Rom Dãmba 7:8 - WẼNNAAM SEBRE 2014

⁸ La yel-wẽnã paama tõogã sẽn yeelã, n na n kɩt tɩ sũ-kiir buud fãa kẽ maam. Sɩdã, tõog sã n kaẽ, yel-wẽnã ka vɩ ye.

SEBR SÕNGO

⁸ Noora sẽn yet tɩ woto la woto kisame wã yĩnga, yel-wẽnd tũu rẽ n kẽes tʋlsem ka tɛk m sũurẽ. Noor sã n da kaẽ, yel-wẽnd me kaẽ ye.

KÃAB-PAALGÃ KOE-NOOGO

⁸ La yel-wẽnã paama tõogã sẽn yeelã n na n kɩt tɩ sũ-kiir buud fãa kẽ maam, bala, tõog sã n kaẽ, yel-wẽn yaa bõn-kɩɩnga.

Rom Dãmba 7:8 Iomraidhean Croise

A Mark Sõng 7:22

wagdem, nin-kʋʋre, yoobo, yão-beedo, pʋ-toogo, sɩlem, rãmbgo, sũ-kiiri, nin-tʋʋre, tɩtaam la yalem-tagsgo.

A Zã Sõng 15:22

Mam sã n dag n ka waẽ, la m dag n ka gomẽ ne-ba, beegr dag n kõn zĩnd b zut ye. La moasã, b ka tar padeng sẽn na n padem b yel-wẽnã yĩng ye.

A Zã Sõng 15:24

Mam sã n dag n ka maanẽ tʋʋm nins ned baa a yembr sẽn nan ka maan bãmb sʋkã, beegr dag n kõn zĩnd b zut ye. Moasã, b yãnda mam tʋʋmã, la b kisga maam ne m ba wã fãa.

Rom Dãmba 3:20

Sɩdã, ned baa a yembr ka na n paam zemsg Wẽnnaam taoor tõogã sakr yĩng ye. Bala, tõogã kɩtdame bal tɩ ned bãng yel-wẽnd sẽn yaa a soaba.

Rom Dãmba 4:15

Bala, tõogã wata ne sũ-yikri, la zĩig ning tõog sẽn ka be, beegr me ka ye.

Rom Dãmba 5:20

La tõog yaool n waame tɩ kongr lebg kãsenga. La zĩig ning yel-wẽn sẽn paam pãnga, barkã paama paoosg n yɩɩda.

Rom Dãmba 7:11

Bala, yel-wẽnã sẽn paam weerã, a talla tõogã n belg maam n tõoge, la a talla tõogã n kɩt tɩ mam ki.

Rom Dãmba 7:13

Dẽ yĩngã, bũmb ning sẽn yaa sõama wã lebga kũum mam yĩng bɩ? Yaa vẽeneg tɩ ayo. La sẽn na yɩlg tɩ yel-wẽnã puk a meng n wilg t'a yaa yel-wẽnã, a talla bõn-sõng n wa ne kũum mam yĩnga, tɩ tõogã maasem yĩnga, yel-wẽnã pãng na puk a wẽngã fãa pʋgẽ.

Rom Dãmba 7:17

Moasã, ka leb n yaa maam n maand bõn-kãens ye, la yaa yel-wẽnã sẽn be mam pʋgẽ wã.

Rom Dãmba 7:9

Ne maam, pĩnda, tõogã sẽn dag n ka be wã, mam dag n vɩɩme. La tõogã sẽn wa wã, yel-wẽnã paama vɩɩm, tɩ mam ki.

1 Korẽnt rãmba 15:56

Yaa yel-wẽnã la kũumã toolem, la yaa tõogã n kõt yel-wẽnã pãnga.