Rom Dãmba 2:13 - WẼNNAAM SEBRE 2014

¹³ Sɩd me, ka neb nins sẽn kelgd tõogã n zems Wẽnnaam nifẽ ye. La yaa neb nins sẽn sakd tõogã n na n paam zemsgo.

SEBR SÕNGO

¹³ Ka sẽn mi-b noora la nin-sõma, Wẽnnaam taoor ye, yaa sẽn maand-b noora sẽn wilgã.

KÃAB-PAALGÃ KOE-NOOGO

¹³ Sɩd me, ka neb nins sẽn kelgd tõogã n zems Wẽnnaam nifẽ ye. La yaa neb nins sẽn sakd tõogã n na n paam zemsgo.

Rom Dãmba 2:13 Iomraidhean Croise

Yɩɩn‑sõamyã 143:2

Bɩ y ra bʋ ne y tʋmtʋmdã ye. Bala, nin-vɩɩsã sʋka, ned ba a yembr ka be n yaa tɩrg yãmb nifẽ ye.

Zeremi 11:6

Sẽn-Ka-Saab yeela maam: «Moon gom-kãens fãa Zʋʋda tẽmsã pʋsẽ ne Zeruzalɛm soayã zutu, n yeel-b tɩ b kelg kaool-kãngã goamã n sak-ba.

Ezekiyɛl 20:11

Mam kõo bãmb m noyã la m wilg bãmb m no-tũuds nins ninsaal sẽn tog n tũ n paam n vɩɩmdã.

A Luk Sõng 18:14

Mam yeta yãmb tɩ rao-kãng lebg n kuila a yir ne tɩrlem. La Fariizẽ nedã ka paam ye. Bala, b na n sika ned ning sẽn zẽkd a menga, la b na zẽka ned ning sẽn sikd a menga.

A Luk Sõng 8:21

La a Zeezi leoka bãmb n yeele: «Mam ma ne m ma-bi-raop yaa neb nins sẽn kelgd Wẽnnaam goamã n sakdẽ wã.»

A Zã Sõng 13:17

Yãmb sã n mi rẽnda, yãmb yaa sũ-noog rãmba, yãmb sã n maand a woto.

Tʋʋma 13:39

La ned ning fãa sẽn tẽed bãmba, b basda yẽnda taal ne bũmb ning fãa a Moyiis tõogã sẽn dag n ka tõe n bas taalã.

Rom Dãmba 10:5

Sɩd me, a Moyiis gʋlsa tɩrlem ning tõogã sẽn wat ne wã yell n yeele: Ned sã n maan wa tõogã sẽn yeelã, tõogã na kɩt t'a vɩɩmde.

Rom Dãmba 2:25

Sɩda, bãong yaa bũmb sẽn be yõodo, fo sã n sakda tõogã. La fo sã n kɩɩs tõogã, fo bãongã lebga moonem bala.

Rom Dãmba 3:20

Sɩdã, ned baa a yembr ka na n paam zemsg Wẽnnaam taoor tõogã sakr yĩng ye. Bala, tõogã kɩtdame bal tɩ ned bãng yel-wẽnd sẽn yaa a soaba.

Rom Dãmba 3:23

Sɩda, nebã fãa maana yel-wẽna, n kong Wẽnnaam ziirã.

Rom Dãmba 3:30

bala, Wẽnnaam a yembr tãa n be n na n kɩt tɩ sẽn kẽ-b bãongã zems tẽeb yĩnga, la b kɩt tɩ sẽn ka kẽ-bã me zems tẽeb yĩnga.

1 Korẽnt rãmba 4:4

La ka rẽnda yĩng la mam zemsr ye. Sẽn kaood-a mam bʋʋd yaa Zu-soabã.

Galat Rãmba 2:16

Tõnd sẽn mi tɩ ka ne tõogã tʋʋm la ned yɩt tɩrga, la yaa ne tẽeb ne a Zeezi Kirisã, tõnd me tẽe a Zeezi Kirisã, tɩ tẽeb ne Kirisã na kɩt tɩ tõnd lebg tɩrse, la ka tõogã tʋʋm ye. Bala, tõog tʋʋm kõn kɩt tɩ ned baa a yembr yɩ tɩrg ye.

Galat Rãmba 5:4

Yãmb dãmb sẽn baood zemsg tõog sakr pʋgẽ wã, yãmb welga ne Kirisi, yãmb monga y mens barkã.

Yaoolem 4:1

Moasã, Israyɛll nebã, bɩ y kelg minindã ne tõod nins mam sẽn zãmsd yãmbã, la y sak bãmb n tõog n vɩɩmde, la y kẽ tẽng ning Sẽn-Ka-Saab sẽn yaa yaab-rãmbã Wẽnnaamã sẽn kõ yãmb tɩ y soogã pʋgẽ.

Yaoolem 5:1

A Moyiis boola Israyɛll nebã fãa n yeel-b yaa: «Israyɛll nebã, kelg-y no-tũudsã ne noy nins mam sẽn togsd yãmb dũndã wã, la y zãms bãmb n gũus la y maan wa b sẽn yeelã.

Yaoolem 6:3

Woto yĩnga, Israyɛll nebã, kelg-y la y gũusi, la y sak bãmba, n tõog n paam sũ-noog n lebg wʋsg tẽng ning sẽn pid ne bĩisim la sɩɩd wʋsgã pʋgẽ, wa Sẽn-Ka-Saab sẽn yaa yãmb yaab-rãmbã Wẽnnaamã sẽn dag n yeel yãmbã.

Zake 1:27

Ba a Wẽnnaam taoore, wẽn-tũudum sẽn yaa yɩlemde, n ka tar wada, yaa tɩ kẽng n ges kɩɩbse la pʋg‑kõap b yel-pakr pʋse, la tɩ gũus f meng ne dũni rẽgdo.

1 Zã 2:29

Yãmb sã n miẽ tɩ Kirisã yaa tɩrlem soaba, bɩ y bãng tɩ ned ning fãa sẽn maand sẽn yaa tɩrg yaa Wẽnnaam biiga.

1 Zã 3:7

Kom-bãoonego, bɩ y ra sak tɩ ned ba a yembr belg yãmb ye. Ned ning sẽn maand tɩrlem yaa tɩrg wala a Zeezi Kiris sẽn yaa tɩrgã.