Rom Dãmba 4:11 - WẼNNAAM SEBRE 2014

¹¹ La b reega bãongã kõom sẽn yaa bãnd sẽn wilg t'a paama tɩrlem tẽeb yĩnga, la rẽ tɩ b ket n yaa moaaga. Woto, b yaa nebã fãa sẽn tẽedã ba, tɩ baa ne b sẽn ka kẽ bãongã, bɩ Wẽnnaam geelg-b tɩrlmã.

SEBR SÕNGO

¹¹ A bãonga lebga wa kaseto t'a sẽn waa n nan ka kẽ bãongo, a ra zoe n tara tẽeb ning sẽn manegda ned yellã. Dẽ n so t'a na n lebg buud a yiib ba. A yaa ba pipi, sẽn na n tẽ-ba n yaool n ka kẽ bãonga yĩnga, tɩ tẽeb n maneg bãmb dãmb yelle,

KÃAB-PAALGÃ KOE-NOOGO

¹¹ La b reega bãongã kõom sẽn ya bãnd sẽn wilg t'a paama tɩrlem tẽeb yĩnga, la rẽ tɩ b ket n yaa moaaga. Woto, b yaa nebã fãa sẽn tẽedã ba, tɩ baa ne b sẽn ka kẽ bãongã, bɩ Wẽnnaam geelg-b tɩrlmã.

Rom Dãmba 4:11 Iomraidhean Croise

Sɩngrẽ 17:24

A Abrahaam sẽn wa n na n kẽ bãongã, rẽ t'a tara yʋʋm pis-wɛ la a wɛ.

Yɩɩn‑sõamyã 47:9

Wẽnnaam n dɩt naam bu-zẽmsã sʋka, Wẽnnaam zaoo b sõmblem naam geere.

Yikri 12:13

Zɩɩmã sẽn be rot nins yãmb sẽn be b pʋsẽ wã zutã na n yɩɩ bãnd yãmb yĩnga. La mam sã n yãnd zɩɩmã, mam na n zʋʋg n basa yãmba, la toog sẽn sãamdã ka na n paam yãmb wakat ning mam sẽn na n sɩbg Ezɩptã ye.

Yikri 31:13

«Yeel Israyɛll nebã tɩ b tog n tũu mam vʋʋsg rayã. Yõwã na n yɩɩ bãnd maam ne yãmb sʋk zamaan nins sẽn watã pʋgẽ, tɩ yãmb tõe n bãng tɩ mam yaa Sẽn-Ka-Saabo, sẽn welg-a yãmb tɩ y yɩ toorã.

Yikri 31:17

Vʋʋsg raarã na n yɩɩ bãnd maam ne Israyɛll nebã sʋk wakat sẽn ka sɛt yĩnga. Bala, Sẽn-Ka-Saab naana yĩngr la tẽngã rasem a yoob pʋgẽ, la rasem a yopoe wã daare, bãmb basa b tʋʋmã n vʋʋse.»

Ezekiyɛl 20:12

Sẽn paas me, mam kõo bãmb m vʋʋsg rayã tɩ yɩ bãnd maam ne bãmb sʋka, tɩ b tõe n bãng tɩ yaa maam a Zu-soab a Sẽn-Ka-Saab n welg bãmb toore.

Ezekiyɛl 20:20

Welg-y mam vʋʋsg rayã toore, tɩ b yɩ bãnd maam ne yãmb sʋka, tɩ nebã tõe n bãng tɩ mam yaa Sẽn-Ka-Saab sẽn yaa yãmb Wẽnnaam.»

A Matiye Sõng 16:16

A Sɩmo Pɩyɛɛr leokame n yeele: «Yãmb yaa Kirisã, Wẽnnaam sẽn vɩ wã Bi-ribla.»

A Matiye Sõng 8:11

La mam yeta yãmb tɩ neb n na n yi yaang la taoore, n zĩnd n dɩ ne a Abrahaam arzãn soolmẽ.

A Luk Sõng 19:9

A Zeezi yeela yẽnda yaa: «Fãagr waa yi-kãngã pʋg rũndã. Bala, nin-kãngã me yaa a Abrahaam yagenga.

A Zã Sõng 3:33

Ned sã n deeg bãmb kasetã, a soabã wilgdame tɩ Wẽnnaam yaa sɩd soaba.

A Zã Sõng 3:36

Ned ning sẽn tẽed-a Bi-riblã tara vɩɩm sẽn kõn sa. La ned ning sẽn kɩɩsd-a Bi-riblã kõn paam vɩ-kãng ye, la Wẽnnaam sũ-puugrã na n ta-a lame.

A Zã Sõng 6:35

A Zeezi yeela bãmb yaa: Maam la bur sẽn kõt vɩɩmã. Ned ning fãa sẽn wat-a mam nengẽ, Kom kõn leb n yõk yẽnda ye, la ned ning fãa sẽn tẽed-a maam, ko-yũud kõn leb n yõk yẽnda abada.

A Zã Sõng 6:40

Sɩd me, ad m ba raabo: Yaa tɩ ned ning fãa sẽn yã Bi-riblã n tẽ bãmb na paam vɩɩm sẽn kõn sa. La mam na n vʋʋg-a-la yaoolem daarã.

A Zã Sõng 6:47

Mam yeta yãmb sɩd-sɩd tɩ ned ning sẽn tẽedã tara vɩɩm sẽn kõn sa.

A Zã Sõng 8:33

Bãmb leoka a Zeezi n yeele: Tõnd yaa a Abrahaam yagense, la tõnd zɩ n yɩ ned yamb ye. Bõe tɩ yãmb yetẽ tɩ tõnd na n lebga burkĩmba?

Rom Dãmba 10:11

wa Wẽnnaam gʋls-sõamyã sẽn yetã: Ned ning fãa sẽn tẽed bãmb kõn paam yãnd ye.

Rom Dãmba 10:4

Bala, Kiris yaa tõogã baoosg zĩiga, tɩ ned ning fãa sẽn tẽed na paam tɩrlem.

Rom Dãmba 10:6

La tɩrlem ning tẽeb sẽn wat ne wã yeta a woto: Da tags f sũurẽ tɩ: Ãnda n na n dʋ arzãna? A rʋʋb yaa tɩ sigs Kirisã be.

Rom Dãmba 3:22

sẽn yaa tɩ tẽeb ne a Zeezi Kiris wata ne Wẽnnaam tɩrlem neb nins fãa sẽn tẽedã yĩnga. Bala, welgr ka ye:

Rom Dãmba 3:26

bãmb da rat n wilga b tɩrlmã moasã wakatã, tɩ nebã na bãng tɩ bãmb yaa tɩrga, bãmb sẽn kɩtd tɩ ned ning sẽn tẽed a Zeezi wã zemsã.

Rom Dãmba 3:30

bala, Wẽnnaam a yembr tãa n be n na n kɩt tɩ sẽn kẽ-b bãongã zems tẽeb yĩnga, la b kɩt tɩ sẽn ka kẽ-bã me zems tẽeb yĩnga.

Rom Dãmba 4:10

Wakat ning b sẽn geelg b tẽebã wa tɩrlmã, dẽ tɩ b dag n yaa wãn-wãna? Dẽ tɩ b dag n kẽe bãong bɩ b ka kẽ? B rag n nan ka kẽ bãong ye, b da ket n yaa moaaga.

Rom Dãmba 9:30

Dẽ, tõnd na n yeelame tɩ bõe? Bu-zẽmsã, sẽn dag n ka baood-b tɩrlmã paama tɩrlem, tɩrlem ning tẽeb sẽn kõtã.

Rom Dãmba 9:33

wa sẽn gʋlsã: Ade, mam ningda kug-lakdgã la kugr sẽn lubd neb Sɩyõ pʋgẽ. La ned ning sẽn tẽed-a bãmb kõn paam yãnd ye.

Rom Dãmba 9:6

A ka tɩ Wẽnnaam goamã lebga zaalem ye. Bala, ka b rãmb fãa sẽn yaa a Israyɛll yagensã n yaa Israyɛll ye.

2 Korẽnt rãmba 1:22

Bãmb n ning tõnd bãnd b yʋʋrã yĩnga, la b ning Sɩɩg-sõng sẽn yaa arzegs nins bãmb sẽn bĩng tõndã reng-n-lɛmbg tõnd sũyã pʋgẽ.

Galat Rãmba 3:22

Wẽnnaam gʋls-sõamyã yeelame tɩ dũni gill fãa bee yel-wẽn maaneg pʋgẽ. Woto, yaa neb nins sẽn tẽed a Zeezi Kirisã n na n paam kũun ning Wẽnnaam sẽn kãabã, b sẽn tẽ wã yĩnga.

Galat Rãmba 3:29

La yãmb sã n yaa Kiris nebã, dẽnd yãmb yaa a Abrahaam yagense, n yaa pʋɩt-n-taas ne a rogem-pʋɩɩrã wa b sẽn kãabã.

Galat Rãmba 3:7

Dẽ wã, bɩ y reeg tɩ yaa neb nins sẽn tẽedã n yaa a Abrahaam kamba.

Galat Rãmba 5:5

Ne tõndo, yaa tẽeb pʋgẽ la tõnd gũud tɩ Wẽnnaam kɩt tɩ tõnd lebg nin-tɩrse, Sɩɩg-sõng pãngã yĩnga.

Galat Rãmba 6:16

Bɩ bark la laafɩ zĩnd ne neb nins sẽn na n sak-b no-kãnga wã, la ne Wẽnnaam Israyɛllã.

Efɛɛz Rãmba 1:13

Kiris maasem yĩnga, yãmb me sẽn wʋm sɩd koɛɛgã, yãmb fãagrã koe-noogã, yãmb tẽe bãmba, la b ning-y la bãnd sẽn yaa Sɩɩg-sõng b sẽn dag n kãabã.

Efɛɛz Rãmba 4:30

Da maan-y tɩ Wẽnnaam Sɩɩg-sõngo, Sɩɩg ning b sẽn tall n ning yãmb bãnd fãagr daarã yĩngã sũur sãam ye.

Yaoolem 30:6

Sẽn-Ka-Saab sẽn yaa yãmb Wẽnnaamã na n teka yãmb ne y yagensã sũy tɩ y nong Sẽn-Ka-Saab sẽn yaa yãmb Wẽnnaamã ne y sũyã fãa, la ne y yamã fãa n tõog n vɩɩmde.

Filip rãmba 3:9

la m zĩnd bãmb pʋgẽ. Ka ne mam meng tɩrlem, mam sẽn sak tõog n paamã ye, la yaa ne tɩrlem ning ned sẽn paamda, a sẽn tẽed Kirisã yĩnga, tɩrlem sẽn yit Wẽnnaam nengẽ, la sẽn paamd ne tẽebo.

Ebre rãmba 11:7

Yaa ne tẽeb la a Nowe, wakat ning Wẽnnaam sẽn wilg-a bũmb nins neb sẽn dag n nan zɩ n yã wã, a zoee Wẽnnaam dabeem, n ka koom-kogl-bedre, n na n fãag a yirã rãmba. Yaa tẽebã yĩng la a wilg tɩ dũni ka bʋʋm ye, la a paam tɩrlem sẽn paamd ne tẽebã.

2 Pɩyɛɛr 1:1

Maam a Sɩmo Pɩyɛɛr sẽn yaa a Zeezi Kiris yamba, la b tẽn-tʋmdã n tʋmd seb-kãngã neb nins sẽn paam tẽeb sẽn tar yõod wa tõnd dẽnda nengẽ. Yaa tõnd Wẽnnaamã ne d Fãagd a Zeezi Kiris tɩrlem tʋʋmdã maasem yĩng la d paam-a.

Vẽnegre 9:4

La b yeel-b lame tɩ b ra sɩɩs moodã sẽn be tẽng zugã wall bũmb baa a yembr sẽn ningd vãado, wall tɩɩg baa a yembr ye. B zab ne neb nins sẽn ka tar Wẽnnaam bãnd b rĩyẽ wã bala.