Rom Dãmba 1:5 - WẼNNAAM SEBRE 2014

⁵ Yaa tõnd Zu-soab a Zeezi Kirisi. Yaa bãmb maasem yĩng la tõnd deeg barka, la tẽn-tʋmdo, tɩ ne bãmb yʋʋre, tõnd na tall soolem toay-toayã fãa neb tɩ b wa tẽ Bãmba, la b sak Bãmba.

SEBR SÕNGO

⁵ Tũu ne bãmba tɩ d paam n lebg b tʋʋm-tʋmdã n na n moon la d bao b yʋʋra pẽgre, n wilg tɩ tẽeba yaa bũmb sẽn pake, la d taas-a bu-zẽmba fãa,

KÃAB-PAALGÃ KOE-NOOGO

⁵ Yaa tõnd Zu-soab a Zezi Kirist. Yaa bãmb maasem yĩng la tõnd deeg barka, la tẽn-tʋmde, tɩ ne bãmb yʋʋre, tõnd na tall soolem toay-toayã fãa neb tɩ b wa tẽ Bãmba, la b sak Bãmba.

Rom Dãmba 1:5 Iomraidhean Croise

Malasi 1:11

Bala, sẽn sɩng yaang n tãag nin-taoore, mam yʋʋrã yaa kãseng buud toor-toorã fãa sʋka. B yita zĩig zãng n wat n yõogd wisd mam yʋʋrã yĩnga, la b wat ne kũun sẽn yaa yɩlemde. Bala, mam yʋʋrã yaa kãseng buud toor-toorã fãa sʋka. Maam a Saasẽ-Pãng-Soabã n yeele.

Malasi 1:14

Kãab-wẽng bee zãmb soab zugu, yẽnda sẽn tar pe-raoog sẽn yaa sõama a rũms sʋka, n yaool n dɩk rũng sẽn tar zang n maan maoong n na n pids a pʋleng ne Zu-soabã yĩnga. Bala, maam a Saasẽ-Pãng-Soabã yetame: ‹Mam yaa rĩm-kãsenga, la mam yʋʋrã seka zoees buud toor-toorã sʋka.› »

A Zã Sõng 1:16

La tõnd fãa paama bãmb yalẽ wã, n deegd bãmb barkã n paasd wakat fãa.

Tʋʋma 1:25

t'a kẽ tʋʋmdã pʋgẽ, n yɩ tẽn-tʋmd n led a Zʋʋdaas zĩigẽ, t'a basame n kẽng zĩig ning sẽn segd ne-a.

Tʋʋma 15:14

M ba-biisi, kelg-y maam. A Sɩmo wilga yãmb Wẽnnaam sẽn geelg bu-zẽmsã to-to n sɩng n yãk neb be n maan b rẽndã.

Tʋʋma 6:7

La Wẽnnaam koɛɛgã rag n saagdame n yɩɩd pĩnda, la karen-biisã sõor dag n paasda wʋsg Zeruzalɛm. La maan-kʋʋdb wʋsg rag n sakda tẽebã.

Tʋʋma 9:15

La Zu-soabã yeela a Hananiyaas yaa: Kẽnge. Bala, mam yãka rao-kãngã n na n kɩt t'a tall mam yʋʋrã n wilg bu-zẽmsã la rĩm-dãmbã, la Israyɛll nebã.

Rom Dãmba 12:3

Ne bark ning Wẽnnaam sẽn maan maamã, mam yeta yãmb ned kam fãa t'a ra tags tɩ yẽnda yaa tɩrg tɩ looge, n kẽes a tagsd moog ye. La bɩ ned fãa paam tagsd sẽn zemse, t'a tõe n paam sik-m-menga, tɩ zems ne tẽeb ning Wẽnnaam sẽn kõ-a wã.

Rom Dãmba 16:26

La moasã, Wẽnnaam no-rɛɛsdbã pĩnd-n-bãngr goamã sɛb puk-a-la wa Wẽnnaam sẽn ka sɩngr kõn zĩnd saabã sẽn yeelã, n wilg soolem-dãmba fãa nebã, tɩ b tõe n sak tẽebã.

Rom Dãmba 3:29

Walla, Wẽnnaam yaa Zʋɩf-rãmbã bal Wẽnnaam la? Bãmb ka buud a taabã me Wẽnnaam la? N-yẽe, bãmb yaa buud a taabã me Wẽnnaam,

1 Korẽnt rãmba 15:10

Wẽnnaam barkã yĩnga, mam yaa m sẽn yaa a soaba, la bãmb nimbãan-zoeer mam yĩngã ka yɩ zaalem ye. Ayo! Mam tʋmame n yɩɩd tẽn-tʋmdbã fãa. La ka mam mengã n tʋm ye, yaa Wẽnnaam barkã sẽn be mam pʋgẽ wã.

1 Korẽnt rãmba 9:2

Mam sã n ka tẽn-tʋmd neb kẽer yĩnga, mam yaa tẽn-tʋmd yãmb yĩnga. Yãmb yaa mam sẽn yaa Zu-soabã tẽn-tʋmdã tʋʋmd kaset bãnde.

Efɛɛz Rãmba 1:12

tɩ tõnd sẽn da pĩnd n tẽed Kirisã, tõnd na tʋm n kɩt tɩ nebã bãng bãmb ziirã.

Efɛɛz Rãmba 1:6

Bõn-kãng yaa tɩ tõnd na zẽk bãmb barkã ziir b sẽn kõ tõnd bãmb Bi-riblã maasem yĩngã.

Ebre rãmba 5:9

La b sẽn wa n kɩt tɩ bãmb zems zãnga, bãmb waa ne fãagr sẽn kõn sa, neb nins fãa sẽn sakd bãmbã yĩnga.