Rom Dãmba 2:19 - WẼNNAAM SEBRE 2014

¹⁹ Fo sẽn yet f meng tɩ f yaa zoens tɛtã, la neb nins sẽn be lik bida pʋgẽ wã vẽenemã,

SEBR SÕNGO

¹⁹ tɩ f nin pukame, al tɩ f tõe n wilg zoeens sore, tɩ f tõe n lebg sẽn kẽnd-b likẽ vẽenem,

KÃAB-PAALGÃ KOE-NOOGO

¹⁹ Fo sẽn yet f meng tɩ f yaa zoens tɛtã, la neb nins sẽn be lik bida pʋgẽ wã vẽenemã,

Rom Dãmba 2:19 Iomraidhean Croise

Yelbũna 26:12

F sã n yãnd ned sẽn tagsd t'a tara yam, bãng tɩ yalem n são nin-kãngã.

A Ezayi 49:6

Bãmb yeela maam: «Mam sẽn yãk foom tɩ f yɩ mam tʋmtʋmdã nan ka baa fɩ ye, mam yãka foom tɩ f leb n yik a Zakoob yagensã, la f lebg n tall Israyɛll bu-kellã n wa. Mam yãka foom tɩ f yɩ vẽenem bu-zẽmsã yĩnga, tɩ mam fãagrã tõe n ta dũniyã tɛk fãa.»

A Ezayi 5:21

Toog bee neb nins sẽn tagsd tɩ b yaa yam dãmba, la sẽn tẽed tɩ b yaa bãngdbã zutu.

A Ezayi 56:10

Israyɛll tẽn-gũudbã fãa yaa zoense, la b ka mi baa fɩ. Bãmb yaa wa baas sẽn yaa mugsi, n ka tõe n wes ye. Bãmb zãmsdame, bãmb tʋʋmd yaa gãaga, bãmb nonga gõeem.

A Matiye Sõng 15:14

Bas-y-ba. Bãmb yaa zoens sẽn tat zoense. Zoang sã n tat zoanga, bãmb b yiibã fãa na n lʋɩɩ bokẽ.»

A Matiye Sõng 4:16

neb sẽn zĩ lik bida pʋgẽ wã yãnda vẽen-kãsenga, la vẽenem puka neb nins sẽn dag n zĩ kũum tẽngẽ la a maasmẽ wã yĩnga.

A Matiye Sõng 5:14

Yãmb yaa dũniyã vẽenem. Tẽng sẽn be tãng zug ka tõe n solg ye.

A Matiye Sõng 6:23

La fo nif sã n ka sõama, fo yĩngã tõr na n yɩɩ lika. Dẽ yĩnga, vẽenem ning sẽn be fo pʋgẽ wã sã n yaa lika, lik-kãng na n yɩɩ bida.

A Mark Sõng 10:15

Mam yeta yãmb sɩda tɩ ned ning fãa sẽn kõn deeg Wẽnnaam soolmã koɛɛg wa bi-bilfu, a kõn kẽ be ye.»

A Luk Sõng 1:79

n kõ neb nins sẽn zĩ lik pʋgẽ la kũum maasmẽ wã vẽenem, la a tɛ tõnd tɩ d tũ laafɩ sore.

A Zã Sõng 9:34

B leok-a lame n yeele: «Fo yĩngã tõr bee yel-wẽn pʋgẽ, hal f rogem wakat tɩ ta moasã, tɩ fo wa yɛs n na n zãms tõndo?» La b rig-a lame n yiis yɩnga.

Tʋʋma 26:18

tɩ f puk b nina tɩ b wẽnemd n bas likã n wa vẽenemẽ wã la b bas Sʋtãanã n sak Wẽnnaam n paam b yel-wẽnã sugri, la pʋɩɩr ne neb nins sẽn tẽ maam n lebg Wẽnnaam nebã.»

Rom Dãmba 2:18

Fo yetame tɩ f mii bãmb daabã, tɩ tõogã sẽn zãms foomã yĩnga, fo mii bũmb ning sẽn yaa sõama la sẽn yaa wẽng n bake.

Rom Dãmba 2:20

n yaa ka-yam dãmbã zãmsdã, la kamb karen-saambã, yaa tɩ fo tẽedame tɩ f tara bãngr la sɩd sor tõogã pʋgẽ.

1 Korẽnt rãmba 3:18

Bɩ ned da belg a meng ye. Ned yãmb sʋkã sã n tagsd t'a tara dũni yam, bɩ a lebg yalma, t'a tõe n lebg yam soaba.

1 Korẽnt rãmba 4:10

Kiris yĩnga, tõnd yaa yalemba, la yãmb yaa yam dãmb Kiris pʋgẽ, tõnd yaa pãn-komsem dãmba, la yãmb tara pãnga. Yãmb bee waoogre, la tõnd paamda paoogre.

Filip rãmba 2:15

Tɩ yãmb na yɩ neb sẽn ka tar yelle, la sẽn yaa yɩlma. Tɩ yãmb na yɩ Wẽnnaam kamb sẽn ka tar rõadg ye, zamaan‑kãnga nebã sẽn sãam la sẽn yaa wẽnsã sʋka, yãmb yãgda bãmb sʋk wa vẽenem dũniyã pʋga,