Rom Dãmba 13:11 - WẼNNAAM SEBRE 2014

¹¹ Yãmb sẽn mi wakat ning tõnd sẽn be wã, moasã yaa wakat tɩ y nek n bas gõeem. Bala, fãagrã pẽe ne tõnd moasã n yɩɩd wakat ning tõnd sẽn lebg Kiris tẽedbã.

SEBR SÕNGO

¹¹ Y mii tõnd sẽn vɩ zamaan ning pʋgẽ. Ad-y gõeema nekr taame, fãagra pẽneg-d la marsã n yɩɩd d sẽn paam tẽeba wakato.

KÃAB-PAALGÃ KOE-NOOGO

¹¹ Yãmb sẽn mi wakat ning tõnd sẽn be wã, moasã yaa wakat tɩ y nek n bas gõeem. Bala, fãagrã pẽe ne tõnd moasã n yɩɩd wakat ning tõnd sẽn lebg tẽedbã.

Rom Dãmba 13:11 Iomraidhean Croise

Kowelɛt 9:10

Bũmb ning fo nug sẽn tõe n maan ne fo pãngã, bɩ f maan-a. Bala, tʋʋmde, tagsgo, la bãngr ne yam ka be kɩɩm-kulgu, zĩig ning fo sẽn dabdẽ wã ye.

A Zonaase 1:6

Dẽ, koom koglgã taoor soab kolga a Zonaas n sok-a yaa: «Yaa bõe tɩ f gãe n gõe? Fo me yik n bool f Wẽnnaamã, tɩ tõe tɩ b zoe d nimbãanega, tɩ d da ki ye.»

A Matiye Sõng 16:3

La yibeoogo, yãmb yetame tɩ saag na n nii rũndã, bala yĩngr yaa miu-sablga. Yãmb mii yĩngr yɛl bilsgu, n yaool n ka tõe n bãng bãn sẽn wilgd wakatã yɛlã ye.

A Luk Sõng 21:28

La bõn-kãens sã n sɩng n watẽ, bɩ y roog la y nak n gese, bala, yãmb fãagrã kolgame.

1 Korẽnt rãmba 10:11

Bõn-kãens paama bãmba, tɩ yɩ mamsgo, la b gʋlsame n na n keoog tõnd dãmb sẽn mi tɩ wakatã taa a saabã.

1 Korẽnt rãmba 15:34

Teem-y nao-kẽndre, n kẽn wa nin-tɩrse, la y ra maan yel-wẽn ye. Yaa yãmb yãnde, la mam yetame tɩ yãmb neb kẽer ka mi Wẽnnaam ye.

Efɛɛz Rãmba 5:14

Yaa woto yĩng n kɩt tɩ b yeel yaa: Foom! Sẽn gõe-a wã, neke! Yik n yi kũumã sʋka, la Kiris na kõ foom vẽenem sẽn kõt vɩɩm.

Zake 5:8

Bɩ yãmb me maan sũ-mare, n keng y raoodo, bala, Zu-soabã waoong kolgame.

1 Pɩyɛɛr 4:7

Bũmb fãa sɛɛb wakat kolgame. Dẽ wã yĩnga, yɩ-y neb sẽn tar yam la gũus-m-mens-rãmba, n kẽng taoor ne pʋʋsgo.

2 Pɩyɛɛr 3:11

Rẽ wã yĩnga, bõn-kãensã fãa sẽn na n wa n yẽnegã yĩnga, ges-y tɩ yãmb yel-manesmã ne y Wẽnnaamã tũub yɩ sõama!

2 Pɩyɛɛr 3:9

Wẽnnaam ka basd tɩ bãmb sẽn kãabã kaoos n pids wa neb kẽer sẽn tagsdã ye. La yaa tɩ bãmb maanda sũ-mar ne yãmba, b sẽn ka rat tɩ ned baa a yembr sãama yĩnga. Bãmb ratem yaa tɩ yãmb fãa tek yam n kos sugri.

1 Zã 2:18

Mam kom-bãoonego, moasã yaa yaoolem wakate. Wa yãmb sẽn dag n wʋm tɩ Kiris kɩɩsd n watã, ad Kiris kɩɩsdb wʋsg n be moasã. Rẽ kɩtame tɩ tõnd miẽ tɩ yaa yaoolem wakate.

Vẽnegre 1:3

Bark bee neb nins sẽn karemd pĩnd-n-bãngr gom-kãensã wã zutu, la neb nins sẽn kelgdã, la b sakd bũmb nins sẽn gʋls tɩ be a pʋgẽ wã zutu. Bala wakatã kolgame.

Vẽnegre 22:10

Dẽ poore malɛɛkã yeela maam yaa: Da solg seb-kãngã pĩnd-n-bãngr goamã ye! Bala, b pidsgã wakat kolgame.

Vẽnegre 22:12

A Zeezi yeelame: Gese, bilf bal sã n paase, mam na n waame, la mam zãada keoor n watẽ n na n keo ned kam fãa wa sẽn zems a tʋʋmde.

Vẽnegre 22:20

Ned ning sẽn kɩt-a bõn-kãensã kasetã yetame yaa: «N-yẽe, sã n yɩ bilf bala, mam na n waame.» Ãmina! Zu-soab a Zeezi, wa-y-yã!