Rom Dãmba 5:16 - WẼNNAAM SEBRE 2014

¹⁶ Kũun-kãng yellã ka wẽnd nin-yend yel-wẽnã yell ye. Bala, bʋʋd sẽn pʋgd kongr a yembr tãa wã wata ne sɩbgre, tɩ kũun ning sẽn kõt zaalem kongr zugẽ wã wat ne tɩrlem kũuni.

SEBR SÕNGO

¹⁶ Wẽnd kũuna sẽn wa ne bũmb ninga la nin-yend beegra sẽn wa ne a soaba me ka wẽnd taab ye. Yel-wẽnd a ye poore bʋʋd n bʋ la yɩɩ paalgr bʋʋdo la Wẽnd bas taala yɩɩ yel-wẽn ka tɛk bas taale.

KÃAB-PAALGÃ KOE-NOOGO

¹⁶ Kũun-kãng yellã ka wẽnd nin-yend yel-wẽnã yell ye. Bala, bʋʋd sẽn pʋgd kongr a yen tãa wã wata ne sɩbgre, tɩ kũun ning sẽn kõt zaalem kongr zugẽ wã wat ne tɩrlem kũuni.

Rom Dãmba 5:16 Iomraidhean Croise

A Ezayi 1:18

Sẽn-Ka-Saab yetame: «M kotame tɩ y wa tɩ d yẽs ne taaba. Baa yãmb yel-wẽnã sã n yaa miuug wa saag-pag-a-minamina, b na n lebga pɛɛlg wa lampalga. La baa b sã n yaa miuug wa monem, b na n lebga pɛɛlg wa pe-kõbdo.

A Ezayi 43:25

Maam m yembr bal n tõe n yẽes yãmb beegrã. La m ka na n leb n tẽeg yãmb yel-wẽnã yell ye.

A Ezayi 44:22

Mam yẽesa fo tʋʋm-beedã wa sawato, la m yiis f yel-wẽnã wa wulgu. Lebg n wa mam nengẽ, bala, maam n yaa fo fãagda.

A Matiye Sõng 6:14

Yãmb sã n kõ nebã sugr b beegr yĩnga, yãmb ba sẽn be arzãnã na n kõo yãmb me sugri.

Rom Dãmba 8:1

Woto yĩnga, sɩbgr ka be neb nins sẽn be a Zeezi Kiris pʋgẽ [n kẽnd wa sẽn zems Wẽnnaam Sɩɩgã raabã la ka yĩng ratmã] zut ye.

1 Korẽnt rãmba 11:32

La bʋʋd ning Wẽnnaam sẽn bʋʋdã pʋgẽ, b sɩbgda tõndo, tɩ b da wa n naag tõnd ne dũni wã n sɩbg ye.

Galat Rãmba 3:10

Sɩd me, neb nins fãa sẽn teegd tõog tʋʋmã bee kãab-wẽng pʋgẽ, bala, b gʋlsame n yeele: Kãab-wẽng n be ned ning fãa sẽn ka sakd bũmb nins fãa sẽn gʋls seb-kãngã pʋgẽ, la a ka maand wa sẽn gʋlsã zugu.

Zake 2:10

Bala, ned ning fãa sẽn sak-a tõodã fãa, n yaool n maan yel-wẽnd n kɩɩs a yembr tãa, a lebga bɛɛgd ne tõodã fãa.