Rom Dãmba 10:12 - WẼNNAAM SEBRE 2014

¹² Sɩd me, welgr ka be Zʋɩf ne Gɛrk sʋk ye: B fãa tara Zu-soab a yembr sẽn maand neb nins fãa sẽn boond bãmbã neer wʋsgo.

SEBR SÕNGO

¹² Ad-y yaa rẽ yĩng la bũmb ka welg Grɛk ne Zʋɩf ye: b yiiba fãa tara Soaal a ye bala la Soaala kelgda neb niyns fãa sẽn yõkd b sɛɛga.

KÃAB-PAALGÃ KOE-NOOGO

¹² Sɩd me, welgr ka be Zuif ne Gɛrk sʋk ye: B fãa tara Zu-soab a yen sẽn maand neb nins fãa sẽn boond bãmbã neer wʋsgo.

Rom Dãmba 10:12 Iomraidhean Croise

Yɩɩn‑sõamyã 145:18

Sẽn-Ka-Saab pẽe ne neb nins sẽn boond bãmbã, b pẽe neb nins sẽn boond bãmb ne sɩdã.

Yɩɩn‑sõamyã 86:5

Zu-soaba, yãmb yaa sõmblem soaba, la y kõta sugri. Yãmb nonglmã yaa kãsenga, neb nins fãa sẽn boond yãmbã yĩnga.

A Ezayi 55:6

Bao-y Sẽn-Ka-Saab wakat ning yãmb sẽn ket n tõe n yãnd-ba. Bool-y bãmb wakat ning bãmb sẽn ket n pẽ ne yãmba.

Tʋʋma 7:59

La b sẽn da lobd a Etɛn ne kugã, a ra pʋʋsdame n yetẽ: Zu-soab a Zeezi, reeg-y m sɩɩgã.

Tʋʋma 9:14

La maan-kʋʋdbã kãsem-dãmb kõo yẽnda noor t'a wa ka n yõg neb nins fãa sẽn pʋʋsd ne yãmb yʋʋrã.

Rom Dãmba 14:9

Bala, Kiris kiime n lebg n vʋʋge, tɩ b tõe n yɩ sẽn ki-bã ne sẽn vɩ-bã Zu-soaba.

Rom Dãmba 15:12

A Ezayi me yeelame yaa: A Izayi yagengã na n pukame. B na n yikame n soog soolem-dãmbã. Soolem-dãmbã neb tẽeb na n bee ne bãmba.

Rom Dãmba 2:4

Bɩ fo ka nand bãmb sõmblmã, la bãmb sũ-bʋgsmã, la bãmb sũ-marã sẽn waoogã, n ka miẽ tɩ Wẽnnaam sõmblmã tusda foom tɩ f tek yam n kos sugri?

Rom Dãmba 3:22

sẽn yaa tɩ tẽeb ne a Zeezi Kiris wata ne Wẽnnaam tɩrlem neb nins fãa sẽn tẽedã yĩnga. Bala, welgr ka ye:

1 Korẽnt rãmba 1:2

n na n tʋm Wẽnnaam tẽedbã sẽn be Korẽntã. Bãmb yaa neb sẽn welg toor Kiris maasem yĩnga, tɩ b tõe n yɩ pʋ-peelem dãmba. Sebrã yaa neb nins fãa sẽn pʋʋsd ne tõnd Zu-soab a Zeezi Kiris yʋʋre, baa b sẽn be zĩig ninga yĩnga. A Zeezi Kiris yaa bãmb Zu-soaba, la tõnd me Zu-soaba.

1 Korẽnt rãmba 15:47

Pipi raoã b sẽn yãk tẽng tom n naanã yaa tẽng bũmbu. La yiib soabã yita arzãna.

2 Korẽnt rãmba 8:9

Bala, yãmb mii tõnd Zu-soab a Zeezi Kiris barkã. Tɩ baa bãmb sẽn yaa arzɛk soabã, b maana b meng naong soab yãmb yĩnga, tɩ ne bãmb naongã, yãmb na paam arzegse.

Galat Rãmba 3:28

Ka leb n be tɩ m yaa Zʋɩf bɩ Gɛrka, yamb bɩ burkĩna, dao bɩ pag ye. Bala, yãmb fãa yaa yembr a Zeezi Kiris pʋgẽ.

Efɛɛz Rãmba 1:7

Yaa Kiris zɩɩmã maasem yĩng la tõnd paam fãagre, fãagr ning sẽn yaa yel-wẽnã sugr kũuni, sẽn zems Wẽnnaam barkã sẽn waoog wʋsgã,

Efɛɛz Rãmba 2:4

La Wẽnnaam sẽn tar nimbãan-zoeer wʋsgã, la bãmb sẽn nong tõnd ne nonglem kãsengã yĩnga,

Efɛɛz Rãmba 2:7

tɩ wakat sẽn wate, bɩ bãmb tõe n wilg tõnd bãmb bark kãsengã, b sẽn kõ tõnd sõmblem Kiris maasem yĩngã.

Efɛɛz Rãmba 3:16

tɩ b na kõ yãmb wa sẽn zems b naamã arzɛka, n kɩt tɩ ne bãmb Sɩɩg-sõng pãnga, bɩ yãmb paam pãng y sũyã pʋse,

Efɛɛz Rãmba 3:6

Yel-solem-kãng yaa tɩ bu-zẽmsã naagda Zʋɩf-rãmbã n paamd pʋɩɩr a yembre, la b lebg yĩng a ye ne bãmba, la pʋɩt-n-taas ne kãab-noog ning sẽn be a Zeezi Kiris pʋgẽ, koe-noogã maasem yĩngã.

Efɛɛz Rãmba 3:8

Mam sẽn yaa Wẽnnaam nebã fãa yao-zʋʋgã, Wẽnnaam kõo maam bakr‑kãnga, tɩ m moon koe-noog ning sẽn wilgd Kiris arzegs sẽn ka sɛtã bu-zẽmsã sʋka,

Filip rãmba 2:11

la tɩ zɛlmã fãa na n kɩsa kaset t'a Zeezi Kiris yaa fãagda, tɩ yɩ tõnd ba a Wẽnnaam waoogr yĩnga.

Filip rãmba 4:19

Mam Wẽnnaam na kõ yãmb bũmb fãa tɩ sek-yã wa sẽn zems bãmb arzeg-kãsemsã a Zeezi Kiris maasem yĩnga.

Kolos Rãmba 1:27

Wẽnnaam n tʋlg n kɩt tɩ b nebã bãng yel-solem-kãngã arzɛkã sẽn tar ziir bu-zẽmsã sʋkã, dat n togs tɩ Kiris sẽn be yãmb pʋsẽ wã, b na n pidsa tẽeb gũudum ning sẽn yaa ziirã.

Kolos Rãmba 3:11

Yel-kãngã pʋgẽ, ka be tɩ yaa Gɛrke, wall Zʋɩf wall zũnga, wall moaaga, wall weoog neda, wall nin-zẽmba, wall yamba, wall burkĩn ye. La Kiris yaa fãa nebã fãa pʋse.

1 Tɩmote 2:5

Bala, Wẽnnaam a yembr tãa bal n be, sɛ-yõakd a yembr tãa bal n be Wẽnnaam ne nebã sʋka: Yaa rao sẽn boond t'a Zeezi Kirisi,

Vẽnegre 17:14

Bãmb na n zaba ne pe-bilã. La pe-bilã na n tõog-b lame, tɩ bõe bãmb yaa zu-soben-dãmb Zu-soabã la rĩm-dãmbã Dĩmã. La neb nins b sẽn boolã, neb nins b sẽn tũusã, ne neb nins sẽn maand sɩdã, n be ne pe-bilã na n tõog-b lame me.

Vẽnegre 19:16

Bãmb tara yʋʋr sẽn gʋls b fuugã zug la b geerã zugu: rĩm-dãmb Rĩma, la zu-soben-dãmb Zu-soaba.