Rom Dãmba 5:12 - WẼNNAAM SEBRE 2014

¹² Yaa woto yĩnga, a wa yel-wẽna sẽn wa dũni ned a yembr maasem yĩngã, tɩ yel-wẽnã wa ne kũum, tɩ nebã fãa kiidẽ, b fãa sẽn maan yel-wẽnã yĩngã.

SEBR SÕNGO

¹² Ad-y yaa nin-yend n wa ne yel-wẽnd dũni pʋgẽ, tɩ yel-wẽnd me wa ne kũum, tɩ kũum me lebg neb fãa bũmbu tɩ yel-wẽnd me lebga neb fãa yel-wẽnde.

KÃAB-PAALGÃ KOE-NOOGO

¹² Yaa woto yĩnga, a wa yel-wẽna sẽn wa dũni ned a yembr maasem yĩngã, tɩ yel-wẽnã wa ne kũum, tɩ nebã fãa kiidẽ, b fãa sẽn maan yel-wẽnã yĩngã.

Rom Dãmba 5:12 Iomraidhean Croise

Sɩngrẽ 2:17

Bãmb leb n yeela ninsaala: «Yaa tɩɩg ning sẽn kɩtd tɩ ned bãng wẽnga, ne sõmb n bakã biis bal la fo ka tog n dɩ. Bala, daar ninga fo sẽn na n dɩ tɩ-kãngã bilã, fo na n kiime.»

Sɩngrẽ 3:19

La fo na n kaaga f rĩir tʋʋlg n yaool n paam dɩɩb n dɩ. Hal tɩ ta daar ning fo sẽn na n lebg n leb tẽng tomẽ wã. B sẽn yãk tẽng tom n maan foomã yĩnga. Bala, fo yaa tẽng tom, la fo na n leb n leba tẽng tomẽ.»

Sɩngrẽ 3:6

Pagã gesame tɩ tɩɩgã biis yaa sõama tɩ rɩ, la a bee neer tɩ gese, la a yaa tɩɩg sẽn wat ne ratem tɩ rɩ n paam yam vẽnegre. Dẽ, pagã yãka tɩɩgã bil n dɩ, la a kõ a sɩdã sẽn dag n be ne yẽnda wã me t'a rɩ.

Yɩɩn‑sõamyã 51:5

Bala, mam sak n deega m kongrã, la mam yel-wẽnã bee m taoor wakat fãa.

Ezekiyɛl 18:4

Ninsaalbã fãa yaa maam n so. Ba-rãmbã ne kambã fãa yaa maam n so. Yaa ned ning sẽn maan-a yel-wẽnã n na n ki.

Rom Dãmba 3:23

Sɩda, nebã fãa maana yel-wẽna, n kong Wẽnnaam ziirã.

Rom Dãmba 5:18

Woto yĩnga, a wa ned a yembr tãa beegr sẽn kɩt tɩ sɩbgr paam nebã fãa wã, woto me, tɩrlem tʋʋmd a yembr tãa maasem yĩnga, tɩrlem sẽn kõt vɩɩmã tata nebã fãa.

Rom Dãmba 5:19

Sɩd me, a wa ned a yembr tãa kɩɩsg yĩng sẽn kɩt tɩ neb wʋsg lebg yel-wẽn maandba, woto me, ned a yembr tãa sakr yĩnga, b na n kɩtame tɩ neb wʋsg lebg tɩrse.

Rom Dãmba 5:21

Woto, a wa yel-wẽnã ne kũum sẽn soog zĩigã, barkã sooga zĩig me tɩrlmã yĩnga, tɩ d tõe n paam vɩɩm sẽn kõn sa, tõnd Zu-soab a Zeezi Kiris maasem yĩnga.

Rom Dãmba 6:21

Bi-bõe la yãmb dag n womd wakat-kãnga? Yaa biis nins sẽn ningd yãmb yãnd moasã wã, bala, b baoosg yaa kũum.

Rom Dãmba 6:23

Bala, yel-wẽnã yaood yaa kũun, la kũun ning Wẽnnaam sẽn kõt zaalmã yaa vɩɩm sẽn kõn sa, tõnd Zu-soab a Zeezi Kiris pʋgẽ.

1 Korẽnt rãmba 15:56

Yaa yel-wẽnã la kũumã toolem, la yaa tõogã n kõt yel-wẽnã pãnga.

Efɛɛz Rãmba 2:3

Tõnd fãa me rag n bee bãmb sʋka, la tõnd dag n vɩɩ wa sẽn zems tõnd yĩngã datem wẽnsã. Tõnd dag n tʋmda wa tõnd yĩngã sẽn date, la sẽn zems tõnd tagsdo, la tõnd dag n yaa neb sẽn na n paam Wẽnnaam sɩbgr wa neb a taabã.

Zake 1:15

La yĩngã ratem sã n dɩk pʋga, a rogda yel-wẽnde. La yel-wẽndã sã n wa n bɩ, a wata ne kũum.

Zake 3:2

Tõnd fãa tudgda ne tuudg buud wʋsgo. Ned sã n ka tudg ne a goamã, a yaa ned sẽn zems zãnga, n tõe n gãd a yĩngã tõre.