Rom Dãmba 2:15 - WẼNNAAM SEBRE 2014

¹⁵ B wilgdame tɩ bũmb nins tõogã sẽn datã gʋlsa bãmb sũyã pʋse. Bãmb sũ-bãngrã kɩta rẽnda kaseto, la bãmb tagsgã rõta bãmba wall a zabd n sõngd bãmba.

SEBR SÕNGO

¹⁵ wakat kãnga b wilgdame tɩ noor n be n gʋls b sũurẽ la rẽ n so tɩ ned kam fãa wʋmd koɛɛg a pʋgẽ, la koɛɛg sẽn leokd d taab tʋʋma poorẽ, b sã n toga ne sãbsgo bɩ ne pẽgre.

KÃAB-PAALGÃ KOE-NOOGO

¹⁵ B wilgdame tɩ bũmb nins tõogã sẽn datã gʋlsa bãmb sũyã pʋse. Bãmb sũ-bãngrã kɩta rẽnda kaseto, la bãmb tagsgã rõta bãmba wall a zabd n sõngd bãmba.

Rom Dãmba 2:15 Iomraidhean Croise

Sɩngrẽ 20:5

Ka yẽnda meng n yeel maam tɩ yaa yẽnda tão la? Tɩ pagã me yeel maam tɩ yaa yẽnda kẽem la? Dẽ, mam sẽn maan yel-kãngã wã yaa ne pʋ-peelem, la m ka beeg ye.»

1 Rĩm-dãmbã 2:44

Rĩmã yeela a Simeyi yaa: «Fo mengã mii wẽng ning fãa fo sẽn maan m ba a Davɩɩdã. Dẽ wã, Sẽn-Ka-Saab na n kɩtame tɩ f wẽnemã fãa leb-fo.

A. Zoobe 27:6

Mam na n gãda m tɩrlmã kãenkãe n ka bas ye. Mam sũ-bãngrã kõn mong maam bʋʋm mam vɩɩmã daar baa a yembr pʋg ye.

Kowelɛt 7:22

Bala, fo miime tɩ naoor wʋsgo, fo me tʋʋ neb a taaba.

A Zã Sõng 8:9

Tõog karen-saam-dãmbã ne Fariizẽ-dãmbã sẽn wʋm gom-kãngã, tɩ b sũyã kaset kao b bʋʋdo, b yii yembr yembre, sẽn sɩng ne kãsem hal tɩ ta yaoolem soaba. La a Zeezi paa b yembr ne pagã sẽn dag n yɛs nebã sʋkã.

Tʋʋma 23:1

A Poll gesa kaoreng yɛl-bʋ-bʋʋdbã n yeel yaa: M saam-biisi, mam kẽna Wẽnnaam taoor ne sũur kaset sẽn yaa sõama hal tɩ ta rũndã.

Tʋʋma 24:16

Yaa woto yĩnga, tɩ mam me maood n dat n paam sũur kaset sẽn yaa sõama Wẽnnaam la ninsaalb taoor daar fãa.

Rom Dãmba 2:14

Buud a taabã sẽn ka tar tõogã sã n kell n maand bũmb nins tõogã sẽn yetã, bãmb sẽn ka tar tõogã, bãmb mensã mii b sẽn tog n maane.

Rom Dãmba 2:27

Sẽn ka tol n kẽ-a bãongã sã n pidsd tõogã sẽn yetã, a kõn kao fo bʋʋdo, fo soab sẽn tar tõogã sebr la bãongã sɩda?

Rom Dãmba 9:1

Mam yeta sɩd Kiris pʋgẽ, mam ka yagd zĩrẽ ye. Mam sũ-bãngrã kɩta maam bõn-kãng kaseto, Sɩɩg-sõng maasem yĩnga.

2 Korẽnt rãmba 1:12

Bala, bũmb ning sẽn kõt tõnd sũ-noogã, yaa tõnd sũ-bãngrã sẽn kɩt kaset tɩ dũni wã neb sʋka, tõnd kẽna ne sõmblem la pʋ-peelem sẽn yit Wẽnnaam nengẽ wã yĩnga, la d kẽna yãmb sʋk a woto n yɩɩda. La ka yɩ ne ninsaal yam ye, yaa ne Wẽnnaam barkã la d maan woto.

2 Korẽnt rãmba 5:11

Tõnd sẽn mi Zu-soabã rabeem zoeesã, tõnd baoodame n sagl nebã n tõog tɩ b tẽ. Wẽnnaam mii tõnd sõama. La mam tẽedame tɩ yãmb sũyã pʋse, yãmb me mii maam.

1 Tɩmote 4:2

La yaa bɛlgdb sẽn yaa zãmb dãmba, la b sũ-bãngrã sẽn wʋm ne kut sẽn moogã goam n na n kɩt tɩ yɩ a woto.

A Titi 1:15

Bũmba fãa yaa yɩlemd ne neb nins sẽn yaa yɩlma. La neb nins sẽn maand yel-wẽna la sẽn ka Kiris tẽedbã, baa fʋɩ ka yɩlemd ne bãmb ye. Bãmb yamã ne b sũ-bãngrã rẽgmame.