Rom Dãmba 2:3 - WẼNNAAM SEBRE 2014

³ Fo tẽedame tɩ f sẽn kaood f taab bʋʋdo, n maand wa bãmbã fo na n põsa Wẽnnaam bʋ-kaoorã?

SEBR SÕNGO

³ Dɩlla fo sã n maand wa f taaba n yaool n zĩ n kaood b bʋʋdo, fo tẽedame tɩ Wẽnnaam na bʋ foo n bas-f taal bɩ?

KÃAB-PAALGÃ KOE-NOOGO

³ Fo tẽedame tɩ f sẽn kaood f taab bʋʋdo, n maand wa bãmbã fo na n põsa Wẽnnaam bʋ-kaoorã?

Rom Dãmba 2:3 Iomraidhean Croise

2 Sãmwɛlle 10:3

Amo nebã na-biisã yeela b soaal a Hanun yaa: «Yãmb tẽedame tɩ yaa yãmb ba wã waoogr yĩng la a Davɩɩd sẽn tʋm nin-bãmbã tɩ b wa pʋʋs yãmbã bɩ? Yãmb ka tagsd t'a sẽn tʋm a nebã yãmb nengẽ wã yaa sẽn na n yɩl n ges tẽngã n bãng a yell sõama, n wa tõog n sãam-a sɩda?»

A. Zoobe 35:2

«Fo tagsdame tɩ fo tara bʋʋm bɩ? Dẽ yĩnga, fo rat n yeelame tɩ fo tɩrlem yɩɩda Wẽnnaam bɩ?

Yɩɩn‑sõamyã 50:21

Woto n yaa fo manesem, tɩ mam sĩnda. Fo tẽedame tɩ mam yaa wa foom? La ade, mam na n ninga foom taale, n vẽneg fãa n wilg-fu.

Yɩɩn‑sõamyã 56:7

Bãmb sorame n gũusd maam, bãmb gũusda maam m kẽnã pʋga. Bala, b baood n sãama mam vɩɩmã.

Yelbũna 11:21

Nin-wẽng ka tõe n ka paam sɩbgr ye, la nin-tɩrsã yagens na n paama fãagre.

Yelbũna 16:5

Sẽn-Ka-Saab kisa tɩta-neda, la b kõn bas-a n ka sɩbg-a ye.

Ezekiyɛl 17:15

La rĩmã tõdgame n kɩɩs-a, la a tʋm neb Ezɩpt tɩ b tɩ kos wiidi, ne tãb-biis wʋsg n wa kõ-a. Ned ning sẽn maand a woto wã na n tõogame sɩda? A na n tõog n põsame? Yẽnda ka tõe n sãam kaoolã n tõog n põs ye!

Ezekiyɛl 17:18

Yẽnda sẽn sãam kaoolã, a sãbsa wẽenegã. Yẽnda rag n dɩka sard n maan bõn-kãensã fãa. Yẽnda ka na n põs ye!»

A Dãniyɛlle 10:19

Yẽnda yeela maam yaa: ‹Wẽnnaam nin-nongre, ra zoe rabeem ye. Gãneg f yam! Keng f meng n paam daoodo!› La yẽnda sẽn dag n gomd ne maamã wakate, mam leb n paama pãng n tõog n gom n yeele: M soaala, bɩ y gome! Bala, yãmb leb n kõ-m-la pãnga.»

A Matiye Sõng 23:33

Wiisã! Wag-toos buudu! Yãmb na n yɩɩ a wãn n põs bug-tẽng sɩbgrã?

A Matiye Sõng 26:53

Fo tẽedame tɩ mam ka tõe n bool m ba tɩ b tʋm maam malegs sẽn yɩɩd tusa-tusa sul piig la a yiib la?

A Luk Sõng 12:14

A Zeezi leok-a lame yaa: Daoa, ãndã n yãk maam tɩ m yɩ yãmb bʋ-kaooda, wall y te-pʋɩta?

A Luk Sõng 22:58

Sẽn yɩ bilfu, ned a to yãnda a Pɩyɛɛr n yeele: Fo me yaa bãmb ned a yembre. La a Pɩyɛɛr yeela raoã yaa: Mam ka bãmb ned ye.

A Luk Sõng 22:60

A Pɩyɛɛr leokame: Hey! Mam ka mi bũmb ning fo sẽn gomd a yellã ye. Wakat-kãng bala, yẽnda sẽn ket n gomda, no-raoog kelmame.

Rom Dãmba 1:32

La baa ne b sẽn mi Wẽnnaam yelsem sẽn yet tɩ neb nins sẽn maand bõn-kãensã zemsa ne kũumã, b maand-b lame. La ka rẽ bal ye, b yetame me tɩ neb nins sẽn maand bõn-kãensã maanda neere.

Rom Dãmba 2:1

Dẽ, fo sẽn yaa ned ning fãa, fo sẽn kaood f taab bʋʋdã, fo kõn paam bũmb n dõd n yi ye. Sɩdã, fo sẽn kaood neb a taabã bʋʋdã, fo rogenda yell f meng zugu. Bala, fo kaooda f taab bʋʋdo, la f yaool n maand wa bãmb bala.

Rom Dãmba 2:2

Sɩd me, tõnd miime tɩ Wẽnnaam bʋ-kaoorã neb nins sẽn maand a woto wã yĩng tũuda sɩda.

Rom Dãmba 9:20

La fo yẽ, foom la ãnda n tõe n wẽ no-koeemd ne Wẽnnaam? Bũmb ning yagbã sẽn yagdã na n yeela yagbã tɩ yaa bõe yĩng t'a yagd yẽnda a woto?

1Tesalonik Rãmba 5:3

Wakat ning ninsaalbã sẽn na n yeel tɩ yaa laafɩ la bãanã, wakat-kãng la sãoong na n ling bãmba. La na n yɩɩ wa rogem toog sẽn paamd pag sẽn tʋte, la b kõn põs ye.

Ebre rãmba 12:25

Maan-y gũusgu! Ra tõdg-y n ka kelg ned ning sẽn gomd-a ne yãmbã ye. Bala, neb nins sẽn tõdg n ka kelg a soab sẽn dag n keoogd bãmb tẽng zug ka wã sã n ka põse, tõnd n ka na n põs n yɩɩda, tõnd sã n tõdg n ka kelg ned ning sẽn be arzãn n keoogd tõndã.

Ebre rãmba 2:3

tõnd na n yɩ a wãn n põse, tõnd sã n maan yaal-yaal n ka ges fãagr sẽn yaa kãseng a woto wã yelle? Zu-soabã meng n deng n gom fãag-kãng yell a sɩngrã wakate, tɩ neb nins sẽn wʋm fãagrã yellã wilg tõnd t'a yaa sɩda.