Rom Dãmba 3:24 - WẼNNAAM SEBRE 2014

²⁴ La b paamda zemsgã zaalem bala, Wẽnnaam nimbãan-zoeerã yĩnga, fãagr ning sẽn be a Zeezi Kiris pʋgẽ wã maasem yĩnga.

SEBR SÕNGO

²⁴ La b sã n le paam b yell manegre tũu ne Wẽnd yamleoog la Krista maoonga yõodo.

KÃAB-PAALGÃ KOE-NOOGO

²⁴ La b paamda zemsgã zaalem bala, Wẽnnaam nimbãan-zoeerã yĩnga, fãagr ning sẽn be a Zezi Kirist pʋgẽ wã maasem yĩnga.

Rom Dãmba 3:24 Iomraidhean Croise

Yɩɩn‑sõamyã 130:7

Israyɛll nebã, maan-y tẽeb ne Sẽn-Ka-Saabo, bala, bãmb yaa nonglem soaba. La bãmb tara soay buud toay-toay n fãagdẽ.

A Ezayi 53:11

Bãmb sẽn paam toogã yĩnga, b na n yãnda vẽenem, la b na n tɩga ne bãmb bãngre. Mam tʋmtʋmdã sẽn yaa tɩrlem soabã na n waa ne tɩrlem buud wʋsg yĩnga, la b na n deega bãmb kongrã.

A Matiye Sõng 20:28

Yaa woto yĩng la Ninsaal Bi-riblã wa yã. Ka tɩ nebã na sõng bãmb ye, la yaa tɩ bãmb na sõng nebã, la tɩ kõ b vɩɩmã, n yao n fãag neb wʋsgo.»

Tʋʋma 15:11

La tõnd tẽedame tɩ yaa Zu-soab a Zeezi barkã yĩng n kɩt tɩ tõnd paam fãagr wala bãmb me sẽn paam to-to wã.

Rom Dãmba 4:16

Dẽ, yaa ne tẽebo, tɩ b tõe n yeel tɩ yaa nimbãan-zoeere, tɩ kãabg ning Wẽnnaam sẽn kãabã na pids a Abrahaam yagensã fãa yĩnga. Ka b rãmb sẽn tar-b tõogã yĩng bal ye, la yaa ne neb nins sẽn tar-b tõnd ba a Abrahaam tẽebã wa b sẽn gʋlsã:

Rom Dãmba 4:4

La ned sã n tʋm tʋʋmde, a yaoodã ka nimbãan-zoeer kũun ye, yaa a rẽnda.

Rom Dãmba 5:9

Moasã, tõnd sẽn paam zemsg Kiris zɩɩmã raagr yĩngã, tõnd kõn põs Wẽnnaam sũ-yikr bãmb maasem yĩng n yɩɩd sɩda?

1 Korẽnt rãmba 1:30

Yaool n yaa Wẽnnaam n kɩt tɩ yãmb be a Zeezi Kiris pʋgẽ, Wẽnnaam kɩtame tɩ Kiris lebg tõnd yam, la d tɩrlem, la d welg-toore, la d fãagre,

1 Korẽnt rãmba 6:11

Yãmb neb kẽer yaool n dag n yaa a woto. La yãmb paama pekre, b kɩtame tɩ yãmb lebg sõama, b kɩtame tɩ yãmb zemse, tõnd Zu-soab a Zeezi Kiris yʋʋrã maasem yĩnga, la ne tõnd Wẽnnaamã Sɩɩg pãnga.

Kolos Rãmba 1:14

soab ning maasem yĩng tõnd sẽn paam fãagre, la yel-wẽna sugrã.

1 Tɩmote 2:6

soab ning sẽn kõ a meng tɩ ra nebã fãa wã. Yõwã yaa kaset sẽn kɩs a wakate.

A Titi 2:14

A Zeezi Kiris kõo b meng tõnd yĩnga, tɩ fãag tõnd ne yel-wẽn fãa n kɩt tɩ tõnd lebg bãmb neb b sẽn yɩlge, la sẽn wɩngd ne tʋʋm-sõamyã maanego.

Vẽnegre 5:9

La bãmb da yɩɩnda yɩɩn-paalg n yetẽ: Yãmb n zems tɩ reeg sebrã la y sogs a sogdsã, bala b ra kʋʋ yãmba, la yãmb fãaga neb buud fãa pʋgẽ, goam buud fãa pʋgẽ, tẽms fãa pʋgẽ, soolem fãa pʋgẽ ne yãmb zɩɩm tɩ b lebg Wẽnnaam nebã.

Vẽnegre 7:14

Mam leoka yẽnda yaa: M zu-soaba, yãmb n mi. La a yeela maam yaa: Yaa neb nins sẽn yi to-kãsengã pʋgẽ wã. Bãmb pegsa b fut pe-bilã zɩɩmẽ tɩ b lebg peelse.