Rom Dãmba 13:6 - WẼNNAAM SEBRE 2014

⁶ Yaa bõn-kãng yĩng me la yãmb yaood yaoodã. Bala, neb nins sẽn zãad nebã bee Wẽnnaam tʋʋmd pʋgẽ, bõn-kãng maaneg yĩnga.

SEBR SÕNGO

⁶ M sok n gese, y sẽn yaood yõor yaoodã, ka y sẽn ne tɩ segdame sɩda? Rẽ me la Wẽnd yãk neb tʋʋmd kãng yĩnga.

KÃAB-PAALGÃ KOE-NOOGO

⁶ Yaa bõn-kãng yĩng me la yãmb yaood yaoodã. Bala, neb nins sẽn zãad nebã bee Wẽnnaam tʋʋmd pʋgẽ, bõn-kãng maaneg yĩnga.

Rom Dãmba 13:6 Iomraidhean Croise

2 Sãmwɛlle 8:5

Siiri nebã yii Damaas n wa n na n sõng Soba rĩm a Adadezɛɛre, la a Davɩɩd kʋʋ Siiri neb tus pisi la a yiibu.

1 Kibayã 18:14

A Davɩɩd sooga Israyɛll soolmã fãa. Yẽnda rag n maanda sẽn zemse, la sẽn yaa tɩrg ne a soolmã nebã fãa.

Esdras 4:13

N-na! Bãng-y tɩ b sã n tõog n lebs n me tẽngã, la b maneg a lalsã n yiki, nin-bãmbã ka na n leb n sak n yao yaoodã, la b ka na n yao yõor-yãoodã, b ka na n yao sor zug yaoodã me ye. La sã n yaool n yɩ a woto, n-na, yãmb naamã pãng na n boogame.

Esdras 4:20

La hal pĩnda, rĩm-dãmb sẽn tall pãens n sɩd zĩnd Zeruzalɛm tẽngã, n soog tẽms nins fãa sẽn be Efrat kʋɩlgã rʋʋndã, la b rag n deesda yaoodo, la yõor-yaoodo, ne sor zug yaoodo.

Esdras 6:8

Ad mam sẽn kõt yãmb noor tɩ y maan bũmb ninga: ‹Mam datame tɩ y sõng Zʋʋda kãsem-dãmbã b Wẽnnaamã roog meeb pʋgẽ. La yaa yõor-yaood ning b sẽn deeg kʋɩlgã rʋʋnd n wa yao rĩmã, la yãmb na n yãk n yao nin-bãmbã, tɩ tʋʋmdã ra tol n yals ye.›

A Neemi 5:4

Neb a taab me rag n yetame: «Tõnd sã n dat n yao rĩmã yaoodã, rẽndame tɩ tõnd rɩk d pʋtã ne d reezẽ tɩɩs pʋtã n tɩ gãneg n deeg ligd n wa yao.

A Luk Sõng 23:2

B sɩngame n dõd a Zeezi n yeel yaa: Tõnd yãnda rao-kãngã t'a rãmbd tõnd tẽngã n yetẽ tɩ b ra yao a rĩm a Sezaar yõor yaood ye. La a yetẽ tɩ yẽnda menga yaa Kirisã, la rĩmã.

Rom Dãmba 12:8

Ned ning sẽn sagend nebã, bɩ a wɩng ne saglgo. Ned sã n yaa kõata, bɩ a kõ ne sik-m-menga. Sẽn yaa-a taoor soaba, bɩ a maan a tʋʋmd ne a sũur fãa. Sẽn yaa-a nimbãan-zoɛta, bɩ yɩ ne sũ-noogo.

Rom Dãmba 13:5

Dẽ wã yĩnga, nebã tog n saka noore, sũ-yikr‑kãng yĩnga, la ka rẽ yĩng bal ye, yaa sũur kaset yĩng me.

Rom Dãmba 13:7

Kɩs-y ned fãa bũmb ning y sẽn tog n kɩs-a: Kɩs-y sẽn tog n deeg-a yaoodã yaoodo, la y kɩs sẽn tog n deeg-a yõor yaoodã yõor yaoodo, la y zoe ned ning y sẽn tog n zoe wã, la y waoog ned ning y sẽn tog n waooge.