Rom Dãmba 12:19 - WẼNNAAM SEBRE 2014

¹⁹ M zo-nongdse, da rok-y y sũy y toor ye. Bas-y tɩ sũ-yikrã maan a tʋʋmde. Bala, b gʋlsame yaa: Zu-soabã yetame tɩ sũ-dokr yaa bãmb n so, la yaa bãmb n na n keo nebã.

SEBR SÕNGO

¹⁹ Da kõ-y y meng bʋʋm ye, bas yã, m kom-sõma, tɩ b rɩ beem ne-yã, tɩ gʋlsa woto: Yaa maam n na n kao bʋʋdo, yaa maam n na n kõ rolbo.

KÃAB-PAALGÃ KOE-NOOGO

¹⁹ M zo-nongdse, da rok-y y sũy y toor ye. Bas-y tɩ sũ-yikrã maan a tʋʋmde. Bala, b gʋlsame yaa: Zu-soabã yetame tɩ sũ-dokr yaa bãmb n so, la yaa bãmb n na n keo nebã.

Rom Dãmba 12:19 Iomraidhean Croise

Yelbũna 20:22

Da yeel tɩ f na n maana wẽng n lebs wẽng ye. Teeg Sẽn-Ka-Saab tɩ b na n fãaga foom.

Yelbũna 24:29

Da saag n yeele: «A zagl sẽn maan maam to-to wã, m na n maan-a-la woto me n lebs ye. Bala, mam na n dola ned kam fãa wa sẽn zems-a tʋʋmde.»

Zeremi 51:36

Woto yĩnga, Sẽn-Ka-Saab yetame: «Mam na n zaba fo zabre, mam na n doka fo sũuri. Mam na n kʋɩɩsa Babilond ko-kãsengã ne a ko-bundsã.

Ezekiyɛl 25:12

Zu-soab a Sẽn-Ka-Saab yetame: «Edom nebã sẽn dok b sũur ne Zʋʋda buudã yĩnga, bãmb ninga b meng taale.

Maan‑kʋʋre 19:18

Ra rok f sũuri ye, la f ra tall sũur ne f tẽngã ned ye. Nong f to wa f menga. Mam yaa Sẽn-Ka-Saabo.

A Matiye Sõng 5:39

La mam yeta yãmb tɩ y ra rok y sũur ne ned sẽn maand yãmb wẽng ye. Ned sã n wẽ fo rɩtg yɛgdgã pɛk bɩ f wẽnemd a to wã me n kɩs-a.

Rom Dãmba 12:14

Ning-y neb nins sẽn namsd yãmbã zut barka. Ning-y bark la y ra kãab-b wẽng ye.

Rom Dãmba 12:17

Da lebs-y ned baa a ye wẽng wẽng yĩng ye. Bao-y bũmb nins sẽn yaa sõama nebã fãa nifẽ wã.

Rom Dãmba 13:4

Bala, a tʋmda Wẽnnaam tʋʋmde, fo sõngr yĩnga. La fo sã n maan wẽnga, maan dabeem. Bala, a sẽn zãad zabr sʋʋgã ka zaalem ye. A tʋmda Wẽnnaam yĩnga, n wilg ned ning sẽn maand wẽngã Wẽnnaam sũ-dokre, la b sũ-yikri.

Efɛɛz Rãmba 4:27

Da kõ-y-yã a Sʋtãan weer ye.

Yaoolem 32:35

Bãmb sã n saad n yuusdẽ, sũ-dokr bee ne maam, tɩ m na n dol ned kam fãa! Bala, bãmb sãoong daar kolgame. Bũmb ning sẽn segl bãmb yĩngã wata tao-tao.

Yaoolem 32:43

Bu-zẽmse, pẽg-y bãmb nebã. Bala, Sẽn-Ka-Saab rokda b sũur b tʋmtʋmdbã zɩɩm daagr yĩnga. Bãmb dokda b sũur ne b bɛɛbã. La bãmb na n yɩlga b tẽngã ne b nebã.

1Tesalonik Rãmba 4:6

Tɩ ned da maan a to zãmb wall a wẽg-a yel-kãng pʋgẽ ye. Tõnd zoe n yeela yãmb tɩ Zu-soabã kaooda bõn-kãens bʋʋdo.

2 Tɩmote 4:14

Yõak a Alegsãndr maana maam wẽng wʋsgo. Zu-soabã na n lebs-a-la a tʋʋm yaoodo.

Ebre rãmba 10:30

Bala, tõnd mii soab ning sẽn yeel-a tɩ: Sũ-dokr yaa bãmb n so la bãmb n na n keo wã. B leb n yeelame tɩ: Zu-soabã na n bʋʋ b nebã bʋʋdo.

1 Sãmwɛlle 25:26

La moasã, m soaala, mam wẽenda ne Sẽn-Ka-Saab sẽn vɩ wã, la ne yãmb me, tɩ yaa Sẽn-Ka-Saab n gɩdg yãmb tɩ y ra raag zɩɩm, n bao tɩ fãag y meng ye. Bɩ yãmb bɛɛbã ne neb nins sẽn dat-b yãmb ne wẽnga lebg wa a Naballe.

1 Sãmwɛlle 25:33

Mam pẽgda fo yamã, bɩ f paam barka, fo sẽn gɩdg maam tɩ m ka raag ned zɩɩm n bao m meng fãagrã yĩnga.

1 Sãmwɛlle 26:10

La a Davɩɩd yeelame: «Mam wẽenda ne Sẽn-Ka-Saabo, tɩ yaa Sẽn-Ka-Saab bal n na n yãk yam ne a sẽn na n ki to-to, tõe n yɩ a daar n ta, wall a kẽnga zabr n tɩ pa tãpẽ.

1 Sãmwɛlle 26:11

Abada! Bɩ Sẽn-Ka-Saab sõng-m tɩ nug ra sɩɩs soab ning bãmb sẽn yãkã ye. M kotame tɩ y rɩk b kãndã sẽn yeg b zugã ne b lɩngã bal n looge.»