Rom Dãmba 12:13 - WẼNNAAM SEBRE 2014

¹³ Sõng-y nin-tũusdsã sẽn dat sõngrã. Mao-y n maand-y sãambã sãando.

SEBR SÕNGO

¹³ nin-sõma wã yell gesg yɩ y tʋʋmd pakre, la sãamba fãa paam y gãag-sobendo.

KÃAB-PAALGÃ KOE-NOOGO

¹³ Sõng-y nin-tũusdsã sẽn dat sõngrã. Mao-y n maand-y sãambã sãando.

Rom Dãmba 12:13 Iomraidhean Croise

2 Sãmwɛlle 17:29

sɩɩdo, piis bĩis-gõeem, ne niig bĩis-kaam, n tɩ kõ a Davɩɩd ne neb nins sẽn be ne bãmbã tɩ b rɩ. Bala bãmb dag n miime tɩ kom, ne yaamse la ko-yũud n dag n tar bãmb we-raoogã pʋgẽ.

2 Rĩm-dãmba 4:10

Dẽ wã, wa-y tɩ d me ro-bil doogã zugu, n ning gãaga, la taable, ne goeele, n paas fɩtl doagendga. Woto, a sã n mi n wa sig tõndo, a tõe n kẽe beenẽ.»

Yɩɩn‑sõamyã 41:1

A Davɩɩd yɩɩlle, yɩɩlã naab yĩnga.

Yelbũna 31:20

Yẽnda sõngda naong rãmba, la a kõt nimbãan-dãmba.

A Matiye Sõng 25:35

Bala, kom yõka maam, la yãmb kõo maam dɩɩb tɩ m dɩ. Ko-yũud yõka maam, la yãmb kõo maam koom tɩ m yũ. Mam dag n yaa sãana, la yãmb sika maam y yiri.

Tʋʋma 10:4

La yẽnda gesa malɛɛkã ne rabeem n yeel-a yaa: Yaa a wãna m Zu-soaba? Malɛɛkã yeel-a lame yaa: Fo pʋʋsgã, ne f sẽn sõngd naong rãmbã zẽk n taa Wẽnnaam, la b ka yĩm f yell ye.

Tʋʋma 4:35

La b kɩta tẽn-tʋmdbã ligdã, la b pʋɩta ligdã tɩ ned kam fãa paam sẽn zems a sõngre.

Rom Dãmba 12:8

Ned ning sẽn sagend nebã, bɩ a wɩng ne saglgo. Ned sã n yaa kõata, bɩ a kõ ne sik-m-menga. Sẽn yaa-a taoor soaba, bɩ a maan a tʋʋmd ne a sũur fãa. Sẽn yaa-a nimbãan-zoɛta, bɩ yɩ ne sũ-noogo.

1 Korẽnt rãmba 16:15

M ba-biisi, bũmb a yembr la mam leb n dat n yeel yãmb tɩ y maane. Yãmb miime t'a Ɛstefanas zaka rãmb n yɩ pipi tẽedb Akayi soolmã pʋga, la tɩ b tʋmdame n sõngd Kiris tẽedbã.

2 Korẽnt rãmba 9:1

Ka tɩlɛ tɩ mam gʋls yãmb sõngr ning sẽn tog n kõ Kiris tẽedbã wɛɛngẽ ye.

2 Korẽnt rãmba 9:12

Bala, ka Wẽnnaam nebã bal la nonglem kũun‑kãngã na n sõng ye. A na n kɩtame tɩ neb wʋsg pʋʋs Wẽnnaam barka.

Galat Rãmba 6:10

Woto yĩnga, tõnd sẽn paam weer ning fãa, bɩ d maan nebã fãa neere, la sẽn yɩɩd fãa yaa tẽeb pʋgẽ ba-biisã.

1 Tɩmote 3:2

Dẽ yĩnga, yaa tɩlɛ tɩ karen-saamb yɩ ned sẽn ka tar rõadga, pʋg-yend sɩda, ned sẽn gũusd ne a yel-manesem, sẽn tar yam n tõe n tagse, ned sẽn zems waoogre, sẽn maand sãamba sãando, ned sẽn tõe n zãms neb a taaba.

1 Tɩmote 5:10

tɩ nebã fãa miẽ t'a wuba kamba, n maan sãambã sãando, n pegs nin-sõamyã nao wã, la a sõng neb nins sẽn be yel-pakr pʋgẽ wã, la a bao tɩ maan tʋʋm-sõng buudã fãa.

A Titi 1:8

Yẽnda tog n yɩɩ ned sẽn maand sãamba sãando la a yɩ maan-neer zoa, la a yɩ ned sẽn tagsd sõama, la a ya nin-tɩrga la pʋ-peelem soaba la tõog-m-meng soaba.

A Titi 3:14

Tõnd nebã me tog n zãmsame tɩ maan tʋʋm-sõamyã n tõog n sõng ne yɛl sẽn dat manegr tao-tao, tɩ bãmb da yɩ neb sẽn ka wat ne baa fɩ ye.

A Fɩlmo 1:7

Ba-biiga, mam paama sũ-no-kãsenga ne belsgo, fo nonglmã yĩnga, bala, fo yĩnga, Wẽnnaam nebã sũy paama belsgo.

Ebre rãmba 13:16

Baoosgo, da yĩm-y maan-neer la kũun ye, bala yaa maand a woto buud la Wẽnnaam nonga.

Ebre rãmba 13:2

Da yĩm-y tɩ maan sãambã sãand ye. Bala, neb kẽer sẽn maan woto, b reega malegs b zagsẽ n ka bãng ye.

Ebre rãmba 6:10

Bala, Wẽnnaam ka ka-tɩrlem soaba, n na n yĩm yãmb tʋʋm sõamyã, wall nonglem ning yãmb sẽn wilg Wẽnnaam yʋʋrã yĩnga, ne tʋʋm nins yãmb sẽn maan nin-sõamyã wã yĩng n ket n maandẽ wã ye.

1 Pɩyɛɛr 4:9

Maan-y taab sãando, tɩ yẽgeng kaẽ ye.

1 Zã 3:17

Ned sã n tar dũni arzegse, n neẽ t'a ba-biig rat sõngre, tɩ yẽnda ka zoe a nimbãaneg n sõng-a, yẽnda na n yɩɩ a wãn yeel t'a nonga Wẽnnaam?

3 Zã 1:5

Mam zo-nongre, bũmb ning fo sẽn maand ba-biisã yĩngã, fo maanda ne sɩda, baa ne ba-bi-sãamsã.