Rom Dãmba 15:13 - WẼNNAAM SEBRE 2014

¹³ Bɩ Wẽnnaam, saag-sõng sẽn yit a soab nengẽ wã pid yãmb ne sũ-noog fãa la bãan fãa tẽeb pʋgẽ, tɩ saag-sõng na pid yãmba, Sɩɩg-sõng pãng yĩnga.

SEBR SÕNGO

¹³ D sẽn teeg Wẽnd ninga na pids yãmba, y tẽeba yĩnga, ne sũ-noog la laafi. Wẽnd na kɩt tɩ y saagra pids zãnga ne a Vʋʋsem Sõng pãnga.

KÃAB-PAALGÃ KOE-NOOGO

¹³ Bɩ Wẽnnaam, saag-sõng sẽn yit a soab nengẽ wã pid yãmb ne sũ-noog fãa la bãan fãa tẽeb pʋgẽ, tɩ saag-sõng na pid yãmba, Sɩɩg-sõng pãng yĩnga.

Rom Dãmba 15:13 Iomraidhean Croise

A Ezayi 55:12

N-yẽe! Yãmb na n yii ne sũ-noogo, la b na n tɛɛ yãmb vɩ-bãan pʋga. Tãmsã ne kunkubã na n kaasa ne sũ-noog yãmb taoore, la weoogã tɩɩs fãa na n pãba nug-pogse.

Zeremi 14:8

Sẽn-Ka-Saab sẽn yaa Israyɛll tẽebo, la Israyɛll fãagd yel-pakr wakate, bõe yĩng tɩ y maand wa sãan tẽn-kãngã pʋgẽ, la wa so-toagd sẽn tũ tẽngẽ n na n yõg gãag-sobendo?

A Zã Sõng 14:1

Da sak-y tɩ y sũyã sãam ye. Tẽ-y Wẽnnaam, la y tẽ maam me.

A Zã Sõng 14:27

Mam basda laafɩ ne yãmba. Mam kõta yãmb m laafɩ. Mam ka kõt yãmb wa dũni wã sẽn kõtã ye. Bɩ y ra sak tɩ y sũyã sãam wall rabeem yõk yãmb ye.

Rom Dãmba 12:12

Maan-y tẽeb n kɩdme. Paam-y sũ-mar yel-pakr pʋgẽ. Wɩng-y ne pʋʋsgo.

Rom Dãmba 14:17

Bala, Wẽnnaam soolmã, ka tɩ rɩ wall tɩ yũ ye, la yaa tɩrlem la bãane, la sũ-noogo, Sɩɩg-sõng sẽn kõta.

Rom Dãmba 15:5

Bɩ Wẽnnaam sẽn pid ne sũ-mar la belsgã sõng yãmb tɩ y paam tagsg a yembr taab yĩnga, wa a Zeezi Kiris sẽn datã,

1 Korẽnt rãmba 2:4

Mam goamã ne m koe-moonegã ka yɩ ne yam goam sẽn na kɩt tɩ ned tẽ ye, la yɩɩ ne Sɩɩgã tʋʋma la a pãnga.

2 Korẽnt rãmba 9:8

La Wẽnnaam tara pãn-tõog tɩ kõ yãmb bark buud fãa tɩ seke. Tɩ yãmb tõe n paam bũmb fãa, daar fãa, sẽn na sõng yãmb y ratmã fãa pʋgẽ n sek n kell tɩ y maan tʋʋm-soamã fãa,

Galat Rãmba 5:22

La Sɩɩg-sõng bilã yaa nonglem, la sũ-noogo, la bãane, la sũ-mare, la sõmblem, la maan-neere, la maan-sɩda, la bʋgsem, la yõk-m-menga.

Efɛɛz Rãmba 1:2

Bɩ tõnd ba a Wẽnnaam ne tõnd Zu-soab a Zeezi Kiris kõ yãmb b barkã la b laafɩ wã.

1Tesalonik Rãmba 1:5

Bala, koe-noogã tõnd sẽn moona ka wa yãmb nengẽ ne no-goam bal ye. La yaa ne pãng me, ne Sɩɩg-sõngo, tɩ sãmbg baa bilf ka a pʋgẽ ye. Sɩd me, yãmb mii tõnd sẽn maan to-to yãmb sʋka, yãmb sõngr yĩnga.

1 Tɩmote 1:1

A Polle, a Zeezi Kiris tẽn-tʋmda, a wa sẽn zems ne Wẽnnaam sẽn yaa tõnd fãagdã raabo, la sẽn zems ne a Zeezi Kirisã, tõnd tẽeb sẽn be ne a soabã noore,

Ebre rãmba 6:11

La tõnd datame tɩ yãmb ned kam fãa kell n wɩng hal tɩ ta wakat saabo, tɩ y tõe n paam saag-sõng meng-menga,

1 Pɩyɛɛr 1:8

Baa ne yãmb sẽn nan ka yã a Zeezi Kirisã, yãmb nonga bãmba. Baa yãmb sẽn nan ka yã bãmbã, yãmb tẽeda bãmba, n maand sũ-noog noor sẽn ka tõe n togse, la sẽn tar ziiri.

1 Sãmwɛlle 1:18

A Ãnd leokame n yeele: «Bɩ y maan y tʋmtʋmd-poakã neere.» La yẽnda loogame n tɩ rɩ la a yũ, la yẽnda nengã toeemame.