Rom Dãmba 7:4 - WẼNNAAM SEBRE 2014

⁴ Woto me m ba-biisi, yãmb yaa kũum, sã n yaa ne tõogã yelle, Kiris yĩngã maasem yĩnga, n na n lebg ned a to rẽnda, soab ning sẽn vʋʋg n yi kũum sʋka, tɩ tõnd na wom biis Wẽnnaam yĩngã.

SEBR SÕNGO

⁴ Dẽ la m na n yeelyã, m saam-biisi, tɩ yãmb me sẽn naag Krista n ki wã y yii noora soolmẽ; tõnd bee ned a to soolmẽ: yaa sẽn vʋʋg-a kɩɩms sʋka soab soolmẽ la d be, la d na n woma bi-sõma n kõ Wẽnnaam.

KÃAB-PAALGÃ KOE-NOOGO

⁴ Woto me m ba-biisi, yãmb yaa kũum, sã n yaa ne tõogã yelle, Kirist yĩngã maasem yĩnga, n na n lebg ned a to rẽnda, soab ning sẽn vʋʋg n yi kũum sʋka, tɩ tõnd na wom biis Wẽnnaam yĩngã.

Rom Dãmba 7:4 Iomraidhean Croise

A Ezayi 54:5

Bala, soab ning sẽn naan-a foomã n yaa fo sɩda. Bãmb yʋʋr boondame tɩ Saasẽ-Pãng-Soaba. Bãmb yaa Israyɛll Pʋ-Peelem-Soabã n yaa fo fãagda. B boonda bãmb tɩ dũni gill Wẽnnaam.

A Ezayi 62:5

Wa bi-bɩɩg sẽn kẽed kãadem ne pʋg-sadã, woto me, fo kom-dibli wã na n leb n maana kãadem ne foom, la wa rao sũur sẽn noom ne a pʋg-paal to-to wã, woto me, fo Wẽnnaamã sũur na n yɩɩ noog ne foom.

A Matiye Sõng 26:26

Bãmb sẽn dɩtã wakate, a Zeezi dɩka buri. La b sẽn ning-a barka, b kao-a lame n kõ b karen-biisã n yeele: «Reeg n dɩ-y-yã. Yõwã yaa mam yĩngã.»

A Mark Sõng 4:20

Bõn-buud nins sẽn lʋɩ‑b zĩ-sõngẽ wã, yaa neb nins sẽn wʋmd Wẽnnaam koɛɛgã n deegdẽ n womd biisi. Kẽer womame tɩ ta bɛɛl pis-tã‑tã, tɩ kẽer ta pis-yoob‑yoobe, tɩ kẽer ta koabg-koabga.»

A Zã Sõng 15:8

Yãmb sã n wom biis wʋsgo, m ba na n paama waoogre, la yãmb na n yɩɩ mam karen-biisi.

A Zã Sõng 3:29

Yaa pag sɩd n so-a. La pʋg-sɩdã zoa bee ne-a n kelgd-a, la a sã n wʋm pʋg-sɩdã koɛɛga, a sũur yaa noogo. Sũ-no-kãng sẽn yaa mam dẽndã pida zãnga.

A Zã Sõng 6:51

Maam, mam yaa bur-vɩɩg sẽn yi arzãn n sigi. Ned sã n dɩ bur‑kãngã, a na n vɩɩmda wakat sẽn kõn sa. La bur ning mam sẽn na n kõ dũni wã vɩɩm yĩngã, yaa mam yĩngã.

Rom Dãmba 6:11

Woto yĩnga, ges-y y meng wa kũum ne yel-wẽna yelle, la a wa neb sẽn vɩ Wẽnnaam yĩnga, a Zeezi Kiris lagem-n-taarã pʋgẽ.

Rom Dãmba 6:14

Sɩda, yel-wẽnã ka na n soog yãmb ye. Bala, ka tõogã n leb n so yãmb ye, yaa barkã n so yãmba.

Rom Dãmba 6:2

Yaa vẽeneg tɩ ayo. Tõnd sẽn yaa wa kũum ne yel-wẽna yellã, tõnd na n leb n yɩɩ a wãn n vɩ yel-wẽn pʋgẽ?

Rom Dãmba 6:22

Moasã, yãmb sẽn paam yolsg n yi yel-wẽnã yembdẽ n lebg Wẽnnaam yembsã, yãmb bi-womdɩ yaa maneg n yɩ yɩlemde, la a baoosg yaa vɩɩm sẽn kõn sa.

Rom Dãmba 7:3

Dẽ, a sɩdã sã n ket n vɩ, t'a lebg rao a to paga, b na n bool-a lame tɩ pʋg-yoodre. La a sɩdã sã n ki, a paama yolsg ne tõogã. Dẽ, a sã n lebg ned a to paga, a ka pʋg-yoodr ye.

Rom Dãmba 7:6

La moasã, b yiisa tõnd tõogã yembd pʋgẽ, bala, tõnd yaa kũum ne bũmb nins sẽn dag gãd tõnd yembd pʋgẽ wã, tɩ tõnd Wẽnnaamã sakr yaa sɩɩgã tõog pʋgẽ, sẽn yaa tõ-paalgã, la ka leb n yaa tõ-kʋdgã sẽn gʋlsã pʋgẽ ye.

Rom Dãmba 8:2

Sɩd me, Sɩɩg sẽn kõt vɩɩm a Zeezi Kiris pʋgẽ wã tõog yolsa maam ne yel-wẽnã tõogo, la ne kũum tõog yembdo.

1 Korẽnt rãmba 10:16

Bark bõn-yũudlã tõnd sẽn ningd barkã, a ka kɩtd tɩ tõnd paam lagem-n-taar ne Kiris zɩɩmã sɩda? Burã tõnd sẽn kaoodã, a ka kɩtd tɩ tõnd paam lagem-n-taar ne Kiris yĩngã sɩda?

2 Korẽnt rãmba 11:2

Bala, mam maanda sũ-kiir yãmb yĩnga, la yaa sũ-kiir sẽn yit Wẽnnaam nengẽ, tɩ bõe mam sẽn dɩk yãmb n kõ sɩd a yembr tãa wã yĩnga. Tɩ mam tõe n tall yãmb n kẽng Kiris nengẽ wa pʋg-sad sẽn ka sãam ye.

Galat Rãmba 3:13

Kiris yolsa tõnd ne kãab-wẽngã, bãmb sẽn lebg kãab-wẽng tõnd yĩngã yĩnga. Bala, b gʋlsame tɩ kãab-wẽng n be ned ning sẽn lulg raoog zugã zugu.

Galat Rãmba 5:18

La sã n yaa Wẽnnaam Sɩɩgã n tɛt yãmba, yãmb ka be tõog sakr pʋgẽ ye.

Efɛɛz Rãmba 2:15

Kiris yiisa a Moyiis tõodã ne a noyã la a minindã, n na n kɩt tɩ buud a yiibã naag taab bãmb pʋgẽ n yɩ bu-paalg a yembre, n kɩt tɩ laafɩ zĩndi,

Filip rãmba 1:11

n pid ne tɩrlem biis sẽn yit a Zeezi Kiris nengẽ, Wẽnnaam waoogre la b pẽgr yĩnga.

Filip rãmba 4:17

Ka tɩ mam baooda kũun ye, mam sẽn baood bũmb ninga yaa tɩ yãmb wom biis wʋsgo. Rẽnda n na n yɩ yãmb yõodo.

Kolos Rãmba 1:10

Kɩt-y tɩ y kẽnã waoogd Zu-soabã, tɩ y tõe n ta bãmb yam bũmb fãa pʋgẽ, la y wom biis ne tʋʋm‑sõama buud fãa, la y bɩ Wẽnnaam bãngr pʋgẽ.

Kolos Rãmba 1:22

moasã, Wẽnnaam yiisa yell ning sẽn da be yãmb ne bãmb sʋkã, a Zeezi yĩn-kiidgã kũum maasem yĩnga, tɩ b tõe n tall yãmb n wa b taoor ne pʋ-peelem, tɩ y ka tar yelle, la tɩ rõdb kaẽ ye.

Kolos Rãmba 1:6

Koe-no-kãng taa yãmb nengẽ. A sẽn womd biis la a kẽngd taoor to-to dũniyã tɛk fãa wã, a maanda a woto me yãmb nengẽ hal sẽn sɩng ne daar ning yãmb sẽn wʋm la y bãng Wẽnnaam barkã wa sẽn zems sɩda,

Kolos Rãmba 2:14

Bãmb yẽesa tõod nins b sẽn da gʋls n kaood tõnd bʋʋdã la sẽn da mongd tõnd bʋʋma Wẽnnaam menesa tõ-kãng wakat ning b sẽn ka a Zeezi da-pɩkã zugã.

Kolos Rãmba 2:20

Sã n yaa tɩ yãmb kii ne Kirisã, tɩ Kiris yols yãmb ne tẽeb buud toay-toayã yembdo, bõe tɩ yãmb bas tɩ b leb n modgd yãmb tɩ y sak tõod a woto sẽn ya:

Ebre rãmba 10:10

Yaa Wẽnnaam daab‑kãng maasem yĩng la tõnd paam welgr n lebg toore, a Zeezi Kiris sẽn kõ b meng vugr tãa wakat fãa yĩngã yĩnga.

1 Pɩyɛɛr 2:24

Kiris meng n deeg tõnd yel-wẽnã b yĩngã pʋgẽ da-pɩkã zugu, tɩ tõnd sẽn yaa wa kũum yel-wẽnã wɛɛngẽ wã, tõnd na vɩɩmd n maan tɩrlem. Yaa bãmb poglgã yĩng la yãmb paamd maagre.

Vẽnegre 19:7

D maan sũ-noog n kɩdme, la d waoog bãmba. Bala pe-bilã pʋg-peegrã daar taame, la bãmb pʋg-paalã segla a meng n sɛ.

Vẽnegre 21:9

Dẽ poore, malegs a yopoe wã sẽn da zãad laas a yopoe sẽn pid ne yaoolem tood a yopoe wã ned a yembr waa n goma ne maam n yeel yaa: Wa tɩ m na n wilg-f‑la pʋg-paalã, pe-bilã pagã.