Rom Dãmba 3:25 - WẼNNAAM SEBRE 2014

²⁵ Yaa bãmb la Wẽnnaam pĩnd n yãk n kõ, neb nins sẽn na n tẽ bãmbã yel-wẽna yiisg yĩnga, ne b zɩɩmã. Woto na n wilga Wẽnnaam tɩrlem. Bãmb sẽn bas nebã n ka sɩbg-b b yel-wẽn nins b sẽn dag n maan Wẽnnaam sũ-marã wakatã yĩnga,

SEBR SÕNGO

²⁵ Wẽnd yãk-b lame tɩ b lebg, ne b meng zɩɩm, sugr bũmb, tẽedba yĩnga; la rẽ yaa b sẽn dat n wilg b sõmblem la b bas yel-wẽn niyns sẽn maan pĩnda taale,

KÃAB-PAALGÃ KOE-NOOGO

²⁵ Yaa bãmb la Wẽnnaam pĩnd n yãk n kõ, neb nins sẽn na n tẽ bãmbã yel-wẽna yiisg yĩnga, ne b zɩɩmã. Woto na n wilga Wẽnnaam tɩrlem. Bãmb sẽn bas nebã n ka sɩbg-b b yel-wẽn nins b sẽn dag n maan Wẽnnaam sũ-marã wakatã yĩnga,

Rom Dãmba 3:25 Iomraidhean Croise

Yɩɩn‑sõamyã 119:142

Yãmb tɩrlmã n yaa tɩrlem sẽn paad wakat fãa, la yãmb tõogã yaa sɩda.

Yɩɩn‑sõamyã 22:31

Bãmb yagensã na n tũu Zu-soabã. Bãmb na n togsa Zu-soabã kibar zamaan ning sẽn watã sʋka.

Yɩɩn‑sõamyã 40:10

Mam togsa tɩrlem koe-noogã kʋʋn-kãseng sʋka. Ade, Sẽn-Ka-Saabo, yãmb meng miime, tɩ mam ka sĩnd m noor ye.

Yɩɩn‑sõamyã 50:6

Saasẽ na n moona bãmb tɩrlmã. Bala, yaa bãmb la bʋ-kaooda.

Yɩɩn‑sõamyã 97:6

Saasẽ moonda Sẽn-Ka-Saab tɩrlmã, la nebã fãa nee bãmb ziirã.

Yɩɩn‑sõamyã 98:2

Sẽn-Ka-Saab kɩtame tɩ b bãng bãmb fãagrã. B puka b tɩrlmã tɩ bu-zẽmsã yãnde.

A Ezayi 53:11

Bãmb sẽn paam toogã yĩnga, b na n yãnda vẽenem, la b na n tɩga ne bãmb bãngre. Mam tʋmtʋmdã sẽn yaa tɩrlem soabã na n waa ne tɩrlem buud wʋsg yĩnga, la b na n deega bãmb kongrã.

Maan‑kʋʋre 16:10

La bɩ b tall boɛɛg ning poeerã sẽn yãk tɩ yaa a Azazɛll rẽndã, n wa Sẽn-Ka-Saab taoor vɩɩga, n maan paoosg tʋʋmd ne-a, la b rig-a n kẽes weoog a Azazɛll yĩnga.

Maan‑kʋʋre 16:15

La bɩ a kodg nebã yel-wẽnã maoongã boɛɛg n kok a zɩɩmã n tall n kẽ fu-lillidgã pʋga. Yẽnda tog n dɩka zɩ-kãng n maan wa yẽnda sẽn dag n maan to-to ne loalgã zɩɩmã, n yãk-a n mes bas-taal zĩigã zugu, ne a taoore.

A Zã Sõng 6:47

Mam yeta yãmb sɩd-sɩd tɩ ned ning sẽn tẽedã tara vɩɩm sẽn kõn sa.

Tʋʋma 14:16

Yʋʋm sẽn looge, Wẽnnaam sẽn vɩ wã basa buudã fãa tɩ b maan b yam daabo.

Tʋʋma 15:18

Ade, yaa Zu-soabã sẽn wilg bõn-kãens hal yʋʋm zãrã n yeel a woto.»

Tʋʋma 17:30

Nebã sẽn ka mi b sẽn maandã wakate, Wẽnnaam ka maand bũmb ye, La moasã, b yeta nebã fãa sẽn be zĩig fãa tɩ b tek yam n kos sugri.

Tʋʋma 2:23

B zãmba rao-kãngã, n yõk n kõ yãmb wa sẽn zems Wẽnnaam yam-yãkrã, la bãmb sẽn dag n pĩnd n yeelã. Yãmb kɩtame tɩ yel-wẽn maandb ka a Zeezi da-pɩk zug n kʋ-ba.

Tʋʋma 3:18

La Wẽnnaam maana a woto n pids bũmb ning b sẽn da pĩnd n togs ne b no-rɛɛsdbã fãa noyã, tɩ bãmb Kirisã na n namsame wã.

Tʋʋma 4:28

Woto, bãmb pidsa bũmb ning fãa sẽn zems yãmb sẽn da pĩnd n yãk ne y pãngã la y ratmã.

Rom Dãmba 2:4

Bɩ fo ka nand bãmb sõmblmã, la bãmb sũ-bʋgsmã, la bãmb sũ-marã sẽn waoogã, n ka miẽ tɩ Wẽnnaam sõmblmã tusda foom tɩ f tek yam n kos sugri?

Rom Dãmba 3:26

bãmb da rat n wilga b tɩrlmã moasã wakatã, tɩ nebã na bãng tɩ bãmb yaa tɩrga, bãmb sẽn kɩtd tɩ ned ning sẽn tẽed a Zeezi wã zemsã.

Rom Dãmba 5:1

Dẽ, tõnd sẽn paam zemsg tẽeb yĩngã, tõnd tara zems-n-taar ne Wẽnnaam tõnd Zu-soab a Zeezi Kiris maasem yĩnga.

Rom Dãmba 5:11

Sẽn yɩɩd rẽ yɛsa, tõnd maanda sũ-noog Wẽnnaam pʋgẽ, tõnd Zu-soab a Zeezi Kiris maasem yĩnga, soab ning sẽn wa ne zemsg tõnd ne Wẽnnaam sʋk moasã wã.

Rom Dãmba 5:18

Woto yĩnga, a wa ned a yembr tãa beegr sẽn kɩt tɩ sɩbgr paam nebã fãa wã, woto me, tɩrlem tʋʋmd a yembr tãa maasem yĩnga, tɩrlem sẽn kõt vɩɩmã tata nebã fãa.

Rom Dãmba 5:9

Moasã, tõnd sẽn paam zemsg Kiris zɩɩmã raagr yĩngã, tõnd kõn põs Wẽnnaam sũ-yikr bãmb maasem yĩng n yɩɩd sɩda?

1 Korẽnt rãmba 5:7

Yiis-y rã-bɩl-kʋdgã n bas y mens n lebg yɩlma, tɩ y tõe n yɩ zom-nagd-paalga, rã-bɩll sẽn ka be yãmb pʋgẽ wã yĩnga. Bala, b kʋʋ Kiris sẽn yaa tõnd Pakã maoongo.

2 Korẽnt rãmba 5:21

Wẽnnaam kɩtame tɩ Kiris sẽn ka maan yel-wẽnã lebg yel-wẽn tõnd yĩnga, tɩ tõnd tõe n lebg nin-tɩrs Kiris pʋg Wẽnnaam taoore.

Efɛɛz Rãmba 1:7

Yaa Kiris zɩɩmã maasem yĩng la tõnd paam fãagre, fãagr ning sẽn yaa yel-wẽnã sugr kũuni, sẽn zems Wẽnnaam barkã sẽn waoog wʋsgã,

Efɛɛz Rãmba 2:13

La moasã, Kiris pʋgẽ, yãmb sẽn dag n zãr wakat sẽn loogã, Kiris zɩɩmã maasem yĩnga, yãmb pẽnegame.

1 Tɩmote 1:15

Gomd ning sẽn yet t'a Zeezi Kiris waa dũni n na n fãag yel-wẽn-maandbã yaa sɩda, la gomdã zemsa reegr zãnga, la mam yaa yel-wẽn-maandbã taoor soaba.

Ebre rãmba 10:4

Bala, lolsã ne boeesã zɩɩm ka tõe n yiis yel-wẽn lae-lae.

Ebre rãmba 11:14

Neb nins sẽn gomd a woto wã wilgda vẽeneg tɩ b baooda ba-yiri.

Ebre rãmba 11:17

Yaa ne tẽeb la wakat ning a Abrahaam sẽn paam makre, a rɩka a biig a Izak n kõ Wẽnnaam. Yaa a bi-ribl‑yend la a rɩk n kõ Wẽnnaam, tɩ yaool n yaa yẽnda la Wẽnnaam kãab bũmb toay-toayã,

Ebre rãmba 11:7

Yaa ne tẽeb la a Nowe, wakat ning Wẽnnaam sẽn wilg-a bũmb nins neb sẽn dag n nan zɩ n yã wã, a zoee Wẽnnaam dabeem, n ka koom-kogl-bedre, n na n fãag a yirã rãmba. Yaa tẽebã yĩng la a wilg tɩ dũni ka bʋʋm ye, la a paam tɩrlem sẽn paamd ne tẽebã.

Ebre rãmba 9:28

woto me, Kiris sẽn kõ b meng vugr bal n na n tʋk neb wʋsg yel-wẽnã, b na n puka naoor a yiib soaba, la ka yel-wẽnã yĩng ye, la yaa neb nins sẽn gũud bãmb n na n paam fãagrã yĩnga.

Ebre rãmba 9:5

Kãabg koglgã zugu, Serubẽ-rãmb sẽn tar ziir n be be, tɩ b maasmã lut sugr kũunã zĩiga. D ka na n yals n wegs a yellã n gom moasã ye.

1 Zã 1:10

Tõnd sã n yeel tɩ d ka maan yel-wẽnde, tõnd geta Wẽnnaam wa zĩrẽ yagda, la bãmb goamã ka be tõnd pʋgẽ ye.

1 Zã 2:2

B talla a Zeezi meng n maan maoong tõnd yel-wẽnã sugr kũun yĩnga, la ka tõnd bal yel-wẽnã yĩng ye, la dũni nebã fãa me yel-wẽnã yĩnga.

1 Zã 4:10

Nonglem‑kãng ka tõnd sẽn nong Wẽnnaam yĩng ye, yaa bãmb sẽn nong tõndo, n tʋm b Bi-riblã tɩ b yɩ maoong tõnd yel-wẽnã sugr kũun yĩnga.

Vẽnegre 13:8

La nebã fãa sẽn be tẽng zugu, tɩ b yʋy ka gʋls vɩɩm sebrã sẽn yaa pe-bil ning b sẽn kʋ hal dũni naaneg wakatã sebrã pʋgẽ wã wõgemda rũngã taoore.

Vẽnegre 20:15

B loba ned ning fãa b sẽn ka yã a yʋʋr tɩ gʋls vɩɩm sebrã pʋgẽ wã bugum ko‑kãsengã pʋga.

Vẽnegre 5:9

La bãmb da yɩɩnda yɩɩn-paalg n yetẽ: Yãmb n zems tɩ reeg sebrã la y sogs a sogdsã, bala b ra kʋʋ yãmba, la yãmb fãaga neb buud fãa pʋgẽ, goam buud fãa pʋgẽ, tẽms fãa pʋgẽ, soolem fãa pʋgẽ ne yãmb zɩɩm tɩ b lebg Wẽnnaam nebã.