Rom Dãmba 6:11 - WẼNNAAM SEBRE 2014

¹¹ Woto yĩnga, ges-y y meng wa kũum ne yel-wẽna yelle, la a wa neb sẽn vɩ Wẽnnaam yĩnga, a Zeezi Kiris lagem-n-taarã pʋgẽ.

SEBR SÕNGO

¹¹ Dɩlla yãmb me ges y meng marsã wa neb sẽn ka le kĩ ne yel-wẽnde, la y vɩɩnd Wẽnnaam kamb vɩɩm tõnd Soaala Zezi Krista maasmẽ.

KÃAB-PAALGÃ KOE-NOOGO

¹¹ Woto yĩnga, ges-y y meng wa kũum ne yel-wẽna yelle, la a wa neb sẽn vɩ Wẽnnaam yĩnga, Kirist Zezi lagem-n-taarã pʋgẽ.

Rom Dãmba 6:11 Iomraidhean Croise

A Zã Sõng 20:31

La bãmbã sẽn gʋlsã, yaa tɩ yãmb na tẽ t'a Zeezi yaa Kirisi, Wẽnnaam Bi-ribla, la tɩ yãmb na paam vɩɩm bãmb yʋʋrã yĩnga, yãmb sẽn tẽ wã yĩnga.

Rom Dãmba 16:27

Bɩ Wẽnnaam, sẽn yaa b yembr tãa n yaa yam soabã soog ziiri, wakat fãa, a Zeezi Kiris maasem yĩnga. Ãmina!

Rom Dãmba 5:1

Dẽ, tõnd sẽn paam zemsg tẽeb yĩngã, tõnd tara zems-n-taar ne Wẽnnaam tõnd Zu-soab a Zeezi Kiris maasem yĩnga.

Rom Dãmba 6:10

Bãmb kiime, la sɩdã, yaa yel-wẽnã yiisg yĩng la bãmb ki vugr bala. La b sẽn vɩ moasã wã, b vɩɩ Wẽnnaam yĩnga.

Rom Dãmba 6:13

Da rɩk-y y yĩngã will n kɩs yel-wẽnã tɩ yɩ ka-tɩrlem tʋʋm teed ye. Kõ-y y mens Wẽnnaam, wa neb sẽn vʋʋg n yi kũum sʋk n vɩ, la y kõ Wẽnnaam y yĩngã wil tɩ yɩ tɩrlem tʋʋm teedo.

Rom Dãmba 6:2

Yaa vẽeneg tɩ ayo. Tõnd sẽn yaa wa kũum ne yel-wẽna yellã, tõnd na n leb n yɩɩ a wãn n vɩ yel-wẽn pʋgẽ?

Rom Dãmba 6:23

Bala, yel-wẽnã yaood yaa kũun, la kũun ning Wẽnnaam sẽn kõt zaalmã yaa vɩɩm sẽn kõn sa, tõnd Zu-soab a Zeezi Kiris pʋgẽ.

Rom Dãmba 7:4

Woto me m ba-biisi, yãmb yaa kũum, sã n yaa ne tõogã yelle, Kiris yĩngã maasem yĩnga, n na n lebg ned a to rẽnda, soab ning sẽn vʋʋg n yi kũum sʋka, tɩ tõnd na wom biis Wẽnnaam yĩngã.

Rom Dãmba 7:6

La moasã, b yiisa tõnd tõogã yembd pʋgẽ, bala, tõnd yaa kũum ne bũmb nins sẽn dag gãd tõnd yembd pʋgẽ wã, tɩ tõnd Wẽnnaamã sakr yaa sɩɩgã tõog pʋgẽ, sẽn yaa tõ-paalgã, la ka leb n yaa tõ-kʋdgã sẽn gʋlsã pʋgẽ ye.

Rom Dãmba 8:18

Sɩdã, mam getame tɩ namsg nins sẽn tar tõnd moasã wã ka tõe n dɩk n mak ne ziir ning sẽn na n puk tõnd yĩng nindaarã ye.

1 Korẽnt rãmba 6:20

Bala, b lebs n daa yãmb toogo. Woto yĩnga, waoog-y Wẽnnaam ne y yĩngã [la ne Sɩɩgã sẽn yaa Wẽnnaam dẽndã.]

Efɛɛz Rãmba 2:7

tɩ wakat sẽn wate, bɩ bãmb tõe n wilg tõnd bãmb bark kãsengã, b sẽn kõ tõnd sõmblem Kiris maasem yĩngã.

Filip rãmba 1:11

n pid ne tɩrlem biis sẽn yit a Zeezi Kiris nengẽ, Wẽnnaam waoogre la b pẽgr yĩnga.

Filip rãmba 4:7

La Wẽnnaam laafɩ wã sẽn yɩɩd ninsaalbã bãngr fãa wã na n gũu yãmb sũyã ne y tagsdã a Zeezi Kiris pʋga.

Kolos Rãmba 2:20

Sã n yaa tɩ yãmb kii ne Kirisã, tɩ Kiris yols yãmb ne tẽeb buud toay-toayã yembdo, bõe tɩ yãmb bas tɩ b leb n modgd yãmb tɩ y sak tõod a woto sẽn ya:

Kolos Rãmba 3:17

Bũmb ning fãa yãmb sẽn maanda, sã n yaa goam pʋga wall tʋʋm pʋga, maan-y fãa ne Zu-soab a Zeezi yʋʋre, n pʋʋs ba a Wẽnnaam bark a Zeezi maasem yĩnga.

1 Pɩyɛɛr 2:24

Kiris meng n deeg tõnd yel-wẽnã b yĩngã pʋgẽ da-pɩkã zugu, tɩ tõnd sẽn yaa wa kũum yel-wẽnã wɛɛngẽ wã, tõnd na vɩɩmd n maan tɩrlem. Yaa bãmb poglgã yĩng la yãmb paamd maagre.

1 Pɩyɛɛr 2:5

La yãmb mens sẽn wẽnd kug-vɩɩsã, me-y y mens tɩ yɩ Sɩɩg-sõng roogo, la maan-kʋʋdb sẽn yaa sõama, n kõt Wẽnnaam maoong sẽn yaa Sɩɩg-sõng rẽnda, sẽn tat Wẽnnaam yam a Zeezi Kiris maasem yĩnga.

1 Pɩyɛɛr 4:11

Ned sã n gomda, bɩ a gom wa sẽn zemsd Wẽnnaam goamã sẽn yetã. Ned sã n sõngdẽ, bɩ a sõng wa sẽn zemsd pãng ning Wẽnnaam sẽn kõ-a wã, tɩ Wẽnnaam sẽn so ziiri la pãng wakat sẽn kõn sa wã paam waoogr bũmba fãa pʋga, a Zeezi Kiris maasem yĩnga. Ãmina!