Rom Dãmba 2:21 - WẼNNAAM SEBRE 2014

²¹ Fo zãmsda neb a taabã, la f ka zãmsd f meng ye.

SEBR SÕNGO

²¹ m na sok-f n gese, yaa bõe yĩng la f mi f taab zãmsgo n yaool n ka tõe n zãms f menga?

KÃAB-PAALGÃ KOE-NOOGO

²¹ Fo zãmsda neb a taabã, la f ka zãmsd f meng ye.

Rom Dãmba 2:21 Iomraidhean Croise

A Ezayi 42:20

Fo yãnda bũmb wʋsgo, la fo ka maan gũusg ye. Fo yoka f tʋb n yaool n ka wʋm ye.

A Ezayi 56:11

Bãmb yaa wa baas sẽn yaa yão-be-rãmba, bãmb ka tol n tɩgd ye. Bãmb yaa pe-kɩɩmb sẽn ka tol n mi baa fɩ ye. B fãa yaa neb sẽn maand b sẽn date, ned kam fãa baooda a meng sõngr bala.

Ezekiyɛl 22:27

Yẽnda nanambsã bee a pʋg wa rigd-n-yĩids sẽn zendemd rũng b sẽn yõke. Bãmb daagda zɩɩm, b menesda nebã, sẽn na n yɩl n tõog n maan b wẽgbã.

A Miise 3:11

Zeruzalɛm nanambsã reegda kũun n yaool n kao bʋʋdo. Bãmb maan-kʋʋdbã zãmsda nebã n deegd yaoodo, la b no-rɛɛsdbã togsda pĩnd-n-bãngr goamã n deegd wanzuri. Bãmb yaool n tika Sẽn-Ka-Saab n yetẽ yaa: «Sẽn-Ka-Saab sẽn be tõnd sʋkã yĩnga, yel-beed kõn tol n paam-d ye.»

A Matiye Sõng 21:13

La a Zeezi yeel-b lame: «A gʋlsame tɩ b na n boola mam doogã tɩ pʋʋsg roogo.» La yãmba, yãmb maan-a lame t'a lebg wagda geongo.

A Luk Sõng 11:46

A Zeezi leokame n yeele: Yãmb tõog karen-saam-dãmbã me na n paama toogo! Bala, yãmb dɩkda zɩɩbo, a tʋkr sẽn yaa toog n tʋkd nebã, tɩ yãmb mensã yaool n ka sɩɩsd-b ne y nug-bil ye.

A Luk Sõng 12:47

Tʋmtʋmd ning sẽn mi‑a a zu-soab raabo, n yaool n ka segl bũmbu, la a ka maan a zu-soabã sẽn datã, b na n pãb-a la wʋsgo.

A Luk Sõng 19:22

Naabã yeela tʋmtʋmd‑kãng yaa: ‹Tʋmtʋmd-wẽnga, mam na n dɩka fo mengã goam n kao fo bʋʋdo. Fo rag n miime tɩ mam yaa nin-toaaga, tɩ mam dɩkda bũmb ning mam sẽn ka rɩgle, la m tigsd bũmb ning mam sẽn ka bʋd ye,

A Luk Sõng 4:23

A Zeezi yeel-b lame yaa: Mam miime tɩ yãmb na n wẽe maam yel-bũn‑kãnga: «Tɩpa, tɩp f meng f toor n sãooge, la bɩ y maan bũmb nins fãa yãmb sẽn maan Kapɛrnaom tɩ tõnd wʋma, y tẽngẽ ka.»

1 Korẽnt rãmba 9:27

Ayo, mam namsda m yĩngã sõama, n kɩtdẽ t'a sakd-ma, m sẽn zoet dabeem tɩ mam sẽn moon neb a taabã, bɩ b ra wa n yeel tɩ mam ka zems ye.

Galat Rãmba 6:13

Bala, bãmb mensã sẽn yaa zũnsã, b ka sakd tõogã ye. La b ratame tɩ yãmb kɩt tɩ b kẽes-y bãongo, tɩ bãmb paam waoogr yãmb yĩn-neong yĩnga.