Rom Dãmba 7:18 - WẼNNAAM SEBRE 2014

¹⁸ Bala, mam miime tɩ bõn-sõng ka be mam pʋgẽ, mam yĩngã pʋgẽ ye. Bala, mam tõe n paama datem tɩ maan neere, la m ka tar pãn-tõog tɩ maan-a ye.

SEBR SÕNGO

¹⁸ M neeme tɩ bõn-sõng ba a ye ka be m nengẽ ye, ka be m yĩngẽ ye; neer tʋlsem ka toog ne maam ye, yaa maaneg n ya toog ne-ma,

KÃAB-PAALGÃ KOE-NOOGO

¹⁸ Bala, mam miime tɩ bõn-sõng ka be mam pʋgẽ, mam yĩngã pʋgẽ ye. Bala mam tõee n paama datem tɩ maan neere, la m ka tar pãn-tõog tɩ maan-a ye.

Rom Dãmba 7:18 Iomraidhean Croise

Sɩngrẽ 6:5

Sẽn-Ka-Saab gesame tɩ ninsaalbã wẽngã lebga wʋsg dũniyã zugu, la daar fãa, ninsaal tagsda wẽng maaneg yell bala.

Sɩngrẽ 8:21

Sẽn-Ka-Saab wʋma yũ-noogã, la bãmb yeela b sũurẽ: «Mam ka na n leb n kãab dũniyã kãab-wẽng ninsaal yĩng ye. Bala, hal ninsaal yãadem wakate, a tagsda wẽng maaneg bal a sũurẽ. La mam ka na n leb n sãam bõn-vɩɩsã wa mam sẽn zoe n maanã ye.

A. Zoobe 14:4

Ãnda soab n tõe n kɩt tɩ bõn-sõng yi bõn-dẽgd pʋgẽ? Yẽnda soab ka tol n beẽ ye!

A. Zoobe 25:4

Ninsaal na n maana a wãn n yɩ tɩrg Wẽnnaam taoore? Pag sẽn dog a soab fãa na n maana a wãn n yɩ yɩlemde?

Yɩɩn‑sõamyã 119:173

Bɩ y tẽeg y nug n sõng-ma, bala, mam yãka yam n na n sak yãmb no-tũudsã.

Yɩɩn‑sõamyã 119:176

Mam saada wa peosg sẽn meneme, bɩ y bao y tʋmtʋmdã, bala, mam ka yĩmd yãmb noyã yell ye.

Yɩɩn‑sõamyã 119:32

Mam zoeta yãmb noyã sor zugu, bala, yãmb yoka mam yamã.

Yɩɩn‑sõamyã 119:40

Mam sesdame n dat yãmb no-tũudsã. Kɩt-y tɩ m vɩɩmd yãmb tɩrlmã pʋga!

Yɩɩn‑sõamyã 119:5

Mam dat n gũusa ne m manesem, n tõog n sak yãmb tõodã!

Yɩɩn‑sõamyã 51:5

Bala, mam sak n deega m kongrã, la mam yel-wẽnã bee m taoor wakat fãa.

A Ezayi 64:6

Ned ba a yembr ka leb n boond yãmb yʋʋrã ye, ned ka be n yẽegd a meng n baood yãmb ye. Bala, yãmb wẽnemd n basa tõndo, la yãmb basa tõnd tɩ d boog d kongrã yĩnga.

A Matiye Sõng 15:19

Bala, tags-wẽnse, nin-kʋʋre, yoobo, raglem, wagdem, zĩrẽ la kãnegr yita sũur pʋgẽ.

A Luk Sõng 11:13

Sã n yaa tɩ yãmb sẽn yaa nin-wẽnsã miime tɩ kõ y kambã bõn-sõamyã, yãmb ba sẽn be arzãnã n mi n yɩɩda, n na n kõ neb nins sẽn kot bãmbã Sɩɩg-sõngo.

A Zã Sõng 3:6

Bũmb ning yĩng sẽn dog yaa yĩnga, la bũmb ning Sɩɩg-sõng sẽn dog yaa sɩɩga.

Rom Dãmba 13:14

Yeelg-y Zu-soab a Zeezi Kiris wa fuugu, la y ra bʋ yĩngã yelle n dat n pids a sẽn datã ye.

Rom Dãmba 7:15

Bala, bũmb nins mam sẽn maandã, mam ka wʋmd b võor ye. Mam sẽn dat n maan bũmb ninsã, mam ka maand ye, la mam yaool n maanda bũmb nins mam sẽn kisã.

Rom Dãmba 7:19

Mam ka maand neer ning mam sẽn datã ye, la m maanda wẽng ning m sẽn ka ratã.

Rom Dãmba 7:25

Bɩ d pʋʋs Wẽnnaam bark tõnd Zu-soab a Zeezi Kiris maasem yĩnga. Woto, ne mam yam-wekre, mam yaa Wẽnnaam tõogã yamba, la sã n yaa ne mam yĩngã, mam yaa yel-wẽnã tõog yamba.

Rom Dãmba 7:5

Bala, wakat ning yĩngã ratmã sẽn dag n so tõndã, tõogã kɩtame tɩ yel-wẽnã ratem yik n dag n tʋmd tõnd yĩngã wil pʋsẽ, n kɩtdẽ tɩ tõnd womd biis sẽn wat ne kũum.

Galat Rãmba 5:17

Bala, yĩngã tara ratem sẽn yaa lebend ne Wẽnnaam Sɩɩgã rẽnda, la Wẽnnaam Sɩɩgã tara ratem sẽn yaa lebend ne yĩngã rẽnda. B kɩɩsda taaba, tɩ yãmb kõn maan y sẽn datã ye.

Galat Rãmba 5:24

Neb nins sẽn be a Zeezi Kiris pʋgẽ wã kaa b yĩngã ne a sẽn nonge, la a raabã fãa da-pɩk zugu.

Filip rãmba 2:13

Bala, yaa Wẽnnaam n maand b tʋʋmd yãmb pʋsẽ, la b kõt yãmb ratmã, la pãng tɩ maan wa sẽn zems bãmb daabã.

Filip rãmba 3:12

Ka tɩ mam zoe n paama m rolbã nanda, wall m tõog n zemsa zãng nand ye. La mam ket n kẽngda taoore, n maoodẽ tɩ gãd-a, bala a Zeezi Kiris zoe n gãda maam.

A Titi 3:3

Bala, pĩnda tõnd me rag n yaa yalemba, la nin-kɩɩsdba, la neb sẽn bʋdge, la ratem wẽns buud toay-toay la sũ-no-yood n dag n so tõndo. Tõnd dag n vɩɩ pʋ-toog la sũ-kĩir pʋga, tõnd dag n kisa neb a taaba tɩ bãmb me kis tõndo.

1 Pɩyɛɛr 4:2

tɩ wakat ning sẽn ket yẽnda sẽn na n vɩɩmd a yĩngã pʋgã, yẽnda kõn leb n vɩ wa sẽn zems ninsaal datem ye, la a na n vɩɩmda wa sẽn zems Wẽnnaam datem.