Rom Dãmba 6:23 - WẼNNAAM SEBRE 2014

²³ Bala, yel-wẽnã yaood yaa kũun, la kũun ning Wẽnnaam sẽn kõt zaalmã yaa vɩɩm sẽn kõn sa, tõnd Zu-soab a Zeezi Kiris pʋgẽ.

SEBR SÕNGO

²³ Yel-wẽnd sẽn wat ne bũmb ninga yaa kũum bala; la Wẽnnaam kũuna sẽn wat ne a soaba, yaa vɩɩm sẽn kõn sɛ, tõnd Soaala Zezi Krista maasmẽ.

KÃAB-PAALGÃ KOE-NOOGO

²³ Bala, yel-wẽnã yaood yaa kũun, la kũun ning Wẽnnaam sẽn kõt zaalmã yaa vɩɩm sẽn kõn sa, tõnd Zu-soab a Zezi Kirist pʋgẽ.

Rom Dãmba 6:23 Iomraidhean Croise

Sɩngrẽ 2:17

Bãmb leb n yeela ninsaala: «Yaa tɩɩg ning sẽn kɩtd tɩ ned bãng wẽnga, ne sõmb n bakã biis bal la fo ka tog n dɩ. Bala, daar ninga fo sẽn na n dɩ tɩ-kãngã bilã, fo na n kiime.»

Sɩngrẽ 3:19

La fo na n kaaga f rĩir tʋʋlg n yaool n paam dɩɩb n dɩ. Hal tɩ ta daar ning fo sẽn na n lebg n leb tẽng tomẽ wã. B sẽn yãk tẽng tom n maan foomã yĩnga. Bala, fo yaa tẽng tom, la fo na n leb n leba tẽng tomẽ.»

Yelbũna 11:19

N-yẽe! Tɩrlem maaneg rabda vɩɩm zĩigẽ, la wẽng maaneg rabda kũum zĩigẽ.

A Ezayi 3:11

Nin-wẽng na n paama toogo! Ka na n yɩ sõama yẽnda yĩng ye. Bala, yẽnda na n deega a nus tʋʋmã yaoodo.

A Ezayi 3:9

Bãmb nensã gãneng kɩta kaseto, tɩ bãmb ka zems ye. Bãmb sẽn maand b yel-wẽnã wa Sodom nebã sẽn dag n maandã, n ka solgdẽ wã yĩnga. Ad yaa toog n na n paam-ba! Bala, bãmb n segl to-kãng b mens yĩnga.

Ezekiyɛl 18:20

Yaa ned ning sẽn maan-a yel-wẽnã n na n ki. Ba kongr ka lʋɩt biig zug ye, la biig kongr ka lʋɩt ba zug ye. Nin-tɩrg tɩrlem n pʋgd-a, la nin-wẽng wẽnemã n pʋgd-a.»

Ezekiyɛl 18:4

Ninsaalbã fãa yaa maam n so. Ba-rãmbã ne kambã fãa yaa maam n so. Yaa ned ning sẽn maan-a yel-wẽnã n na n ki.

A Matiye Sõng 25:46

La nin-kãens na n kẽe sɩbgr sẽn kõn sa pʋgẽ, la nin-tɩrsã na n kẽe vɩɩm sẽn kõn sa pʋgẽ.

A Zã Sõng 10:28

Mam kõt-b-la vɩɩm sẽn kõn sa. B kõn tol n sãam ye, la ned baa a yembr kõn yiis-b mam nugẽ ye.

A Zã Sõng 17:2

La wa yãmb sẽn kõ yẽnda noor ning Ninsaal buud fãa zutã, bãmb kõta neb nins fãa yãmb sẽn kõ yẽnda wã vɩɩm sẽn kõn sa.

A Zã Sõng 3:36

Ned ning sẽn tẽed-a Bi-riblã tara vɩɩm sẽn kõn sa. La ned ning sẽn kɩɩsd-a Bi-riblã kõn paam vɩ-kãng ye, la Wẽnnaam sũ-puugrã na n ta-a lame.

A Zã Sõng 4:14

La ned ning fãa sẽn na n yũ koom ning mam sẽn na n kõ-a wã ye, ko-yũud kõn leb n yõka ye: la koom ning mam sẽn na n kõ-a wã na n lebga ko-bundg sẽn na n buli, hal tɩ ta vɩɩm sẽn kõn sa wã pʋgẽ.

A Zã Sõng 4:36

Sẽn tigsd-a wã zoe n deegda a tʋʋm yaoodo, la a tigsda koodã wakat sẽn kõn sa yĩnga. Woto, sẽn bʋt-a wã ne sẽn tigsd-a wã naagda taab n kɩdme.

A Zã Sõng 5:24

Mam yeta yãmb sɩd-sɩd tɩ ned ning fãa sẽn kelgd mam goamã, la a tẽed sẽn tʋm-a maamã a tara vɩɩm sẽn kõn sa. B ka na n sɩbg-a ye. A yii kũumẽ n kẽ vɩɩmẽ.

A Zã Sõng 6:27

Da tʋm-y rɩɩb sẽn sãamdã yĩng ye. Tʋm-y rɩɩb ning sẽn paad vɩɩm sẽn kõn sa wã yĩnga: Ninsaal Bi-riblã n na n kõ-a yãmba. Bala, yaa ba a Wẽnnaam n yãk yẽnda.»

A Zã Sõng 6:40

Sɩd me, ad m ba raabo: Yaa tɩ ned ning fãa sẽn yã Bi-riblã n tẽ bãmb na paam vɩɩm sẽn kõn sa. La mam na n vʋʋg-a-la yaoolem daarã.

A Zã Sõng 6:68

A Sɩmo Pɩyɛɛr leoka bãmb n yeele: «Zu-soaba, tõnd na n kẽnga ãnda soab nengẽ? Yãmb tara vɩɩm sẽn kõn sa wã goamã.

Rom Dãmba 1:32

La baa ne b sẽn mi Wẽnnaam yelsem sẽn yet tɩ neb nins sẽn maand bõn-kãensã zemsa ne kũumã, b maand-b lame. La ka rẽ bal ye, b yetame me tɩ neb nins sẽn maand bõn-kãensã maanda neere.

Rom Dãmba 2:7

neb nins sẽn modgd tɩ maan neere, n baood ziiri, la waoogre, la b baood vɩɩm sẽn kõn sa wã na n paam-a lame,

Rom Dãmba 5:12

Yaa woto yĩnga, a wa yel-wẽna sẽn wa dũni ned a yembr maasem yĩngã, tɩ yel-wẽnã wa ne kũum, tɩ nebã fãa kiidẽ, b fãa sẽn maan yel-wẽnã yĩngã.

Rom Dãmba 5:17

Kũum sã n bee ned a yembr tãa kongrã yĩnga, neb nins sẽn dag deeg Wẽnnaam bark-kãsengã la tɩrlem kũunã kõn vɩɩmd n dɩ naam a Zeezi Kiris b yembr tãa maasem yĩng n yɩɩd sɩda?

Rom Dãmba 5:21

Woto, a wa yel-wẽnã ne kũum sẽn soog zĩigã, barkã sooga zĩig me tɩrlmã yĩnga, tɩ d tõe n paam vɩɩm sẽn kõn sa, tõnd Zu-soab a Zeezi Kiris maasem yĩnga.

Rom Dãmba 6:16

Yãmb ka mi tɩ yãmb sã n kõ-y meng neda, n na n yɩ a yamb n sak-a, yãmb sɩd yaa ned ning yãmb sẽn sakdã yamba? Yãmb tõe n yɩɩ yel-wẽnã sẽn wat ne kũumã yembse, wall sakr sẽn taasd ned tɩrlem pʋgẽ wã yembse.

Rom Dãmba 6:21

Bi-bõe la yãmb dag n womd wakat-kãnga? Yaa biis nins sẽn ningd yãmb yãnd moasã wã, bala, b baoosg yaa kũum.

Rom Dãmba 8:13

Yãmb sã n vɩɩmd wa yĩngã sẽn data, yãmb na ki. La yãmb sã n kɩt tɩ yĩngã tʋʋm ki ne Sɩɩgã pãnga, yãmb na vɩɩmde.

Rom Dãmba 8:38

Bala, mam sũur keemame tɩ kũum, wall vɩɩm, wall malegse, wall pãn-soaadba, wall bũmb sẽn be moasã, wall bũmb sẽn wata,

Rom Dãmba 8:39

wall pãense, wall yĩngr nebã, wall tẽngr nebã, wall bõn-naandg a to baa a yembr kõn n welg tõnd ne Wẽnnaam nonglem sẽn be tõnd Zu-soab a Zeezi Kiris pʋgẽ wã ye.

Rom Dãmba 8:6

Yĩngã ratem sakr wata ne kũum, la Sɩɩgã ratem sakr wata ne vɩɩm la bãane.

Galat Rãmba 3:10

Sɩd me, neb nins fãa sẽn teegd tõog tʋʋmã bee kãab-wẽng pʋgẽ, bala, b gʋlsame n yeele: Kãab-wẽng n be ned ning fãa sẽn ka sakd bũmb nins fãa sẽn gʋls seb-kãngã pʋgẽ, la a ka maand wa sẽn gʋlsã zugu.

A Titi 1:2

wẽn-tũudum, n paam tẽeb pidsg gũudum ne vɩɩm sẽn kõn sa wã, Wẽnnaam sẽn yaa sɩd soabã sẽn dag n kãab hal tɩ dũni nan ka naana.

Zake 1:15

La yĩngã ratem sã n dɩk pʋga, a rogda yel-wẽnde. La yel-wẽndã sã n wa n bɩ, a wata ne kũum.

1 Zã 2:25

Ad bũmb ning Kiris sẽn kãab tõndã: Yaa vɩɩm sẽn kõn sa.

Vẽnegre 21:8

La sã n yaa ne rabɛɛmbã, la ka-tẽeb rãmbã, la tʋʋm-dẽgd maandbã, la nin-kʋʋdbã, la nin-yoaadbã, la tɩ-maandbã, la wẽn-naands pʋʋsdbã, la zĩrẽ‑be‑nebã fãa, bãmb pʋɩɩr na n yɩɩ tɩ kẽ bugum mogrẽ wã, zĩig ning kidbr sẽn dɩtã. Rẽ yaa kũum a yiib soabã.