Rom Dãmba 5:9 - WẼNNAAM SEBRE 2014

⁹ Moasã, tõnd sẽn paam zemsg Kiris zɩɩmã raagr yĩngã, tõnd kõn põs Wẽnnaam sũ-yikr bãmb maasem yĩng n yɩɩd sɩda?

SEBR SÕNGO

⁹ D miime tɩ marsã la d na n põs zabre d sẽn paam tɩ b raag b zɩɩm tɩ d yell tũ rẽ n maneg zãngã.

KÃAB-PAALGÃ KOE-NOOGO

⁹ Moasã, tõnd sẽn paam zemsg Kirist zɩɩmã raagr yĩngã, tõnd kõn põs Wẽnnaam sũ-yikr bãmb maasem yĩng n yɩɩd sɩda?

Rom Dãmba 5:9 Iomraidhean Croise

A Zã Sõng 5:24

Mam yeta yãmb sɩd-sɩd tɩ ned ning fãa sẽn kelgd mam goamã, la a tẽed sẽn tʋm-a maamã a tara vɩɩm sẽn kõn sa. B ka na n sɩbg-a ye. A yii kũumẽ n kẽ vɩɩmẽ.

Rom Dãmba 1:18

Sɩdã, Wẽnnaam sũ-puugrã yita yĩngr n sigd ninsaalbã zutu, bãmb wẽn-kɩɩsgã la b tʋʋm-wẽnsã sẽn gɩdgd sɩdã t'a ka tõe n maan a tʋʋmdã yĩnga.

Rom Dãmba 5:1

Dẽ, tõnd sẽn paam zemsg tẽeb yĩngã, tõnd tara zems-n-taar ne Wẽnnaam tõnd Zu-soab a Zeezi Kiris maasem yĩnga.

Rom Dãmba 5:10

Bala, sã n yaa tɩ tõnd sẽn dag n ket n ya bɛɛbã, tõnd yellã ne Wẽnnaamã paama yiisg bãmb Bi-riblã kũum yĩnga, moasã yellã sẽn sa wã, tõnd kõn paam fãagr bãmb vɩɩmã yĩng n yɩɩd sɩda?

Rom Dãmba 8:1

Woto yĩnga, sɩbgr ka be neb nins sẽn be a Zeezi Kiris pʋgẽ [n kẽnd wa sẽn zems Wẽnnaam Sɩɩgã raabã la ka yĩng ratmã] zut ye.

Rom Dãmba 8:30

La neb nins bãmb sẽn pĩnd n tʋlsã, b bool-b lame: La bãmb sẽn bool-b rãmbã, b kɩtame me tɩ b zemse. La neb nins bãmb sẽn kɩt tɩ b zemsã, b waoog-b lame me.

Efɛɛz Rãmba 2:13

La moasã, Kiris pʋgẽ, yãmb sẽn dag n zãr wakat sẽn loogã, Kiris zɩɩmã maasem yĩnga, yãmb pẽnegame.

Efɛɛz Rãmba 2:3

Tõnd fãa me rag n bee bãmb sʋka, la tõnd dag n vɩɩ wa sẽn zems tõnd yĩngã datem wẽnsã. Tõnd dag n tʋmda wa tõnd yĩngã sẽn date, la sẽn zems tõnd tagsdo, la tõnd dag n yaa neb sẽn na n paam Wẽnnaam sɩbgr wa neb a taabã.

1Tesalonik Rãmba 1:10

la y gũud tɩ bãmb bi-ribl a Zeezi yi yĩngr n wa, soab ning Wẽnnaam sẽn kɩt tɩ b vʋʋg n yi kũum sʋka, la b yolsd tõnd ne Wẽnnaam sũ-puugr sẽn watã.

Ebre rãmba 9:14

Kirisã zɩɩm n yɩɩda. Bãmb sẽn dɩk b meng n kõ Wẽnnaam tɩ rẽgd tosb kaẽ, Sɩɩg sẽn paad wakat sẽn kõn sa yĩngã, bãmb na n yɩlga tõnd sũ-bãngrã n yiis tʋʋm nins sẽn yaa kũumã, tɩ tõnd tõe n tʋm Wẽnnaam sẽn vɩ wã yĩnga.

Ebre rãmba 9:22

Sã n yaa ne tõogã, yaa ne zɩɩm la sẽn kolg bũmbã fãa lebgd yɩlemde. La zɩɩm sã n ka raage, sugr ka be ye.

1 Zã 1:7

La tõnd sã n kẽnd vẽenemẽ wa bãmb mengã sẽn be vẽenemẽ wã, tõnd tara lagem-n-taar ne taaba, la bãmb Bi-ribl a Zeezi zɩɩmã pekda tõnd yel-wẽnã fãa n yiisi.