Rom Dãmba 4:15 - WẼNNAAM SEBRE 2014

¹⁵ Bala, tõogã wata ne sũ-yikri, la zĩig ning tõog sẽn ka be, beegr me ka ye.

SEBR SÕNGO

¹⁵ Noor yõod ya f tõdg-a tɩ Wẽnd puug b sũur ne fo; noor sã n kaẽ, tõdgr me ka ye;

KÃAB-PAALGÃ KOE-NOOGO

¹⁵ Bala, tõogã wata ne sũ-yikri, la zĩig ning tõog sẽn ka be, beegr me ka ye.

Rom Dãmba 4:15 Iomraidhean Croise

2 Rĩm-dãmba 22:13

«Kẽng-y n tɩ sok-y Sẽn-Ka-Saab n ges sebr ning b sẽn yã wã goamã yell sẽn yaa to-to n wa togs maam ne Zʋʋda nebã fãa. Bala, Sẽn-Ka-Saab sũur puuga wʋsg ne tõndo. Tõnd yaab-rãmbã sẽn ka sak seb-kãngã goamã fãa n maan wa b sẽn gʋls be n wilg tõndã kɩtame, tɩ Sẽn-Ka-Saab sũur yik ne tõndo.»

Zeremi 4:8

Woto yĩnga, bɩ y sẽgen bot n yãb n wiisi! Bala, Sẽn-Ka-Saab sũur ket n puuda ne tõnd n ka basdẽ ye.

Kʋʋr yɩɩla 2:22

Yãmb boola mam pelen-yɩgrã t'a yi zĩigã fãa n wa, wa tigr daare. Daar ning Sẽn-Ka-Saab sũur sẽn puugã, ned ka põse, wall kell ye. Mam bɛyã sãama neb nins mam sẽn dag n wub n nongẽ wã.

Ezekiyɛl 7:19

Bãmb na n loba b wanzuri wã soayã zutu, la bãmb sãnemã na n yɩɩ bõn-dẽgdo, la b wanzuri wã ne b sãnemã, ka na n tõog n fãag-b Sẽn-Ka-Saab sũ-puugrã daar ye. Bãmb wanzuri wã ne b sãnemã ka tõe n dɩk n ning b noorẽ, la b ka tõe n pids bãmb pʋs me ye. Bala, yaa bõn-kãens n yɩ bãmb kug-lakdga, la yaa bõn-kãens n wa ne b kongrã.

Sofoni 1:18

Bãmb wanzuri wã ne b sãnemã, ka na n tõog n fãag-b Sẽn-Ka-Saab sũ-puugrã daar ye. Sẽn-Ka-Saab sũ-yikrã bugum na n dɩɩ dũniyã fãa, bala, na n yɩɩ to-kãseng daare, la Sẽn-Ka-Saab na n sãama dũniyã nebã zãnga.

Sõadga 32:14

Tɩ yãmb me rat n dɩk y ba-rãmb naoore, n yɩ nin-kɩɩsdb kamb n kɩt tɩ Sẽn-Ka-Saab sũurã leb n puug ne Israyɛll nebã yɛs n yɩɩd pĩnda!

A Zã Sõng 15:22

Mam sã n dag n ka waẽ, la m dag n ka gomẽ ne-ba, beegr dag n kõn zĩnd b zut ye. La moasã, b ka tar padeng sẽn na n padem b yel-wẽnã yĩng ye.

A Zã Sõng 3:36

Ned ning sẽn tẽed-a Bi-riblã tara vɩɩm sẽn kõn sa. La ned ning sẽn kɩɩsd-a Bi-riblã kõn paam vɩ-kãng ye, la Wẽnnaam sũ-puugrã na n ta-a lame.

Rom Dãmba 1:17

Bala, Wẽnnaam tɩrlmã pukda be ne tẽebo, la tẽeb yĩnga, wa b sẽn gʋlsã: Nin-tɩrg na n vɩɩ ne tẽebo.

Rom Dãmba 5:13

Bala, hal tɩ ta wakat ning b sẽn moon tõogã, yel-wẽn dag n bee dũni, la b rag n ka geend yel-wẽnã tõogã sẽn dag n ka wã ye.

1 Korẽnt rãmba 15:56

Yaa yel-wẽnã la kũumã toolem, la yaa tõogã n kõt yel-wẽnã pãnga.

Galat Rãmba 3:10

Sɩd me, neb nins fãa sẽn teegd tõog tʋʋmã bee kãab-wẽng pʋgẽ, bala, b gʋlsame n yeele: Kãab-wẽng n be ned ning fãa sẽn ka sakd bũmb nins fãa sẽn gʋls seb-kãngã pʋgẽ, la a ka maand wa sẽn gʋlsã zugu.

Galat Rãmba 3:19

La yaa bõe yĩng la b wa ne tõogã? Wẽnnaam yaool n waa ne tõogã n na puk nebã beegre, hal tɩ yageng ning Wẽnnaam kãabgã sẽn be a zugã na wa. Malegs n moon kãab-kãnga, la b tũnuga sɛ-yõakda.

Efɛɛz Rãmba 5:6

Da sak-y tɩ ned belg yãmb ne gom-vɩɩd ye. Bala, yaa bõn-kãens yĩng la Wẽnnaam sũ-puugr sigd kɩɩsdbã zutã.

Kolos Rãmba 3:6

Yaa rẽnda yĩng la Wẽnnaam sũ-puugr wat kɩɩsdbã zutu.

1 Zã 3:4

Ned ning fãa sẽn maand yel-wẽnde, a kɩɩsda tõogã me. Yel-wẽna yaa tõogã kɩɩsgo.

Vẽnegre 19:15

Zabr sʋʋg sẽn dɩt n dag n yit b noorẽ wã n na n sɩbg soolem dãmbã. Bãmb na n zãa kut dasaar n dɩlg-ba. Bãmb na n taba bũmb nins sẽn be Wẽnnaam Sẽn‑Tõe‑Fãa wã sũ-puugr sẽn yaa kãsengã reezẽ rãam wẽkr koglgã pʋgẽ wã.