Rom Dãmba 5:10 - WẼNNAAM SEBRE 2014

¹⁰ Bala, sã n yaa tɩ tõnd sẽn dag n ket n ya bɛɛbã, tõnd yellã ne Wẽnnaamã paama yiisg bãmb Bi-riblã kũum yĩnga, moasã yellã sẽn sa wã, tõnd kõn paam fãagr bãmb vɩɩmã yĩng n yɩɩd sɩda?

SEBR SÕNGO

¹⁰ Beem sẽn waa n ket tõnd ne Wẽnd sʋka, Wẽnd Biiga kii tõnd yĩnga n kɩt tɩ d lebg Wẽnd zo-rãmba, tõnd sẽn lebg zood ne Wẽnda marsã d miime tɩ Wẽnd Biiga vɩɩm na tõog tɩ d yell le maneg n yɩɩg.

KÃAB-PAALGÃ KOE-NOOGO

¹⁰ Bala, sã n yaa tɩ tõnd sẽn dag n ket n ya bɛɛbã, tõnd yellã ne Wẽnnaamã paama yiisg Bãmb Bi-riblã kũum yĩnga, moasã yellã sẽn sa wã, tõnd kõn paam fãagr bãmb vɩɩmã yĩng n yɩɩd sɩda?

Rom Dãmba 5:10 Iomraidhean Croise

2 Kibayã 29:24

Maan-kʋʋdbã kood-b lame n daag b zɩɩmã tẽn-kugrã zugu tɩ yɩ sugr kosg maoong Israyɛll nebã fãa yĩnga. Bala, rĩmã rag n yeelame tɩ maoong sẽn yõogd bugmã, ne sugr kosg maoongã yaa Israyɛll gillã fãa yĩnga.

Ezekiyɛl 45:20

Fo na n leb n maana a woto kiuugã rasem a yopoe wã daare, ned ning sẽn tudg-a n maan yel-wẽnã, wall sẽn maan-a yel-wẽnã ne yĩdgã yĩnga. Yãmb na n maana a woto Wẽnd doogã yel-wẽnã yiisg yĩnga.

A Dãniyɛlle 9:24

Ade, b yãka yʋʋm a yopoe naoor pis-yopoe, fo nebã ne tẽn-sõngã yĩnga, n na n kɩt tɩ tʋʋm-beedã ne kongrã sɛ, tɩ yel-wẽnã me tõe n paam pekre, sẽn na n yɩlẽ tɩ tɩrlem puk wakat fãa, tɩ vẽnegrã ne pĩnd-n-bãngr goamã paam pidsgu, la b welg zĩig sẽn welg toor n yɩɩdã toore.

A Zã Sõng 14:19

Bilf bal sã n paase, dũni rãmb kõn leb n yãnd maam ye. La yãmb yẽ, y na n yãnd maam. Bala, mam vɩɩme, la yãmb me na n vɩɩmde.

A Zã Sõng 5:26

Sɩd me, a wa vɩɩmã sẽn be ba wã nugẽ wã, ba wã kõo Bi-riblã pãn-tõog tɩ b tar vɩɩmã b nugẽ,

A Zã Sõng 6:40

Sɩd me, ad m ba raabo: Yaa tɩ ned ning fãa sẽn yã Bi-riblã n tẽ bãmb na paam vɩɩm sẽn kõn sa. La mam na n vʋʋg-a-la yaoolem daarã.

A Zã Sõng 6:57

A wa m ba wã sẽn vɩ, n tʋm maam, tɩ mam vɩ m ba wã maasem yĩngã, woto me, ned ning sẽn dɩt maam na n vɩɩ mam maasem yĩnga.

Rom Dãmba 11:28

Sã n yaa ne koe-noogã yelle, b yaa bɛɛba, yãmb yĩnga. La sã n yaa ne yãkrã, Wẽnnaam nong-b lame, b ba-rãmbã yĩnga.

Rom Dãmba 5:11

Sẽn yɩɩd rẽ yɛsa, tõnd maanda sũ-noog Wẽnnaam pʋgẽ, tõnd Zu-soab a Zeezi Kiris maasem yĩnga, soab ning sẽn wa ne zemsg tõnd ne Wẽnnaam sʋk moasã wã.

Rom Dãmba 5:6

Bala, wakat ning tõnd sẽn da ka pãngã, Wẽnnaam wakatã sẽn wa n ta, Kiris kii nin-wẽnsã yĩnga.

Rom Dãmba 8:32

Bãmb sẽn ka bas b meng Bi-riblã tɩ b põse, n dɩk-b n kõ tɩ b kʋ tõnd fãa yĩngã, na n yɩɩ wãn tɩ b ka lagem bũmbã fãa ne bãmb n kõ tõndo, nimbãan-zoeer yĩngã?

Rom Dãmba 8:34

Ãnda n na n kao b bʋʋd n sɩbg-ba? A Zeezi Kiris la sẽn ki-a wã. La sẽn yɩɩda, bãmb vʋʋgame, b bee Wẽnnaam nug-rɩtgo, b yõkda sɛɛg tõnd yĩnga.

Rom Dãmba 8:7

Bala, yĩngã ratem sakr yaa beem ne Wẽnnaam, tɩ bõe, yĩngã ka sakd Wẽnnaam tõogã ye, la a pʋs n ka tõe n sak-a me ye.

2 Korẽnt rãmba 5:20

Dẽ, tõnd yaa Kiris tʋmtʋmdba, tɩ tõnd sẽn gomd ne yãmbã, yaa Wẽnnaam n tall tõnd n gomd ne yãmba: Tõnd kota yãmb ne Kiris yʋʋr tɩ y leb n paam lagem-n-taar ne Wẽnnaam!

2 Korẽnt rãmba 5:21

Wẽnnaam kɩtame tɩ Kiris sẽn ka maan yel-wẽnã lebg yel-wẽn tõnd yĩnga, tɩ tõnd tõe n lebg nin-tɩrs Kiris pʋg Wẽnnaam taoore.

Efɛɛz Rãmba 2:16

la b yiis yell ning sẽn dag n be buud a yiibã ne Wẽnnaam sʋkã, n kɩt tɩ b lebg yĩng a yembre, la b kɩt tɩ beemã sa, da-pɩkã maasem yĩnga.

Efɛɛz Rãmba 2:3

Tõnd fãa me rag n bee bãmb sʋka, la tõnd dag n vɩɩ wa sẽn zems tõnd yĩngã datem wẽnsã. Tõnd dag n tʋmda wa tõnd yĩngã sẽn date, la sẽn zems tõnd tagsdo, la tõnd dag n yaa neb sẽn na n paam Wẽnnaam sɩbgr wa neb a taabã.

Ebre rãmba 2:17

Rẽnda n kɩt tɩ bãmb da tog n wẽneg b ba-biisã bũmb fãa pʋgẽ, n tõog n lebg maan-kʋʋd kãsem sẽn pid ne nimbãan-zoeere, la sẽn maand sɩd ne Wẽnnaam tʋʋmdã, n tõog n yiis nebã yel-wẽnã.

Ebre rãmba 7:25

Dẽ me n kɩt tɩ bãmb tõe n fãag neb nins sẽn tũnugd bãmb n kolgd Wẽnnaamã hal sõama, bala bãmb vɩɩ wakat fãa n yõkd sɛɛg b yĩnga.

1 Zã 2:1

Mam kom-bãoonego, m gʋlsda yãmb bõn-kãngã sẽn na yɩl tɩ y ra maan yel-wẽn ye. La ned sã n maan yel-wẽnã, tõnd tara sɛ-yõakd sẽn be d ba wã nengẽ: Yaa tɩrlem soab a Zeezi Kirisi.

1 Zã 4:10

Nonglem‑kãng ka tõnd sẽn nong Wẽnnaam yĩng ye, yaa bãmb sẽn nong tõndo, n tʋm b Bi-riblã tɩ b yɩ maoong tõnd yel-wẽnã sugr kũun yĩnga.

Vẽnegre 1:18

Mam yaa dẽenem la yaoolem soaba, soab ning sẽn vɩ. Mam dag n kiime, la ad-ma, mam vɩɩme, zamaan woo zamaane. Mam tara kũum ne kɩɩm-kulg kʋɩlen-biisi.