Rom Dãmba 6:21 - WẼNNAAM SEBRE 2014

²¹ Bi-bõe la yãmb dag n womd wakat-kãnga? Yaa biis nins sẽn ningd yãmb yãnd moasã wã, bala, b baoosg yaa kũum.

SEBR SÕNGO

²¹ La m na n sok-y lame n gese, y paama bõe y tʋʋm kãensa pʋgẽ sã n ka y sẽn zĩ rũnna tɩ b yãnd tar-y wã? B ka tar yõod n zʋʋg kũum ye.

KÃAB-PAALGÃ KOE-NOOGO

²¹ Bi-bõe la yãmb dag n womd wakat kãnga? Yaa biis nins sẽn ningd yãmb yãnd moasã wã, bala, b baoosg yaa kũum.

Rom Dãmba 6:21 Iomraidhean Croise

1 Rĩm-dãmbã 2:26

Rĩmã yeela maan-kʋʋd a Abiyataar yaa: «Yik n kẽng Anatot sẽn yaa fo zĩigã, bala, m dag n tog n kʋʋ foom, la rũndã, m ka na n kʋ-f ye. Bala, fo rag n tʋka Sẽn-Ka-Saab sẽn yaa Zu-soabã kaoolã koglgã n lʋɩ m ba a Davɩɩd taoore, la f naaga m ba a Davɩɩd b namsgã fãa pʋga.»

Esdras 9:6

La mam pʋʋsa Wẽnnaam n yeel yaa: «Mam Wẽnnaam, yãnd n tar maam, yãndã tara maam tɩ m ka tol n tõe n zẽk m neng yãmb taoor ye. Tõnd yel-wẽnã yaa wʋsgo, tɩ b zãntlmã yɩɩd tõnd woglmã, tõnd beegrã zamame n tol n tat saasẽ.

A. Zoobe 33:27

Yẽnda yɩɩnda nebã taoor n yetẽ: «Mam maana yel-wẽnã, mam golma sẽn yaa tɩrgã, la Wẽnnaam ka sɩbg-m wa sẽn zems m kongrã ye.

A. Zoobe 40:4

«Mam paoodame, m na n leoka yãmb tɩ bõe? Mam na n dɩka m nug n pĩ m noor bala.

A. Zoobe 42:6

Rẽ kɩtame tɩ mam lebsd m noor poorẽ, la m maand m bãngẽ n zĩ tomẽ ne tompeglmẽ.»

Yɩɩn‑sõamyã 73:17

Yaa mam sẽn wa n ta Wẽnnaam do-sõngẽ wã, la m bãng nin-wẽng baoosg sẽn na n yɩ a soaba.

Yelbũna 1:31

y na n dɩ y tʋʋmã biisi, la y na n tɩga ne y mens saglse.

Yelbũna 14:12

Ned tõe n tagsdame t'a rɩka so-sõngo, n mik yaool n yaa sor sẽn dabd ne-a kũum zĩigẽ.

Yelbũna 16:25

Sor tõeeme n yaa tɩrg ned nifẽ, t'a baoosg yaool n yaa kũum.

A Ezayi 3:10

Yeel-y tɩ bũmb fãa na n yɩɩ neer nin-tɩrg yĩnga, bala, yẽnda na n dɩɩ a tʋʋmã yõodo.

Zeremi 12:13

Bãmb dag n bʋda bɩle, la b na n kẽeba gõose. B namsa b meng zaalem bala, Yãmb koodã yãnd tar-y lame, Sẽn-Ka-Saab sũ-puug-kãsengã yĩnga.

Zeremi 17:10

Maam a Sẽn-Ka-Saab n feesd ninsaal sũuri, n mi a sẽn tagsd bũmb ninga, n keood ned kam fãa wa sẽn zems a yel-manesmã, la a tʋʋmã biisi.

Zeremi 3:3

Yaa woto n kɩt tɩ saag ka ni sigri, la sẽoog me ye. La baoosgo, yãmb nensã yaa wa pʋg-yoodr nenga. Yãnd ka tar yãmb ye.

Zeremi 31:19

Tõnd sẽn wẽnemd n bas yãmbã, d maanda d bãngẽ. Yãmb sẽn kɩt tɩ tõnd bãng d kongrã, tõnd sũur sãamame tɩ d pĩis d gɛya. Yãnd tara tõnd tɩ d zut surẽ, bala, tõnd bi-bɩɩlem wakatẽ paoogrã ket n be d zugu.

Zeremi 8:12

Bãmb sẽn maan yel-beedã yãnd tar-b lame bɩ? Baa bilfu! Bãmb ka mi yãn-zoeer ye. Woto yĩnga, bãmb na n naaga neb nins sẽn lʋɩtã n lʋɩ. Mam sã n wa sɩbg-ba, b na n lʋɩɩme. Maam a Sẽn-Ka-Saab n yeele.

Ezekiyɛl 43:11

Yãndã sã n yõk bãmb bũmb nins fãa b sẽn maanã yĩnga, bɩ f wilg-b ro-kãng yalẽ wã, a yasrã, a zĩis nins b sẽn tũud n yitã, ne a zĩis nins b sẽn na n tũud n kẽedẽ wã, a naana wã fãa ne a no-tũudsã fãa, n paas ne a naana wã fãa la a tõodã fãa. Rɩk bilg-kãens n wilg-ba. Bãmb na n gesa naana wã fãa ne a no-tũudsã fãa, n kell n maan a woto.

A Dãniyɛlle 12:2

La neb wʋsg sẽn gãe tẽng tomẽ na n vʋʋgame. Kẽer na n vʋʋgame n paam vɩɩm sẽn kõn sa, tɩ kẽer vʋʋg n paam yãnde, n vɩɩmd paoog-kãseng pʋg wakat sẽn kõn sa yĩnga.»

Rom Dãmba 1:32

La baa ne b sẽn mi Wẽnnaam yelsem sẽn yet tɩ neb nins sẽn maand bõn-kãensã zemsa ne kũumã, b maand-b lame. La ka rẽ bal ye, b yetame me tɩ neb nins sẽn maand bõn-kãensã maanda neere.

Rom Dãmba 5:12

Yaa woto yĩnga, a wa yel-wẽna sẽn wa dũni ned a yembr maasem yĩngã, tɩ yel-wẽnã wa ne kũum, tɩ nebã fãa kiidẽ, b fãa sẽn maan yel-wẽnã yĩngã.

Rom Dãmba 6:16

Yãmb ka mi tɩ yãmb sã n kõ-y meng neda, n na n yɩ a yamb n sak-a, yãmb sɩd yaa ned ning yãmb sẽn sakdã yamba? Yãmb tõe n yɩɩ yel-wẽnã sẽn wat ne kũumã yembse, wall sakr sẽn taasd ned tɩrlem pʋgẽ wã yembse.

Rom Dãmba 6:23

Bala, yel-wẽnã yaood yaa kũun, la kũun ning Wẽnnaam sẽn kõt zaalmã yaa vɩɩm sẽn kõn sa, tõnd Zu-soab a Zeezi Kiris pʋgẽ.

Rom Dãmba 7:5

Bala, wakat ning yĩngã ratmã sẽn dag n so tõndã, tõogã kɩtame tɩ yel-wẽnã ratem yik n dag n tʋmd tõnd yĩngã wil pʋsẽ, n kɩtdẽ tɩ tõnd womd biis sẽn wat ne kũum.

Rom Dãmba 8:13

Yãmb sã n vɩɩmd wa yĩngã sẽn data, yãmb na ki. La yãmb sã n kɩt tɩ yĩngã tʋʋm ki ne Sɩɩgã pãnga, yãmb na vɩɩmde.

Rom Dãmba 8:6

Yĩngã ratem sakr wata ne kũum, la Sɩɩgã ratem sakr wata ne vɩɩm la bãane.

2 Korẽnt rãmba 4:2

Tõnd kɩɩsda bũmb nins sẽn solg n yaa yãn-tʋʋmã, tõnd ka tʋmd ne sɩlem ye. La tõnd ka tekd Wẽnnaam goamã ye. Tõnd wilgda sɩdã vẽenega, n paamd kaset-sõng nebã fãa sũyã pʋs Wẽnnaam taoore.

2 Korẽnt rãmba 7:11

La ad sũ-sãang ning sẽn yit Wẽnnaam nengẽ wã sẽn modg yãmb tɩ y maan bũmb ninsi: A kɩtame tɩ y yiis yell y mens zutu, a waa ne sũ-pa-noaanga, a waa ne rabeem, a waa ne ratem kãsenga, a waa ne yamleoogo, a waa ne sɩbgre. Bũmbã fãa pʋgẽ, yãmb wilgame tɩ y ka tar yell yel-kãngã pʋg ye.

Yaoolem 17:6

Ned sã n segd ne kũum, b tog n kʋ-a lame, la yaa neb a yiib bɩ a tãab kaset yĩnga. B ka tog n kʋ a soabã nin-yend kaset yĩng ye.

Yaoolem 21:22

Ned sã n maan wẽng sẽn zems kũum tɩ b kʋ-a, tɩ yãmb lulg-a tɩɩg zugu,

Filip rãmba 3:19

Bãmb baoosg na n yɩɩ sãoongo, bãmb pʋsã n yaa b wẽnnaam, bãmb maanda sũ-noog ne bũmb ning sẽn yaa yãnd b yĩngã. B ka tagsd bũmb tɩ sã n ka dũniyã yɛl bal ye.

Ebre rãmba 10:29

La yãmb ka tagsd tɩ ned sã n tab Wẽnnaam Bi-riblã ne a naoã, la a ges kaoolã zɩɩm ning sẽn kɩt tɩ yẽ lebg toor Wẽnnaam yĩngã wa bõn-zaalga, la a paoog Sɩɩg ning sẽn wat ne sugrã, a na n paama sɩbgr sẽn yaa toog n yɩɩd sɩda?

Ebre rãmba 6:8

La sã n yaa gõos ne mo-gõos n yit be bala, b yetame t'a ka sõama ye, n dat n kãab-a wẽnga, la a wat n baasa ne bugum yõogre.

Zake 1:15

La yĩngã ratem sã n dɩk pʋga, a rogda yel-wẽnde. La yel-wẽndã sã n wa n bɩ, a wata ne kũum.

Zake 5:20

bɩ y bãng tɩ ned ning sẽn leb n tall-a yel-wẽn-maandã t'a bas meneng sorã n lebg n wa wã, a fãaga ned yõore, la a sõng-a t'a paam yel-wẽn wʋsg sugri.

1 Pɩyɛɛr 4:17

Bala, moasã yaa wakat b sẽn na n sɩng bʋʋdã kaoob ne Wẽnnaam nebã. La sã n mikame tɩ yaa ne tõnd la b na n sɩng bʋʋdã kaoobo, neb nins sẽn ka sakd-b Wẽnnaam koe-noogã baoosg na yɩɩ a wãna?

1 Zã 2:28

La moasã, mam kom-bãoonego, bɩ y pa Kiris pʋga, tɩ bãmb sẽn na n wa pukã wakate, bɩ tõnd paam pɛl-kɛgenga, tɩ bãmb waoongã daare, yãnd kõn yõk tõnd bãmb taoor ye.

Vẽnegre 16:6

Bala, bãmb daaga neb nins sẽn welg toorã la yãmb no-rɛɛsdbã zɩɩm, la yãmb kõ-b-la zɩɩm tɩ b yũ. Rẽ segda ne bãmba.

Vẽnegre 20:14

B loba kũumã ne kɩɩm-kulg bugum ko‑kãsengã pʋga. Bugum ko‑kãsengã yaa kũum a yiib soaba.