Rom Dãmba 4:17 - WẼNNAAM SEBRE 2014

¹⁷ Mam kɩtame tɩ fo lebg buud wʋsg ba. Bãmb yaa tõnd fãa ba, Wẽnnaam ning b sẽn tẽ wã taoore. Yaa Wẽnnaam ning sẽn kõt kũum vɩɩm, la b kɩtd tɩ bũmb nins sẽn ka be wã zĩndi.

SEBR SÕNGO

¹⁷ tɩ woto la b gʋls yã: M kɩtame tɩ f lebg neb ka tɛk saamba — tẽeb saamba — t'a tẽe Wẽnd ning sẽn tõe vʋʋg sẽn ki, la a tõe tɩ sẽn ka be, zĩndi.

KÃAB-PAALGÃ KOE-NOOGO

¹⁷ Mam kɩtame tɩ fo lebg buud wʋsg ba. Bãmb yaa tõnd fãa ba, Wẽnnaam ning b sẽn tẽ wã taoore. Yaa Wẽnnaam ning sẽn kõt kũum vɩɩm, la b kɩtd tɩ bũmb nins sẽn ka be wã zĩndi.

Rom Dãmba 4:17 Iomraidhean Croise

Sɩngrẽ 17:16

Mam na n ninga a Saara barka, n kɩt t'a rog fo bi-ribla. Mam na n ning-a-la bark n kɩt tɩ buud wʋsg yi yẽnda pʋgẽ. Rĩm-dãmb ne buud wʋsg na n yii yẽnda pʋgẽ.»

Sɩngrẽ 17:20

La sẽn paas me, mam wʋma fo sẽn kos bũmb ning a Ismayɛll wɛɛngẽ wã. Mam na n ning-a-la barka, n kɩt t'a rog kamba, n fɩɩg n yɩ wʋsgo. Nanams piig la a yiib n na n yi yẽnda pʋgẽ, la mam na n kɩtame t'a Ismayɛll yɩ bu-kãseng ba.

Sɩngrẽ 28:3

Bɩ Pãng-Soab a Wẽnnaam ning f zug barka, la b kõ-f rogem, n kɩt tɩ f fɩɩge, n lebg buud wʋsgo!

A Ezayi 43:6

Mam na n yeela rɩtg rãmbã tɩ b kɩs-yã! La m yeel goabg rãmbã tɩ b ra gɩdg-y ye! B kɩt tɩ mam kom-dibli wã yi tẽn-zãrsẽ n wa, la f kɩt tɩ m kom-pugli wã yi dũniyã kɩremsã n wa.

A Ezayi 44:7

Ãnda soab n yaa wa maam? Bɩ a zẽk a koɛɛg n togse! A yik n yals mam taoor n togs sẽn yɩ to-to, bɩ a wilg bũmb ning sẽn zĩnd hal kʋdem-wẽndẽ, wakat ning mam sẽn vigl ninsaalbã! La a togs bũmb ning sẽn na n wa zĩndã, la a wilg bũmb ning sẽn be taoor n watẽ wã!

A Ezayi 48:13

Mam meng nug n vigl dũniyã, la mam nug-rɩtg n yɛdg saagã. Mam sã n bool-ba, b naagda taab n wa mam taoore.

A Ezayi 49:12

Gese, bãmb ta n sɛɛme, bãmb bee zĩ-zãrsẽ n watẽ, b watame, kẽer yita rɩtg tɩ kẽer yit nin-taoore, la kẽer yita Sinim tẽnga.

A Ezayi 51:2

Wẽnemd-y n ges-y yãmb ba a Abrahaam, la y wẽnemd n ges y ma a Saara. Bala, mam boola yẽnda wakat ninga yẽnda sẽn dag n yaa a yembrã, la mam ning-a-la bark n kɩt t'a fɩɩge.

A Ezayi 55:12

N-yẽe! Yãmb na n yii ne sũ-noogo, la b na n tɛɛ yãmb vɩ-bãan pʋga. Tãmsã ne kunkubã na n kaasa ne sũ-noog yãmb taoore, la weoogã tɩɩs fãa na n pãba nug-pogse.

A Matiye Sõng 3:9

la y ra tags t'a Abrahaam sẽn yaa yãmb ba wã sekame ye. Bala, mam yeta yãmb tɩ Wẽnnaam tõe n dɩka kug-kãensã n kɩt tɩ b lebg a Abrahaam kamba.

A Zã Sõng 5:21

Sɩd me, a wa ba wã sẽn vʋʋgd kũum, n kɩtdẽ tɩ b leb n vɩ wã, woto me, Bi-riblã kɩtdame tɩ bãmb sẽn dat t'a soab vɩɩmdã vɩɩmde.

A Zã Sõng 5:25

Mam yeta yãmb sɩd-sɩd tɩ wakat watame, la yaa moasã bala, tɩ sẽn ki-bã na n wʋm Wẽnnaam Bi-riblã koɛɛga. La neb nins sẽn wʋm-bã na n vɩɩmdame.

A Zã Sõng 6:63

Yaa Sɩɩg-sõng n kõt vɩɩm. Yĩngã ka sõngd ne baa fɩ. Goam nins mam sẽn togs yãmbã wata ne Sɩɩg-sõng la vɩɩm.

Tʋʋma 15:18

Ade, yaa Zu-soabã sẽn wilg bõn-kãens hal yʋʋm zãrã n yeel a woto.»

Rom Dãmba 3:29

Walla, Wẽnnaam yaa Zʋɩf-rãmbã bal Wẽnnaam la? Bãmb ka buud a taabã me Wẽnnaam la? N-yẽe, bãmb yaa buud a taabã me Wẽnnaam,

Rom Dãmba 4:18

A Abrahaam maana tẽeb ne bũmb ned sẽn ka tõe n tẽ, b tẽeme n lebg soolem wʋsg ba wa Wẽnnaam sẽn dag n yeelã: Fo yagensã na n yɩɩ a woto.

Rom Dãmba 4:2

Sã n yaa sɩd tɩ yaa tʋʋmã yĩng la a Abrahaam paam tɩrlem, b tõe n waooga b menga. La Wẽnnaam taoore, a ka a woto ye.

Rom Dãmba 8:11

La soab ning sẽn vʋʋg a Zeezi tɩ b yi kũum sʋkã Sɩɩg sã n be yãmb pʋgẽ, soab‑kãnga, sẽn vʋʋg-a a Zeezi Kiris tɩ b yi kũum sʋkã na n kõo yãmb yĩn-kiidsã me vɩɩm, bãmb Sɩɩgã sẽn be yãmb pʋgẽ wã maasem yĩnga.

Rom Dãmba 9:11

Bala, kambã da nan ka rog ye, la b ra nan ka maan neer bɩ wẽng ye. Baoosgo, Wẽnnaam daabã kell n yalsa wa sẽn zems bãmb sẽn yãkã, la yãkrã ka tũud ne tʋʋmã ye, a tũuda ne sẽn bool-a wã.

Rom Dãmba 9:26

La zĩig ning meng b sẽn dag n yet bãmb tɩ b ka mam nebã, be bala, b na n boola bãmb tɩ Wẽnnaam sẽn vɩ kom-dibli.

1 Korẽnt rãmba 1:28

Wẽnnaam dɩka dũni bũmb nins sẽn ka yõodã, bũmb nins nebã sẽn ka nandã, bũmb nins sẽn ka be wa, n na n kɩt tɩ sẽn be-bã lebg zaalem,

1 Korẽnt rãmba 15:45

Rẽnda n kɩt tɩ b gʋls n yeel tɩ: Pipi rao a Ãdem lebga nin-vɩɩga. La yaoolem Ãdmã lebga sɩɩg sẽn kõt vɩɩm.

1 Tɩmote 6:13

Mam yeta foom, Wẽnnaam sẽn kõt bõn-vɩɩsã fãa vɩɩmã taoore,

Ebre rãmba 11:12

Dẽ n kɩt tɩ ned a yembr pʋgẽ, dao a yembr sẽn da zoe n yaa kũum, yagens wʋsg n yi be, tɩ b sõorã ta ãdsã sẽn be yĩngrã, la bĩisrã sẽn be ko-kãsengã noor tɩ ned ka tõe n sõd n sa wã.

Ebre rãmba 11:3

Yaa ne tẽeb la tõnd wʋmd tɩ yaa Wẽnnaam noor gomd n naan dũni, tɩ bũmb nins tõnd sẽn ne wã ka yi bũmb nins sẽn tõe n yãndã wã pʋgẽ ye.

Ebre rãmba 11:7

Yaa ne tẽeb la a Nowe, wakat ning Wẽnnaam sẽn wilg-a bũmb nins neb sẽn dag n nan zɩ n yã wã, a zoee Wẽnnaam dabeem, n ka koom-kogl-bedre, n na n fãag a yirã rãmba. Yaa tẽebã yĩng la a wilg tɩ dũni ka bʋʋm ye, la a paam tɩrlem sẽn paamd ne tẽebã.

1 Pɩyɛɛr 2:10

Pĩnda, yãmb dag n ka Wẽnnaam neb ye, la moasã, yãmb yaa Wẽnnaam nebã. Yãmb sẽn dag n ka paam nimbãan-zoeerã, moasã, yãmb paama nimbãan-zoeere.

2 Pɩyɛɛr 3:8

Mam zo-nongdse, bũmb a yembr n be yãmb sẽn ka tog n yĩm ye, yaa tɩ ne Zu-soabã, daar a yembr yaa wa yʋʋm tusri, la yʋʋm tusr yaa wa daar a yembre.