE-NOOGO

¹⁹ Dẽnda n kɩt tɩ dũni bõn-naandsã fãa gũud Wẽnnaam kambã pukr ne datem kãsenga.

Rom Dãmba 8:19 Iomraidhean Croise

A Ezayi 65:17

Sɩd me, mam na n maana yĩngr-paalga, la dũni-paalga. B kõn tol n leb n tẽeg sẽn zĩnd pĩndã yell ye, b kõn leb n tags a yell ye.

A Matiye Sõng 5:9

Bark bee zab-paasdbã zutu, bala b na n boola bãmb tɩ Wẽnnaam kamba.

A Zã Sõng 1:12

La neb nins fãa sẽn deeg bãmba, la neb nins sẽn tẽed bãmb yʋʋrã, b kõo bãmb noor tɩ b lebg Wẽnnaam kamba.

Tʋʋma 3:21

A Zeezi tog n zĩnda arzãn nanda, hal tɩ Wẽnnaam sẽn da togs bũmb ningã fãa wakat sẽn loogã ne b no-rɛɛs sõamyã noyã manegr wakat ta.

Rom Dãmba 8:14

Bala, neb nins fãa Wẽnnaam Sɩɩgã sẽn tɛt yaa Wẽnnaam kamba.

Rom Dãmba 8:16

Wẽnnaam Sɩɩgã meng kɩta kaset ne tõnd sɩɩgã n yetẽ tɩ tõnd yaa Wẽnnaam kamba.

Rom Dãmba 8:18

Sɩdã, mam getame tɩ namsg nins sẽn tar tõnd moasã wã ka tõe n dɩk n mak ne ziir ning sẽn na n puk tõnd yĩng nindaarã ye.

Rom Dãmba 8:23

Sẽn yɩɩda, tõnd mensã sẽn zoe n paam Sɩɩgã reng-n-lɛmbgã, tõnd me wẽeda sir d pʋsẽ, n gũud wakat ning Wẽnnaam sẽn na n deeg tõnd n maan b kambã, la d gũud tɩ b yols tõnd yĩngã n baase.

Rom Dãmba 9:26

La zĩig ning meng b sẽn dag n yet bãmb tɩ b ka mam nebã, be bala, b na n boola bãmb tɩ Wẽnnaam sẽn vɩ kom-dibli.

1 Korẽnt rãmba 1:7

Woto, yãmb sẽn gũud tõnd Zu-soab a Zeezi pukrã, kũun baa a yembr ka paoog yãmb ye.

1 Korẽnt rãmba 1:8

Bãmb na n kɩtame tɩ y yals kãenkãe a woto hal tɩ wakat ta, tɩ rõadg kõn zĩnd yãmb zut tõnd Zu-soab a Zeezi Kiris daarã ye.

2 Korẽnt rãmba 6:18

Mam na n yɩɩ yãmb Ba, la yãmb na n yɩɩ mam kom-dibli la m kom-pugli. Yaa Zu-soabã, Sẽn-Tõe-Fãa fãa wã n yeele.

Galat Rãmba 3:26

Bala, yãmb sẽn tẽed a Zeezi Kirisã yãmb fãa yaa Wẽnnaam kamba.

Filip rãmba 1:20

Wa sẽn zems mam datem la m tẽeb pidsg gũudmã, bũmb ba a yembr yãnd ka na n yõk maam ye. Moasã ne wakat fãa, mam na n goma ne pɛl-kɛgenga. Woto, Kiris na n paama waoogr mam yĩngã pʋgẽ, sã n yaa mam sẽn vɩ wall m sẽn ki.

Kolos Rãmba 3:4

Kirisã sẽn yaa yãmb vɩɩmã sã n wa n puki, dẽ, yãmb me na n naaga bãmb b ziirã pʋgẽ n puki.

Ebre rãmba 12:27

B sẽn yeel tɩ yɛsã, wilgdame tɩ bũmb nins sẽn digimdã, b na n bak-b-la toore, b sẽn yaa bõn-naandse, tɩ bũmb nins sẽn ka rigimdã na yalse.

1 Pɩyɛɛr 1:13

Yaa woto yĩnga, yõk-y y tagsgo, yɩ-y gũus-m-mens-rãmba, la y paam tẽeb pidsg gũudum sẽn ya sõama zãng ne bark ning b sẽn na n kõ yãmb Kiris waoongã wakatã.

1 Pɩyɛɛr 1:7

Yaa sẽn na yɩl n mak yãmb tẽebã n bãng a sẽn yaa a soaba. Sãnem yaa bõn-sãamdga, la baoosgo b makd-a-la ne bugum n getẽ. La yãmb tẽebã sẽn tar yõod wʋsg n yɩɩd sãnemã, b makd-a lame n getẽ, t'a Zeezi Kiris waoongã daare, bɩ y paam pẽgre la ziiri ne waoogre.

1 Zã 3:1

Ges-y nonglem ninga d ba wã sẽn nong tõndã, bala b boonda tõnd tɩ Wẽnnaam kamba. La tõnd sɩd yaa bãmb kamba. Ad bũmb ning sẽn kɩt tɩ dũni wã ka mi tõndã: Yaa t'a ka bãng d ba wã ye.

1 Zã 3:2

Mam zo-nongdse, tõnd yaa Wẽnnaam kamb moasã, la tõnd sẽn na n yɩ bũmb ningã nan ka puk nand ye. La tõnd miime tɩ Kiris sã n wa n puki, tõnd na n yɩɩ wa bãmba, bala, tõnd na n yãnda bãmb sẽn yaa a soabã.

Vẽnegre 21:7

Ned ning sẽn na n tõogã pʋɩɩr na n yɩɩ a woto: Mam na n yɩɩ yẽnda Wẽnnaam, la yẽnda na n yɩɩ mam biiga.