Rom Dãmba 14:10 - WẼNNAAM SEBRE 2014

¹⁰ La yaa bõe tɩ fo yẽ kaood f ba-biig bʋʋdo? Wall yaa bõe yĩng tɩ fo yẽ paoogd f ba-biiga? Tõnd fãa na n yalsa Wẽnnaam bʋʋd geerã taoore.

SEBR SÕNGO

¹⁰ Foo la a bõe n na n bʋ f to, foo la a bõe n na n sãbs f to? Wẽnd bal n na n kao d fãa bʋʋdo wala sẽn gʋlse:

KÃAB-PAALGÃ KOE-NOOGO

¹⁰ La yaa bõe tɩ fo yẽ kaood f ba-biig bʋʋdo? Wall yaa bõe yĩng tɩ fo yẽ paoogd f ba-biiga? Tõnd fãa na n yalsa Wẽnnaam bʋʋd geerã taoore.

Rom Dãmba 14:10 Iomraidhean Croise

Kowelɛt 11:9

Bi-bɩɩga, maan sũ-noog f bi-bɩɩlmã wakate, la f noog f sũur f bɩʋʋngã wakate, n tũ soay nins f sũurã sẽn date, la f ninã sẽn getã. La bɩ f bãng tɩ Wẽnnaam na n bʋʋ ne foom bõn-kãens fãa yĩnga.

Kowelɛt 12:14

Bala, Wẽnnaam na n bʋʋ tʋʋmã fãa bʋʋdo, la yɛl nins fãa sẽn dag n solgã, yel-sõama wã ne yel-wẽnsã bʋʋdo.

A Matiye Sõng 7:1

Da bʋ-y neb a taab bʋʋdo, tɩ b ra wa bʋ yãmb bʋʋd ye.

A Luk Sõng 18:9

A Zeezi leb n wẽe yel-bũn-kãngã neb kẽer yĩnga, b sẽn da tẽed tɩ b yaa tɩrse, la b paoogd neb a taabã yĩnga, n yeele:

A Luk Sõng 23:11

Erood ne a sodaasã paooga a Zeezi, n yaal-ba, n yeelg-b fu-neere, la a lebs-b a Pilat nengẽ.

A Zã Sõng 5:22

Sẽn paase, ba wã ka kaood ned baa a yembr bʋʋd ye, b basa bʋʋdã fãa ne Bi-riblã,

Tʋʋma 10:42

La a Zeezi kõo tõnd noor tɩ d moon nebã sʋk n kɩs kaset n yeel tɩ Wẽnnaam yãka bãmba, tɩ b na n kao nin-vɩɩse, la kũum bʋʋdo.

Tʋʋma 17:31

Bala, Wẽnnaam yãka raare, tɩ rao ning bãmb sẽn yãkã na n kao dũniyã fãa bʋʋd ne tɩrlem. La Wẽnnaam kõo nebã fãa bãnde, n vʋʋg rao-kãng n bas kũum n wilg tɩ yaa sɩda.

Tʋʋma 4:11

Wa gʋls sõamyã sẽn yetã, a Zeezi yaa: «Kugr ning yãmb a tãn-metbã sẽn dag n zãgsã, yaa kug-kãng n lebg roogã pãng kugri.»

Rom Dãmba 2:16

Daar ning Wẽnnaam sẽn na n kɩt t'a Zeezi Kiris kao nebã tʋʋm-solgdsã bʋʋd wa koe-noog ning mam sẽn moondã sẽn yetã, bõn-kãens na n pukame.

1 Korẽnt rãmba 4:5

Woto yĩnga, da kao-y bũmb baa fɩ bʋʋd tɩ wakatã nan ka ta ye, tɩ Zu-soabã waoong nan ka ta ye. Bãmb sã n wa, b na n puka bũmb ning sẽn solg lik pʋgẽ wã, la b na n kɩtame tɩ bũmb nins nebã sẽn dag n saag b sũyã pʋsẽ wã pugsi. Wakat-kãnga, Wẽnnaam n na n pẽg ned kam fãa.

2 Korẽnt rãmba 5:10

Bala, yaa tɩlɛ tɩ tõnd fãa yals Kiris bʋʋdã geer taoore, tɩ b keo ned kam fãa wa sẽn zems tʋʋm nins yẽ sẽn tʋmã yĩngã pʋgã. Sã n yaa tʋʋm-sõamyã wall tʋʋm-wẽnse.