Rom Dãmba 10:18 - WẼNNAAM SEBRE 2014

¹⁸ La mam sokdame tɩ b ka wʋm la? B wʋm yã! Bãmb koɛɛg saaga tẽn-tõrã, la bãmb goamã taa dũni tɛk fãa.

SEBR SÕNGO

¹⁸ Bas-y tɩ m sok n gese, y tẽedame tɩ koɛɛga la b pa wʋme? Mooga tõr wʋma b rãamde la b gomda taa mooga yaanga.

KÃAB-PAALGÃ KOE-NOOGO

¹⁸ La mam sokdame tɩ b ka wʋm laa? B wʋm-yã! Bãmb koɛɛg saaga tẽn-tõrã, la bãmb goamã taa dũni tɛk fãa.

Rom Dãmba 10:18 Iomraidhean Croise

1 Rĩm-dãmbã 18:10

M wẽenda ne Sẽn-Ka-Saab sẽn yaa yãmb Wẽnnaamã sẽn vɩ wã, tɩ zĩiga, bɩ soolem ka be mam soaal a Akaab sẽn ka tʋm tɩ b tɩ gẽes yãmb ye. La nebã sã n yeel tɩ yãmb ka be beenẽ, rĩmã kɩtdame tɩ tẽngã bɩ soolmã nin-kãensã wẽene, n yeel tɩ b sɩd ka yãnd yãmb ye.

Yɩɩn‑sõamyã 19:4

Ka ne noor goamã ye, leb n ka ne gom-biis me ye. Ned ka wʋmd bãmb koɛɛg rãamd ye.

Yɩɩn‑sõamyã 22:27

Naong rãmbã na n dɩɩ n tɩgame. Sẽn baood-b Sẽn-Ka-Saabã na n pẽga bãmba. Bɩ bãmb vɩɩmd wakat sẽn ka sɛta!

Yɩɩn‑sõamyã 98:3

Bãmb tẽega b nonglmã ne b pʋ-peelmã b sẽn tar Israyɛll nebã yĩngã yelle. La dũniyã gill fãa yãnda tõnd Wẽnnaamã fãagre.

A Ezayi 24:16

Tõnd wʋmda yɩɩl sẽn yit dũniyã kɩrems fãa n yetẽ: «Bɩ tɩrlem soabã reeg ziiri!» La mam yetame: «Mam menemame! Mam menemame! Ad yaa toog mam yĩnga! Zãmb dãmbã zãmbdame. Lebga zãmbgo! Zãmb dãmbã zãmbdame.

A Ezayi 49:6

Bãmb yeela maam: «Mam sẽn yãk foom tɩ f yɩ mam tʋmtʋmdã nan ka baa fɩ ye, mam yãka foom tɩ f leb n yik a Zakoob yagensã, la f lebg n tall Israyɛll bu-kellã n wa. Mam yãka foom tɩ f yɩ vẽenem bu-zẽmsã yĩnga, tɩ mam fãagrã tõe n ta dũniyã tɛk fãa.»

A Ezayi 52:10

Sẽn-Ka-Saab wilga b pʋ-peelem kangã tɩ buud a taabã fãa yãnde. La dũniyã kɩremsã fãa na n yãnda tõnd Wẽnnaamã fãagre.

Zeremi 16:19

Sẽn-Ka-Saabo, yãmb yaa mam pãnga, la m pãng zĩiga, la m zĩ-soalgdg yel-pakr wakate! Buud toay-toay na n yii dũniyã kɩremsã fãa n wa yãmb nengẽ, la b na n yeelame: Tõnd yaab-rãmbã reega zĩrẽ tɩ yaa b pʋɩɩre, la a yaa bũmb sẽn ka yõodo.

A Matiye Sõng 24:14

Wẽnnaam soolmã koe-no-kãngã na n moona dũni gill fãa, tɩ yɩ kaset soolem toay‑toayã fãa nebã yĩnga. Dẽ, wakat sɛɛb na yaool n ta.

A Matiye Sõng 26:13

Sɩd-sɩda, mam yeta yãmb tɩ dũni tɛk fãa, zĩig ning fãa b sẽn na n moon koe-no-kãngã, b na n goma bũmb ning pagã sẽn maanã yelle, a tẽegr yĩnga.»

A Matiye Sõng 28:19

Bɩ y kẽng n maan nebã buud fãa tɩ yɩ mam karen-biisi, n lis bãmb ne Ba, la Bi-ribla, la Sɩɩg-sõng yʋʋre,

A Matiye Sõng 4:8

Sʋtãana leb n talla bãmb n kẽng tãn-lug-lug zugu, n wilg bãmb dũniyã soolem toay-toayã fãa ne b ziirã n yeel bãmb yaa:

A Mark Sõng 16:15

La a Zeezi yeela bãmb yaa: Saag-y dũni tɛk fãa n moon nebã fãa koe-noogã.

A Mark Sõng 16:20

La bãmb karen-biisã kẽngame n moon koɛɛgã zĩig fãa. Zu-soabã tʋma ne bãmba, n maan bãn n tũnug koɛɛgã n wilg t'a yaa sɩda.]

Tʋʋma 1:8

La Sɩɩg-sõng sã n wa yãmb zutu, y na n deega pãnga, la yãmb na n yɩɩ mam kaset dãmb Zeruzalɛm, la Zʋʋde soolmã fãa, la Samaari, hal tɩ ta dũniyã tɛk fãa.

Tʋʋma 26:20

La m deng n moona koɛɛgã Damaas nebã nanda, la m yaool n moon-a Zeruzalɛm ne Zʋʋde soolmã fãa pʋga, la bu-zẽmsã n yeel-b tɩ b tek yam n kos sugr n sak Wẽnnaam n maan tʋʋm sẽn wilgd tɩ b sɩd teka yam.

Tʋʋma 28:23

Bãmb yãka daar n kõ a Polle, la badaare bãmb wʋsg waa n yãnda a Poll a gãagã zĩigẽ, la yẽnda goma ne bãmb yibeoog hal tɩ ta zaabre, yẽnda rɩka a Moyiis tõogã ne Wẽnnaam no-rɛɛsdba sɛb n moon bãmb Wẽnnaam soolmã koɛɛg n na n wilg-b t'a Zeezi koɛɛgã yaa sɩda.

Rom Dãmba 1:8

Pipi, mam deng n pʋʋsda m Wẽnnaamã bark a Zeezi maasem yĩnga, yãmb fãa yĩnga. Bala, yãmb tẽebã yell saaga dũni gill fãa.

Kolos Rãmba 1:23

Yãmb sã n sɩd pa tẽebã pʋgẽ, la y kɩ yẽg n yals kãenkãe tɩ bũmb da wa n zãag yãmb ne koe-noogã tẽeb pidsg gũudum ning yãmb sẽn wʋma, sẽn yaa koe-noog ning b sẽn moon ninsaalbã fãa sẽn be dũniyã zugã, koe-noog ning maam a Poll sẽn lebg a tʋmtʋmdã.

Kolos Rãmba 1:6

Koe-no-kãng taa yãmb nengẽ. A sẽn womd biis la a kẽngd taoor to-to dũniyã tɛk fãa wã, a maanda a woto me yãmb nengẽ hal sẽn sɩng ne daar ning yãmb sẽn wʋm la y bãng Wẽnnaam barkã wa sẽn zems sɩda,

1Tesalonik Rãmba 1:8

Bala, Zu-soabã koɛɛgã yii yãmb nengẽ n sãage. Ka Masedoan la Akayi bal ye. Neb sẽn be zĩig fãa bãnga yãmb tẽeb ne Wẽnnaamã yelle, tɩ ka leb n yaa tɩlɛ tɩ tõnd leb n gom a yell ye.