Rom Dãmba 1:30 - WẼNNAAM SEBRE 2014

³⁰ B yaa tẽn-kãn-nebã, nin-sãbsdba, wẽn-kɩɩsdbã, sũ-tʋʋls rãmba, wilg-m-mens rãmba, wuk-m-mens rãmba, n mi soay sẽn na tũ n maan wẽnga, ba-rãmb la ma-rãmb kɩɩsdba, b yam ka weke.

SEBR SÕNGO

³⁰ taab wɩdga. Bãmb la Wẽnd bɛɛba, mo-be-neba, zẽk-m-meng rãmba, wʋglem dãmba, sɩlem wẽns rãmba, kõn-sak-b-ba rãmba,

KÃAB-PAALGÃ KOE-NOOGO

³⁰ B yaa tẽn-kãn-neba, nin-sãbsdba, wẽn-kɩɩsdbã, sũ-tʋʋls rãmba, wilg-m-mens rãmba, wuk-m-mens rãmba, n mi soay sẽn na tũ n maan wẽnga, ba-rãmb la ma-rãmb kɩɩsdba, b yam ka wek ye.

Rom Dãmba 1:30 Iomraidhean Croise

1 Rĩm-dãmbã 20:11

Israyɛll rĩmã leokame n yeele: «Kẽng-y n tɩ yeel-y-yã a Bɛn-Hadaad tɩ sẽn dabd-a zabr ka pẽgd a meng wa sẽn kẽng-a n tɩ zab n tõog n lebg n wa ye.»

2 Kibayã 19:2

A Anani biig a Zehu sẽn yaa Wẽnnaam no-rɛɛsã kẽng n tɩ sega rĩm a Zozafat n yeel-a yaa: «B tog n sõnga nin-wẽng la? Bɩ fo nonga neb nins sẽn kis Sẽn-Ka-Saabã? Bõn-kãng yĩnga, Sẽn-Ka-Saab sũurã yika ne foom.

2 Kibayã 25:19

Ade, fo yetame: ‹mam tõoga Edom nebã.› La fo sũurã yaa noogo, tɩ f waoogd f menga. La pĩnd n pa f zĩigẽ. Bõe yĩng tɩ f baood n na n wã f meng la f naag Zʋʋda nebã fãa me wã?»

Yɩɩn‑sõamyã 10:3

Bala, nin-wẽng pẽgda a meng a sũur datem yĩnga. A zãmb paoongã yĩnga, a tʋʋsda Sẽn-Ka-Saab n paoogd-ba.

Yɩɩn‑sõamyã 106:39

Bãmb maana tʋʋm-dẽgd n dẽgem b mense. Bãmb manesmã yaa wa yoobo.

Yɩɩn‑sõamyã 49:6

Bõe yĩng tɩ mam na n zoe rabeem toog daare? Mam bɛɛbã tʋʋm-beedã gũbga maam.

Yɩɩn‑sõamyã 5:5

Bala, yãmb ka Wẽnnaam ning sẽn nong wẽngã ye. La wẽng ka tar zĩig yãmb nengẽ ye!

Yɩɩn‑sõamyã 52:1

A Davɩɩd yɩɩlle. Yaa yɩɩlã naab yĩnga.

Yɩɩn‑sõamyã 81:15

mam dag n na n ningẽ-la b bɛɛbã yãnd wakat-yɛnga. Mam dag n na n zẽka m nug n wẽ b bɛɛbã.

Yɩɩn‑sõamyã 94:4

Bãmb gomda wuk-m-men-goamã. Tʋʋm-wẽns maandbã fãa yẽsda ne taaba.

Yɩɩn‑sõamyã 97:7

Wẽn-naands pʋʋsdbã fãa na n dɩɩ yãnde, yaa neb nins sẽn pẽgd b mens zĩrẽ wẽnnaam-dãmbã yĩngã. Wẽnnaam-dãmbã fãa wõgemdeda Zu-soabã taoore.

Yɩɩn‑sõamyã 99:8

Sẽn-Ka-Saab sẽn yaa tõnd Wẽnnaam, yãmb n leokd bãmb y toore. Yãmb yɩɩ Wẽnnaam sẽn yaa sugr kõt bãmb yĩnga, la y rokda y sũur b tʋʋm-beedã yĩnga.

Yelbũna 24:8

Ned sã n tagsd n dat n maan wẽnga, b boond-a lame tɩ zãmb naaba.

Yelbũna 25:23

Nug-rɩtg sobg wata ne saaga, la zĩrẽ-beed wata ne nen-gãnenga.

Yelbũna 30:17

Ned nif sã n sãag a ba, la a ka rat n sak a ma noore, ko-soog gãabd n na n feo yẽnda nini, la yɩbr-bi n na dɩ yẽnda nemdo.

Yelbũna 8:36

La ned sã n beeg maam, a maanda a meng wẽnga, la sẽn kis-b maamã nonga kũum.

Kowelɛt 7:29

Ade, yaa bũmb a yembr bal la mam yãnd yã. Yaa tɩ Wẽnnaam naana ninsaalbã tɩrse, la nebã baoo sɩlem wʋsgo.»

Ezekiyɛl 14:5

Woto, Israyɛll buudã neb nins sẽn zãag b mens ne maam b wẽn-naandsã fãa yĩngã sũy na n kao b bʋʋdo.

Ezekiyɛl 22:7

Ned toog ka leb n be ne a ba ne a ma fo pʋgẽ ye. B maanda sãambã pãng fo pʋgẽ. B kɩtdame tɩ kɩɩbs ne pʋg-kõap tʋmd fo pʋgẽ tɩ b ka yaood-b ye.

Sõadga 10:35

La Leevi buudã sã n wa tʋk kaoolã koglgã tɩ b n na looge, a Moyiis pʋʋsda Sẽn-Ka-Saab n yeele: «Sẽn-Ka-Saabo, yik-y-yã! Kɩt-y tɩ y bɛɛbã sãeege! La y rig sẽn kis-b yãmbã tɩ b zoe!»

A Matiye Sõng 15:4

Bala, Wẽnnaam yeelame: «Waoog f ba la f ma, la ned ning sẽn na n tʋʋs a ba bɩ a ma, bɩ b kʋ‑a.»

A Matiye Sõng 16:21

Sẽn sɩng wakat-kãnga, a Zeezi sɩngame n wilg b karen-biisã tɩ yaa tɩlɛ tɩ bãmb kẽng Zeruzalɛm tɩ kãsem-dãmbã ne maan-kʋʋdbã ne tõog karen-saam-dãmbã nams bãmb wʋsgo, la b kʋ bãmba. La rasem a tãab daarã, bãmb na n vʋʋgame.

A Luk Sõng 21:16

Baa yãmb ba-rãmba, la y ba-biisi, la y roagdba, la y zo-rãmb mens na n yõga yãmb n kɩse, la b na n kʋʋ yãmb neb kẽere.

A Zã Sõng 7:7

Dũni wã ka tõe n kisg yãmb ye. B kisa maam, bala, mam kɩta kaset tɩ b tʋʋmã yaa wẽnse.

Tʋʋma 5:36

Bala, a Tedaas yika wakat sẽn ka zãra n yetẽ tɩ yẽnda yaa nin-kãsenga. La neb sẽn kolg kobs-naas da tũuda yẽnda. La b kʋ-a lame, la neb nins fãa sẽn da tũud yẽnda wã zoe n sãeegame, la b tũudmã yɩɩ zaalem.

Rom Dãmba 2:17

Fo boonda f meng tɩ Zʋɩfe, n teegd tõogã, n waoogd f menga, f sẽn yaa wẽn-tũudã yĩngã.

Rom Dãmba 2:23

Fo sẽn dɩk tõogã n waoogd f mengã, fo kɩɩsda tõogã n paoogd Wẽnnaam.

Rom Dãmba 3:27

Woto yĩngã, bõe pʋgẽ la ned tõe n waoog a menga? Bũmb ka be ye. Ne tõ-bʋgo? Ne tʋʋm tõogo? Ayo! La yaa ne tẽeb tõogo.

2 Korẽnt rãmba 10:15

Tõnd ka pẽgd d mens tɩ loog ne tʋʋm sẽn yaa ned a to rẽnd ye. La tõnd tẽedame tɩ yãmb tẽebã sã n paasdẽ, tõnd tʋʋmdã na n lebga kãseng yãmb sʋka, zĩig ning sẽn yaa tõnd dẽndã,

2 Korẽnt rãmba 12:20

Bala, mam zoeta m na n wa wa n mik tɩ yãmb ka ya wa mam sẽn datã ye, la tɩ yãmb da mik tɩ mam mengã ka ya wa yãmb sẽn datã ye. Mam yɛɛsdame tɩ welgre, la sũ-kiiri, la kis-taaba, la geesem-geesem, la wɩdga, la paoog-taaba, la wuk-m-meng la zũnglug na n wa zĩnd yãmb sʋka.

Yaoolem 27:16

Kãab-wẽng bee ne ned ning sẽn paoogd a ba ne a ma. La bɩ nebã fãa yeel tɩ ãmina.

Yaoolem 7:10

La bãmb sɩbgda neb nins sẽn kis-b bãmbã, n menesd bãmb tao-tao. Bãmb ka kaoosd n sɩbg bãmb ye. Bãmb sɩbgda bãmb tao-tao.

2Tesalonik Rãmba 2:4

bɛ sẽn zẽkd a meng n yɩɩgd bũmb ning fãa b sẽn boond tɩ Wẽnnaam, la bũmb nins fãa neb sẽn pʋʋsda, hal n pʋs n kẽng n tɩ zĩnd Wẽnnaam doogẽ wã, n kɩt tɩ b bool-a tɩ wẽnnaam.

2 Tɩmote 3:2

Bala, nebã na n yɩɩ beed-rãmba, ligd-noangdba, yʋ-baoodba, wilg-m-mens rãmba, wẽn-paoogdba, ba-rãmb kɩɩsdba, zɩ-beoog-rãmba, neb toog sẽn ka be ne sõmblem,

A Titi 3:3

Bala, pĩnda tõnd me rag n yaa yalemba, la nin-kɩɩsdba, la neb sẽn bʋdge, la ratem wẽns buud toay-toay la sũ-no-yood n dag n so tõndo. Tõnd dag n vɩɩ pʋ-toog la sũ-kĩir pʋga, tõnd dag n kisa neb a taaba tɩ bãmb me kis tõndo.

Zake 3:5

Woto me, zelemd yaa yĩngã wil-bil a yembre, la a waoogda a meng ne bũmb kãsemse. Ges-y bug-bil bal sẽn tõe n yõog we-kãsengã.

Zake 4:16

La moasã, yãmb waoogda y mens y tɩtaamã pʋgẽ. Tɩtaam a woto buud fãa yaa wẽnga.

2 Pɩyɛɛr 2:18

Ne bãmb wuk-m-meng goamã sẽn yaa vɩɩdã, b rɩkda b yĩngã ratem sẽn yaa tʋʋm-dẽgdã n belgd neb nins sẽn nan lak b mens ne neb nins sẽn vɩ-b wẽng maaneg pʋgẽ wã.

A Zʋʋde 1:16

Bãmb yaa neb sẽn nong yẽgengo, sũ-pa-noom-dãmb sẽn tũud b yĩnsa ratem tɩ b noyã gomd wilg-m-meng goamã, n belsd nebã n dat n paam bũmbu.»