Rom Dãmba 2:16 - WẼNNAAM SEBRE 2014

¹⁶ Daar ning Wẽnnaam sẽn na n kɩt t'a Zeezi Kiris kao nebã tʋʋm-solgdsã bʋʋd wa koe-noog ning mam sẽn moondã sẽn yetã, bõn-kãens na n pukame.

SEBR SÕNGO

¹⁶ Ad-y yaa sẽn maand-b Noora sẽn data bʋʋdo la Wẽnd na n tũ a Zezi Krista n bʋ sẽn solg fãa ninsaalb sũurẽ, wala m Koe-nooga sẽn wilgdã.

KÃAB-PAALGÃ KOE-NOOGO

¹⁶ Daar ning Wẽnnaam sẽn na n kɩt tɩ Kirist Zezi kao nebã tʋʋm-solgdsã bʋʋd wa koe-noog ning mam sẽn moondã sẽn yetã, bõn-kãens na n pukame.

Rom Dãmba 2:16 Iomraidhean Croise

Sɩngrẽ 18:25

Tɩ naag nin-tɩrs ne nin-wẽns n kʋ? Yell a woto buud maaneg zãra ne yãmba. Yãmb na n kɩtame tɩ nin-tɩrs paam sɩbgr ning nin-wẽnsã sẽn na n paamã sɩda? Yel-kãng buud maaneg zãra ne yãmba. Yãmb sẽn yaa dũniyã fãa bʋ-kaoodã, yãmb na n maana a wãn n kao bʋʋdã kegre.»

Yɩɩn‑sõamyã 50:6

Saasẽ na n moona bãmb tɩrlmã. Bala, yaa bãmb la bʋ-kaooda.

Yɩɩn‑sõamyã 96:13

Bɩ b kaas Sẽn-Ka-Saab taoore, bala, bãmb watame! Bãmb wat n na n kaoo dũniyã bʋʋdo. Bãmb watame n na n kao dũniyã bʋʋd ne tɩrlem, la b kao nebã bʋʋd ne sɩda.

Yɩɩn‑sõamyã 98:9

Bɩ b kaas Sẽn-Ka-Saab taoore, bala, b wat n na n kaoo dũniyã bʋʋdo. Bãmb na n kaoo dũniyã bʋʋd ne tɩrlem, la b kao nebã bʋʋd wa sẽn zemse.

Kowelɛt 11:9

Bi-bɩɩga, maan sũ-noog f bi-bɩɩlmã wakate, la f noog f sũur f bɩʋʋngã wakate, n tũ soay nins f sũurã sẽn date, la f ninã sẽn getã. La bɩ f bãng tɩ Wẽnnaam na n bʋʋ ne foom bõn-kãens fãa yĩnga.

Kowelɛt 12:14

Bala, Wẽnnaam na n bʋʋ tʋʋmã fãa bʋʋdo, la yɛl nins fãa sẽn dag n solgã, yel-sõama wã ne yel-wẽnsã bʋʋdo.

Kowelɛt 3:17

Mam tagsa m sũur pʋgẽ tɩ Wẽnnaam na n kaoo nin-tɩrg la nin-wẽng bʋʋdo. Bala, yɛlã fãa tara b zĩiga, la tʋʋmd fãa tara a wakate.

A Matiye Sõng 16:27

Bala, Ninsaal Bi-riblã na n waa ne b ba wã ziiri, ne b malegse. La rẽ wẽnde, bãmb na n dola ned kam fãa wa sẽn zems a tʋʋmde.

A Luk Sõng 8:17

Bala, bũmb ka be sẽn lud sẽn kõn puk ye, la bũmb ka be sẽn solg sẽn kõn vẽneg ye.

A Zã Sõng 12:48

Sẽn tõdg-a maam la a ka reegd mam goamã, a tara a bʋ-kaooda: Goam nins mam sẽn goma n na n kao yẽnda bʋʋd yaoolem daare.

Tʋʋma 10:42

La a Zeezi kõo tõnd noor tɩ d moon nebã sʋk n kɩs kaset n yeel tɩ Wẽnnaam yãka bãmba, tɩ b na n kao nin-vɩɩse, la kũum bʋʋdo.

Tʋʋma 17:31

Bala, Wẽnnaam yãka raare, tɩ rao ning bãmb sẽn yãkã na n kao dũniyã fãa bʋʋd ne tɩrlem. La Wẽnnaam kõo nebã fãa bãnde, n vʋʋg rao-kãng n bas kũum n wilg tɩ yaa sɩda.

Rom Dãmba 16:25

Bɩ soab ning sẽn tar-a pãn-tõog tɩ kɩt tɩ yãmb yals kãenkãe wa koe-noogã mam sẽn moondã sẽn yetã, wa sẽn zemsd ne yel-solemdã pukri, yel-solemd ning sẽn dag n solg hal sɩngr wẽndẽ wã.

Rom Dãmba 2:5

La ne fo sũurã riglingã la f sũurã sẽn ka baood tekrã, fo tigsda sũ-puugr n bĩngd f meng Wẽnnaam sũ-puugrã daar yĩnga, daar ning bãmb bʋ-kaoorã sẽn zemsã sẽn na n pukã,

Rom Dãmba 3:6

Yaa vẽeneg tɩ ayo. Sã n ka rẽ, Wẽnnaam na n yɩɩ a wãn n kao dũni bʋʋdo?

1 Korẽnt rãmba 15:1

M ba-biisi, mam tẽegda yãmb koe-noog ning mam sẽn moon yãmb tɩ yãmb deege, n yas a pʋgẽ kãenkãe wã.

1 Korẽnt rãmba 4:5

Woto yĩnga, da kao-y bũmb baa fɩ bʋʋd tɩ wakatã nan ka ta ye, tɩ Zu-soabã waoong nan ka ta ye. Bãmb sã n wa, b na n puka bũmb ning sẽn solg lik pʋgẽ wã, la b na n kɩtame tɩ bũmb nins nebã sẽn dag n saag b sũyã pʋsẽ wã pugsi. Wakat-kãnga, Wẽnnaam n na n pẽg ned kam fãa.

2 Korẽnt rãmba 5:10

Bala, yaa tɩlɛ tɩ tõnd fãa yals Kiris bʋʋdã geer taoore, tɩ b keo ned kam fãa wa sẽn zems tʋʋm nins yẽ sẽn tʋmã yĩngã pʋgã. Sã n yaa tʋʋm-sõamyã wall tʋʋm-wẽnse.

Galat Rãmba 1:11

M ba-biisi, mam yeta yãmb tɩ koe-noog ning mam sẽn moona ka yit ninsaal nengẽ ye.

1 Tɩmote 1:11

Yaa koe-noog ning sẽn tar ziirã, Wẽnnaam sẽn yaa bark soabã koe-noogã, koe-noog ning b sẽn ning mam noorẽ wã n yet a woto.

2 Tɩmote 2:8

Tẽeg a Zeezi Kiris yelle: bãmb vʋʋgame n bas kũum. Bãmb yaa a Davɩɩd yagenga, wa koe-noogã sẽn yeelã.

2 Tɩmote 4:1

Mam yeta foom Wẽnnaam taoore, la a Zeezi Kiris sẽn na n kao nin-vɩɩs la kũum bʋʋdã taoore, la bãmb waoongã ne b rĩungã yʋʋr yĩnga,

2 Tɩmote 4:8

Moasã, Wẽnnaam bĩnga tɩrlem maanfã mam yĩnga. Zu-soabã sẽn yaa bʋ-kaood tɩrgã na n kõ-a-la maam da-kãngã. La ka maam bal la b na n kõ ye, yaa neb nins fãa sẽn na nong bãmb pukrã.

Ebre rãmba 9:27

A wa a sẽn be ned fãa zug tɩ ki vugr bala (la kũumã poore, bʋʋd n watã),

1 Pɩyɛɛr 4:5

Bãmb na n yals n togsa b yɛlã soab ning sẽn segl n sɛ n na n kao nin-vɩɩs la kũum bʋʋdã taoore.

2 Pɩyɛɛr 2:9

Rẽ wã, Zu-soabã mii b sẽn na n maan to-to n fãag neb nins sẽn sakd bãmbã makr wakate, la b sẽn na n maan to-to n bĩng tʋʋm-wẽns maandbã n sɩbg-b bʋʋdã kaoob daare.