Rom Dãmba 11:16 - WẼNNAAM SEBRE 2014

¹⁶ La dẽenem biisã sã n welga toor Wẽnnaam yĩnga, zom-nagdgã me welga toore. La yẽgrã sã n welga toor Wẽnnaam yĩnga, wilã me yaa a woto.

SEBR SÕNGO

¹⁶ Kood dẽeng zom sẽn yãk n kõ Wẽnd sã n ket n ya sõmbo, bura zãng na n yɩɩ sõngo. Tɩɩga yẽgend sã n ya sõngo, wila me yɩta sõmbo.

KÃAB-PAALGÃ KOE-NOOGO

¹⁶ La dẽenem biisã sã n welga toor Wẽnnaam yĩnga, zom nagdgã me welga toore. La yẽgrã sã n welga toor Wẽnnaam yĩnga, wilã me yaa a woto.

Rom Dãmba 11:16 Iomraidhean Croise

Sɩngrẽ 17:7

Mam na n vigla m kaoolã ne foom, la ne fo yagensã sẽn na n wa pʋgl foom n wa wã, zamaan woo zamaane. Na n yɩɩ kaool sẽn paad wakat sẽn kõn sa. Woto yaa sẽn wilgd tɩ mam na n yɩɩ foom ne f yagensã sẽn na n wa fo loogr zugẽ wã Wẽnnaam.

Yikri 22:29

La bɩ f maan woto ne f rũm-bɛdã la f rũm-bãoonegã me. Rũm-dẽeng tog n paa ne a ma rasem a yopoe. La rasem a nii wã daare, bɩ f tall-a n wa kõ maam.

Yikri 23:16

Maan f tʋʋmdã dẽenem biisã fo sẽn bʋd f pʋʋgẽ wã tigri. La f maan tigsg tigr sɩpaolgo, wakat ning fo sẽn wʋk f bõn-koaadlã biis n wa yirã.

Yikri 23:19

Tall fo dẽenem biisã n wa Sẽn-Ka-Saab sẽn yaa fo Wẽnnaamã roogẽ. Da rʋg-y bull a ma bĩisim pʋg ye.»

Yelbũna 3:9

Waoog Sẽn-Ka-Saab ne f paoongo, la f koodã dẽenem biisi.

Zeremi 2:21

Mam dag n sela yãmb tɩ y yaa wa reezẽ tɩ-sõngo, la wa tɩɩg sẽn yaa sõama hal wʋsgo. La maana a wãn tɩ yãmb tek n lebg wa reezẽ tɩɩg sẽn ka leb n yaa sõama?

Ezekiyɛl 44:30

Bõn-koaadl buudã fãa dẽenem biisi, la yãmb sẽn na n yãk bũmb ning fãa mam yĩng yaa maan-kʋʋdbã n so. Yãk-y zom-nagdgã me dẽenem pʋɩɩr n kõ maan-kʋʋdã tɩ barkã tõe n sig y yiyã pʋse.

Maan‑kʋʋre 23:10

«Yeel Israyɛll nebã yaa: ‹Yãmb sã n tɩ kẽ tẽng ning mam sẽn kõ yãmbã pʋgẽ, n na n tigs y bõn-koaadlã, bɩ y yãk y koodã dẽenem biis ka-gĩn n wa kõ maan-kʋʋdã.

Rom Dãmba 11:17

La sã n yaa tɩ b kʋʋsa wil kẽere, n dɩk fo sẽn ya weoogẽ oliiv tɩɩgã n lebs n tong b zĩigẽ wã, tɩ fo paam lagem-n-taar ne oliiv tɩɩgã yẽg la a sũma,

Rom Dãmba 8:23

Sẽn yɩɩda, tõnd mensã sẽn zoe n paam Sɩɩgã reng-n-lɛmbgã, tõnd me wẽeda sir d pʋsẽ, n gũud wakat ning Wẽnnaam sẽn na n deeg tõnd n maan b kambã, la d gũud tɩ b yols tõnd yĩngã n baase.

1 Korẽnt rãmba 7:14

Bala, pagã kɩtame t'a sɩdã sẽn ka tẽedã lebg nin-sõngo, la d ba-bi-raoogã me kɩtdame t'a pagã sẽn ka tẽedã lebg nin-sõngo. Sã n ka rẽ, yãmb kambã na n yɩɩ bõn-dẽgdo, tɩ b yaool n yaa nin-sõamyã.

Yaoolem 18:4

Yãmb na n kõo bãmb y koodã, la y reezẽ rãamã, ne y kaamã dẽenem biisi, la rũm-bãooneg nins yãmb sẽn wõrs pipi wã kõbdo.

Yaoolem 26:10

La ade, Sẽn-Ka-Saabo, mam waa ne tẽn-gãongã dẽenem biis nins yãmb sẽn kõ maamã!» Dẽ, bɩ f tẽgen dẽenem biisã Sẽn-Ka-Saab sẽn yaa yãmb Wẽnnaamã taoor be, la f waoog-ba.

Zake 1:18

Bãmb n dog tõnd wa sẽn zems b raabo, sɩd-goamã maasem yĩnga, tɩ tõnd na lʋɩ bãmb bõn-naandsã fãa taoore.

Vẽnegre 14:4

Yaa neb nins sẽn ka rẽgem b mens ne pagbã, bala b ka sãam ye. Bãmb na n pʋgda pe-bilã n dabd zĩig ning fãa b sẽn dabdã. B raa bãmb n yiis nebã sʋka, tɩ b yɩ wa dẽenem biis Wẽnnaam ne pe-bilã yĩnga,