Rom Dãmba 12:8 - WẼNNAAM SEBRE 2014

⁸ Ned ning sẽn sagend nebã, bɩ a wɩng ne saglgo. Ned sã n yaa kõata, bɩ a kõ ne sik-m-menga. Sẽn yaa-a taoor soaba, bɩ a maan a tʋʋmd ne a sũur fãa. Sẽn yaa-a nimbãan-zoɛta, bɩ yɩ ne sũ-noogo.

SEBR SÕNGO

⁸ sã n ya taab saglgo, bɩ d sagl. Sẽn kõt-a kõ n da geel ye; sẽn deeg-a kãsengo maan moadg, sẽn kũmda a taab nimbãaneg yõgem a noore.

KÃAB-PAALGÃ KOE-NOOGO

⁸ Ned ning sẽn sagend nebã, bɩ a wɩng ne saglgo. Ned sã n ya kõata, bɩ a kõ ne sik-m-menga. Sẽn yaa-a taoor soaba, bɩ a maan a tʋʋmd ne a sũur fãa. Sẽn yaa-a nimbãan-zoɛta, bɩ yɩ ne sũ-noogo.

Rom Dãmba 12:8 Iomraidhean Croise

Sɩngrẽ 18:19

Bala, mam yãka yẽnda t'a wilg a kambã ne a yagensã sẽn na n pʋgl yẽnda n wa wã, tɩ b tũ Sẽn-Ka-Saab sore, la b maan sẽn yaa tɩrga la sẽn zemse. Woto, Sẽn-Ka-Saab na n pidsa bũmb ning bãmb sẽn dag n gom a Abrahaam wɛɛngẽ wã n kõ-a.»

Yɩɩn‑sõamyã 112:9

Yẽnda yãkda a paoong n kõt naong rãmba. Yẽnda tɩrlem paada wakat fãa. Yẽnda pãngã paasda ne ziiri.

Yɩɩn‑sõamyã 37:21

Nin-wẽng pengdame n ka lebsdẽ ye, la nin-tɩrg zoeta nimbãaneg n kõtẽ.

Yelbũna 22:9

Maan-neer soab na n paama barka, bala, yẽnda rɩkda a rɩɩb n dɩlgd naong rãmba.

Kowelɛt 11:6

Bʋd f bõn-buud yibeoogo, la f ra bas f nus tɩ yɩ zaalem zaabr ye. Bala, fo ka mi bõn-buud ning sẽn na n sake, wall a yiibã fãa sã n na n yɩɩ sõama ye.

Kowelɛt 9:10

Bũmb ning fo nug sẽn tõe n maan ne fo pãngã, bɩ f maan-a. Bala, tʋʋmde, tagsgo, la bãngr ne yam ka be kɩɩm-kulgu, zĩig ning fo sẽn dabdẽ wã ye.

A Ezayi 32:5

B kõn leb n bool yalem tɩ nin-sõng ye. La b kõn bool zɩtbã tɩ nin-sõamyã ye.

A Ezayi 32:8

La nin-sõng saagda saag-sõmyã, la a ka basd saag-sõmyã tɩ vaal ye.

A Ezayi 64:5

Tõnd fãa lebga neb sẽn yaa rẽgdo, la tõnd sẽn maand d tɩrlem tʋʋmã fãa wẽnda fu-rẽgdo. Tõnd fãa zelga wa vãad sẽn ki, tɩ tõnd kongrã kãagd tõnd wa sebgo.

A Matiye Sõng 25:40

Dẽ, Rĩma na n leoka bãmba: «Sɩd-sɩda, mam yeta yãmb tɩ wakat ning fãa yãmb sẽn maan bõn-kãens kom-kãensã sẽn yaa bõoneg n yɩɩda, la b ya mam ba-biisã, yaa maam la yãmb maan yã.»

Tʋʋma 11:23

La yẽnda sẽn ta n yãnd Wẽnnaam sẽn ning tẽedbã bark to-to wã, a sũurã yɩɩ noogo. La a paasa b fãa raood n yet tɩ b kell n tũ Zu-soabã ne b sũyã fãa n da bas ye.

Tʋʋma 13:12

Dẽ, guvɛrneerã sẽn yã bũmb ning sẽn maanã, a tẽeme. Bala, Zu-soabã zãmsgã wɛɛngẽ wã yɛɛsa yẽnda.»

Tʋʋma 13:15

La b sẽn karem tõogã ne Wẽnnaam no-rɛɛsdbã sɛbã n sɛ, karen-doogã nanambs tʋma neb tɩ b yeel a Poll dãmb yaa: Ba-biisi, yãmb sã n tara koɛɛg n na n gom ne nebã n paas-b raoodo, yãmb tõe n gomame moasã.

Tʋʋma 15:32

A Zʋʋd ne a Sɩlaas mens sẽn dag n yaa Wẽnnaam no-rɛɛsdbã, b goma ne ba-biisã n kaoose, n paas-b raood la pãnga.

Tʋʋma 20:2

Yẽnda pɩʋʋga zĩig‑zĩig soolem‑kãng pʋg n sagl karen-biisã wʋsgo, n yaool n kẽng Gɛrs tẽnga.

Tʋʋma 20:28

Dẽ wã, gũus-y y mense, la y ges piis nins fãa Sɩɩg-sõng sẽn kõ-y tɩ y gũ wã yelle. Rɩlg-y Zu-soabã tẽedbã b sẽn da ne b biigã zɩɩmã.

Tʋʋma 4:36

La a Zozɛfe, tẽn-tʋmdbã sẽn pʋd a soab yʋʋr t'a Barnabaas sẽn dat n togs tɩ ned sẽn belsd a taaba. Yẽnda yaa Leevi buudu la a yita Sɩpre.

Rom Dãmba 12:13

Sõng-y nin-tũusdsã sẽn dat sõngrã. Mao-y n maand-y sãambã sãando.

Rom Dãmba 13:6

Yaa bõn-kãng yĩng me la yãmb yaood yaoodã. Bala, neb nins sẽn zãad nebã bee Wẽnnaam tʋʋmd pʋgẽ, bõn-kãng maaneg yĩnga.

1 Korẽnt rãmba 12:28

Wẽnnaam ninga neb b roogẽ wã: pipi rãmb yaa tẽn-tʋmdbã, tɩ Wẽnnaam no-rɛɛsdbã ya yiib rãmba, tɩ karen-saam-dãmbã ya tãab rãmba. Rẽ poore, bõn-bãn maaneg kũun n be, tɩ maagr kũuni, sõngr kũuni, lʋɩ neb taoor kũuni, gom-zẽn buud toay-toay kũun n pʋgda.

1 Korẽnt rãmba 14:3

La sẽn togsd-a pĩnd-n-bãngr goam gomda ne ninsaalbã, n bɩɩsd-ba, n sagend-ba, n belsd-ba.

2 Korẽnt rãmba 1:12

Bala, bũmb ning sẽn kõt tõnd sũ-noogã, yaa tõnd sũ-bãngrã sẽn kɩt kaset tɩ dũni wã neb sʋka, tõnd kẽna ne sõmblem la pʋ-peelem sẽn yit Wẽnnaam nengẽ wã yĩnga, la d kẽna yãmb sʋk a woto n yɩɩda. La ka yɩ ne ninsaal yam ye, yaa ne Wẽnnaam barkã la d maan woto.

2 Korẽnt rãmba 11:3

La baoosgo, a wa waafã sẽn maan sɩlem n zãmb a Awa wã, mam yɛɛsdame tɩ yãmb yam na n wa wẽnemd n lebg wẽng n kɩt tɩ y bas y sõmblmã ne y pʋ-peelmã y sẽn tar Kiris yĩngã ye.

2 Korẽnt rãmba 8:12

Bala, ned sã n tar datem tɩ kõ wa sẽn zems yẽ sẽn tar bũmb ningã, a tata Wẽnnaam yam n yɩɩd yẽnda sẽn na n dat n kõ bũmb ning yẽnda sẽn ka tarã.

2 Korẽnt rãmba 9:11

Woto, yãmb na paam arzegs bũmb fãa pʋgẽ, n yãk tɩ yɩ nonglem kũuni tɩ neb wʋsg na pʋʋs Wẽnnaam barka, kũunã tõnd sẽn kõ-bã yĩnga.

2 Korẽnt rãmba 9:13

Bãmb sã n paam sõng-kãngã, b na n pẽga Wẽnnaam, yãmb sẽn sak n kɩs Kiris koe-noogã kaseto, la yãmb sẽn kõ kũun wʋsg bãmb yĩnga, la nebã fãa yĩngã.

2 Korẽnt rãmba 9:7

Bɩ ned kam fãa kõ wa sẽn zems a sẽn yãk yam a sũur pʋgẽ, la ra yɩ ne nen-gãneng wall modgr ye. Bala, Wẽnnaam nonga ned ning sẽn kõt ne sũ-noogo.

Efɛɛz Rãmba 6:5

Tʋmtʋmdba, sak-y sẽn so-b yãmb dũni ka wã ne y sũur fãa, ne rabeem la rigbu, wa yãmb sẽn sakd Kirisã,

Yaoolem 15:14

Yãk rũm-bãooneg ne bõn-koaadla, la bũmb ning sẽn be fo reezẽ rãam wẽkr zĩigẽ wã, n kõ-a wa sẽn zems bark ning Sẽn-Ka-Saab sẽn kõ foomã.

Yaoolem 16:11

Maan-y sũ-noog Sẽn-Ka-Saab sẽn yaa yãmb Wẽnnaamã yĩnga, bɩ yãmb ne y kom-dibli wã la y kom-pugli wã ne y yem-daadã, la y yem-pogsã ne a Leevi buudã neb nins sẽn be yãmb tẽmsã pʋsẽ wã, la sãambã ne kɩɩbsã la pʋg-kõap nins sẽn be yãmb sʋkã, maan sũ-noog Sẽn-Ka-Saab sẽn yaa yãmb Wẽnnaamã taoore, zĩig ning bãmb sẽn na n yãk n ning b yʋʋrã.

Kolos Rãmba 3:22

Tʋmtʋmdba, sak-y y dũni zu-soben-dãmbã bũmb fãa pʋgẽ. Da sak-y bãmb b nifẽ bala, tɩ wẽnd wa yãmb baood n maana sẽn noom ninsaalb ye. Sak-y bãmb ne y sũyã fãa, Zu-soabã zoees pʋgẽ.

1Tesalonik Rãmba 2:3

Sagls nins tõnd sẽn sagl yãmbã ka yɩ tudgri, bɩ tags-rẽgd pʋgẽ, wall ne sɩlem ye.

1Tesalonik Rãmba 2:8

tõnd da nongẽ lame n kõ yãmb Wẽnnaam koe-noogã ne nonglem. La ka rẽ bal ye. Tõnd da nongẽ n kõo d vɩɩmã me yãmb yĩnga, bala, yãmb lebga tõnd nin-nongdse.

1 Tɩmote 4:13

Wɩng ne sɛbã kaoreng nebã sʋka, la saglgo, la zãmsgo hal tɩ m wa.

1 Tɩmote 5:17

Taoor dãmb nins sẽn get wẽnd doogã tʋʋm yell neerã tog n paama waoogr n yɩɩda, la sẽn yɩɩd fãa, yaa neb nins sẽn wɩngd ne koe-moonego la ne zãmsgã.

1 Tɩmote 6:18

Bɩ b maan neere, la bɩ b yɩ neb sẽn maand tʋʋm-sõamy wʋsgo, la b yɩ neb sẽn kõte, la sẽn nong n pʋɩ b sẽn tarã ne neb a taaba.

Ebre rãmba 10:25

Bɩ d da bas d wẽnd doogã wa neb kẽer sẽn minim n maandẽ wã ye. Bɩ d sagl taaba, n sagl taab n yɩɩda, yãmb sẽn ne tɩ daarã kolgdame wã yĩnga.

Ebre rãmba 13:17

Sak-y yãmb taoor dãmbã noore, la y sakd-ba. Bala, bãmb geta yãmb sɩɩsã yelle, bãmb sẽn na n gom b yell Wẽnnaam taoorã yĩnga. Maan-y y sẽn tõe tɩ b na ges y yell ne sũ-noogo, la ka ne wõosg tɩ rẽ ka na n zĩnd yõod ne yãmb ye.

Ebre rãmba 13:22

M ba-biisi, mam kota yãmb tɩ y sak n deeg saglg gom-kãngã, bala mam gʋlsa yãmb seb-koɛɛga.

Ebre rãmba 13:24

Pʋʋs-y y taoor dãmbã fãa me ne nin-sõamyã fãa. Itali rãmbã pʋʋsda yãmba.

Ebre rãmba 13:7

Tẽeg-y yãmb taoor dãmbã, sẽn moon-b yãmb Wẽnnaam goamã yelle. Ges-y bãmb vɩɩmã sẽn baas to-to, la y maan togs-n-taar ne b tẽebã.