Rom Dãmba 2:27 - WẼNNAAM SEBRE 2014

²⁷ Sẽn ka tol n kẽ-a bãongã sã n pidsd tõogã sẽn yetã, a kõn kao fo bʋʋdo, fo soab sẽn tar tõogã sebr la bãongã sɩda?

SEBR SÕNGO

²⁷ Ne a sẽn ka kẽ bãongã, yaa yẽ n na n kao fo bʋʋdo; yẽ sẽn deegd Wẽnnaam noorã n na n bʋ foo, fo sẽn ya bãnkoanga la f mi Wẽnd noore la f baas n tõdgd-a.

KÃAB-PAALGÃ KOE-NOOGO

²⁷ Sẽn ka tol n kẽ-a bãongã sã n pidsd tõogã sẽn yetã, a kõn kao fo bʋʋdo, fo soab sẽn tar tõogã sebr la bãongã sɩda?

Rom Dãmba 2:27 Iomraidhean Croise

A Matiye Sõng 3:15

A Zeezi leoka yẽnda yaa: Bas tɩ yɩ a woto, bala, a zemsame tɩ tõnd pids bũmb nins fãa sẽn yaa tɩrse. La a Zã ka kɩɩs bãmb yɛs ye.

Tʋʋma 13:22

Wẽnnaam sẽn yiis a Sayull naamẽ wã, b yãka a Davɩɩd t'a yɩ Israyɛll dãmbã rĩmã. La Wẽnnaam kɩsa a Davɩɩd kaset n yeel a woto: ‹Mam yãndame t'a Izayi biig a Davɩɩd yaa rao sẽn ta mam yam. Yẽnda n na n pids mam datmã fãa zãnga.›

Rom Dãmba 13:10

Nonglem kɩtdame tɩ f ka maand f to wẽng ye. Dẽ, nonglem yaa tõogã pidsgu.

Rom Dãmba 2:15

B wilgdame tɩ bũmb nins tõogã sẽn datã gʋlsa bãmb sũyã pʋse. Bãmb sũ-bãngrã kɩta rẽnda kaseto, la bãmb tagsgã rõta bãmba wall a zabd n sõngd bãmba.

Rom Dãmba 2:20

n yaa ka-yam dãmbã zãmsdã, la kamb karen-saambã, yaa tɩ fo tẽedame tɩ f tara bãngr la sɩd sor tõogã pʋgẽ.

Rom Dãmba 2:25

Sɩda, bãong yaa bũmb sẽn be yõodo, fo sã n sakda tõogã. La fo sã n kɩɩs tõogã, fo bãongã lebga moonem bala.

Rom Dãmba 2:26

La sẽn ka kẽ-a bãong sã n sakd bũmb nins sẽn gʋls tõogã pʋgẽ wã, b ka na n ges a moonemã wa bãong kõom sɩda?

Rom Dãmba 2:29

La Zʋɩf yaa ned ning sẽn yaa-a Zʋɩf a sũur pʋgẽ, la bãong meng yaa sũurẽ dẽnda, sẽn zems Sɩɩgã rẽnda, la ka tõogã rẽnd ye. Zʋɩf‑kãng pẽgr ka yit ninsaalb nengẽ ye, la yaa Wẽnnaam nengẽ.

Rom Dãmba 3:30

bala, Wẽnnaam a yembr tãa n be n na n kɩt tɩ sẽn kẽ-b bãongã zems tẽeb yĩnga, la b kɩt tɩ sẽn ka kẽ-bã me zems tẽeb yĩnga.

Rom Dãmba 8:4

Kiris maana a woto tɩ tɩrlem ning tõogã sẽn yeel tɩ d tog n paamame wã na pid tõnd pʋsẽ, tõnd sẽn kẽnd wa sẽn zems Sɩɩgã raabo la ka yĩng rẽndã yĩnga.

1 Korẽnt rãmba 7:19

Bãong kõom ka fɩ, la moonem me ka fɩ. Yaa Wẽnnaam noyã sakr la b geenda.

2 Korẽnt rãmba 3:6

Wẽnnaam kɩtame tɩ d tõe n yɩ bãmb tʋmtʋmdb kãab-paalgã maasem yĩnga. Ka ne tõog sẽn gʋlsã ye, la yaa ne Sɩɩg-sõngo. Bala, tõog sẽn gʋlsã kʋʋdame, la Sɩɩg-sõng kõta vɩɩm.

Galat Rãmba 5:14

Bala, gomd a yembr tãa n pidsd tõodã gilli. A yetame tɩ: Nong f to wa f menga.

Efɛɛz Rãmba 2:11

Dẽ wã, tẽeg-y tɩ wakat sẽn looge, yãmb dag n yaa bu-zẽms yĩng wɛɛngẽ, tɩ neb nins sẽn yet tɩ b yaa zũnsi, tɩ yaool n yaa bãong ninsaal nus sẽn kẽesã rãmb n dag n boond yãmb a bu-zẽmsã tɩ moose.

2 Tɩmote 3:15

Hal f yãadem wakate, fo bãnga Wẽnnaam sebrã. B tõe n kõo foom yam tɩ f tõog n paam fãagre, fo sẽn tẽed a Zeezi Kirisã.

Ebre rãmba 11:3

Yaa ne tẽeb la tõnd wʋmd tɩ yaa Wẽnnaam noor gomd n naan dũni, tɩ bũmb nins tõnd sẽn ne wã ka yi bũmb nins sẽn tõe n yãndã wã pʋgẽ ye.