Rom Dãmba 1:21 - WẼNNAAM SEBRE 2014

²¹ Dẽ, bãmb ka tõe n yãnd bũmb n dõd n yi ye, bala, bãmb sẽn bãng Wẽnnaamã, b ka waoog-b wa b yaa Wẽnnaam ye, la b ka pʋʋs-b bark ye. La bãmb tagsgã sẽn ka yõodã kẽesa bãmb moogo, la bãmb sũyã sẽn be zɩɩlem pʋgẽ wã kẽe lik bida pʋgẽ.

SEBR SÕNGO

²¹ Ad-y yaa b sẽn bãng Wẽnd sẽn ya a soaba la b ka pẽg-bã, la b ka pʋʋs-b barka wala sẽn segdã, ad-y yaa rẽ la b yam kɩdga sob zãnga.

KÃAB-PAALGÃ KOE-NOOGO

²¹ Dẽ, bãmb ka tõe n yã bũmb n dõd n yi ye, tɩ bõe, bãmb sẽn bãng Wẽnnaamã, b ka waoog-b wa b yaa Wẽnnaam ye, la b ka pʋʋs-b bark ye. La b tagsd sẽn ka yõodã kẽesa bãmb moogo, la bãmb sũyã sẽn ka tar yãm-wekrã kẽe lik bida pʋgẽ.

Rom Dãmba 1:21 Iomraidhean Croise

Sɩngrẽ 6:5

Sẽn-Ka-Saab gesame tɩ ninsaalbã wẽngã lebga wʋsg dũniyã zugu, la daar fãa, ninsaal tagsda wẽng maaneg yell bala.

Sɩngrẽ 8:21

Sẽn-Ka-Saab wʋma yũ-noogã, la bãmb yeela b sũurẽ: «Mam ka na n leb n kãab dũniyã kãab-wẽng ninsaal yĩng ye. Bala, hal ninsaal yãadem wakate, a tagsda wẽng maaneg bal a sũurẽ. La mam ka na n leb n sãam bõn-vɩɩsã wa mam sẽn zoe n maanã ye.

1 Rĩm-dãmbã 20:23

Siiri rĩmã tʋmtʋmdb yeel-a lame: «Israyɛll nebã Wẽnnaamã yaa tãms Wẽnnaam. Yaa rẽ yĩng la b sẽn tõog tõndã. Dẽ wã, wa-y tɩ d kẽng tẽn-nabdrẽ wã, n tɩ zab ne-b n ges d kõn tõog-ba.

2 Rĩm-dãmba 17:15

Bãmb kɩɩsa Sẽn-Ka-Saab noyã ne b kaoolã b sẽn dag n maan ne bãmb ba-rãmbã, la zãmsg ning Sẽn-Ka-Saab sẽn dag n kõ bãmbã. Bãmb nebã lagma b mens ne sẽn ka yõodo, tɩ bãmb mensã lebg sẽn ka yõodo. Bãmb tɩ naaga b mens ne bu-zẽms nins sẽn dag n gũbg bãmbã, la Sẽn-Ka-Saab yaool n dag n yeela bãmb tɩ b ra maan wa bu-bãmb ye.

Yɩɩn‑sõamyã 50:23

Ned ning bark pʋʋsg sẽn yaa a maoong waoogda maam, la ned sã n gũusd ne a yel-manesem, mam na n kɩtame t'a yã Wẽnnaam fãagrã.

Yɩɩn‑sõamyã 81:12

La mam nebã ka kelg mam koɛɛgã ye. Israyɛll nebã zãgsa maam.

Yɩɩn‑sõamyã 86:9

Zu-soaba, buud toay-toayã fãa yãmb sẽn naanã na n wa wõgemda yãmb taoor n waoog yãmb yʋʋrã.

Kowelɛt 7:29

Ade, yaa bũmb a yembr bal la mam yãnd yã. Yaa tɩ Wẽnnaam naana ninsaalbã tɩrse, la nebã baoo sɩlem wʋsgo.»

A Ezayi 60:2

Ade, lik bida luda dũniyã gilli, tɩ buud toay-toayã be lik pʋgẽ. La Sẽn-Ka-Saab yika fo zugu, bãmb ziirã puka fo zugu.

Zeremi 16:19

Sẽn-Ka-Saabo, yãmb yaa mam pãnga, la m pãng zĩiga, la m zĩ-soalgdg yel-pakr wakate! Buud toay-toay na n yii dũniyã kɩremsã fãa n wa yãmb nengẽ, la b na n yeelame: Tõnd yaab-rãmbã reega zĩrẽ tɩ yaa b pʋɩɩre, la a yaa bũmb sẽn ka yõodo.

Zeremi 17:9

Ninsaal sũurã pida ne zãmb n yɩɩd bũmb fãa, la a yaa wẽng wʋsgo! Ãnda n tõe n bãng-a?

Zeremi 2:5

Sẽn-Ka-Saab yetame: «Mam maana bõe sẽn yaa wẽnga, tɩ y yaab-rãmbã yãnd n zãag b mens ne maam? Bãmb pʋga sẽn ka yõodo, tɩ b mensã lebg neb sẽn ka yõodo.

Zeremi 9:14

Woto yĩnga, maam a Saasẽ-Pãng-Soabã sẽn yaa Israyɛll Wẽnnaamã yetame: Mam na n kõo bãmb zẽed sẽn yaa toog liga tɩ b rɩ, la m kõ-b ko-zẽnem tɩ b yũ.

Ezekiyɛl 14:5

Woto, Israyɛll buudã neb nins sẽn zãag b mens ne maam b wẽn-naandsã fãa yĩngã sũy na n kao b bʋʋdo.

Ezekiyɛl 20:25

Yaa maam n leb n kõ bãmb tõod sẽn ka sõmbe, la minind b sẽn ka tõe n tũ n paam n vɩɩmd ye.

A Ooze 2:8

Ade, maam a Sẽn-Ka-Saab na n gɩdga f sorã ne gõose. Mam na n mee lalg n zẽk t'a ra leb n tõog n yãnd a sorã ye.

A Zã Sõng 3:19

Bũmb ning sẽn wat ne bʋʋdã la a woto: vẽenem waa dũniyã zugu, la ninsaalbã nonga likã n yɩɩd vẽenemã, b tʋʋmã sẽn yaa wẽnsã yĩnga.

Tʋʋma 26:18

tɩ f puk b nina tɩ b wẽnemd n bas likã n wa vẽenemẽ wã la b bas Sʋtãanã n sak Wẽnnaam n paam b yel-wẽnã sugri, la pʋɩɩr ne neb nins sẽn tẽ maam n lebg Wẽnnaam nebã.»

Rom Dãmba 1:19

Bala, bũmb ning fãa ned sẽn tõe n bãng sẽn kẽed ne Wẽnnaam yellã yaa vẽeneg ne bãmba, bala, Wẽnnaam puk-a la bãmba.

Rom Dãmba 1:28

Bãmb sẽn ka tags tɩ yaa sõama tɩ bãng Wẽnnaamã, Wẽnnaam basame tɩ b tũud b tagsdã sẽn yaa wẽnsã, tɩ b maand bũmb sẽn ka zems ye.

Rom Dãmba 11:10

Bɩ b ninã lebg lik n ka tõe n yãnd ye, la y kɩt tɩ b kuudẽ n ka tõe n doog ye.

Rom Dãmba 15:9

La buud a taabã neb waoogda Wẽnnaam, b nimbãan-zoeerã yĩnga, wa b sẽn da gʋls n yeelã: Rẽnda n kɩt tɩ mam na n gom soolem-dãmb sʋk n wilg tɩ m mii yãmba, la m na n yɩɩlame n waoog y yʋʋrã.

Yaoolem 28:29

Yãmb na n babla wĩnto-sʋk wa zõang sẽn babend lik-bida pʋgẽ. Bũmb nins yãmb sẽn dat n maanã ka na n tõog ye. B na n maana yãmb pãnga, n fã yãmb daar fãa tɩ ned ka be sẽn na n sõng yãmb ye.

2 Tɩmote 3:2

Bala, nebã na n yɩɩ beed-rãmba, ligd-noangdba, yʋ-baoodba, wilg-m-mens rãmba, wẽn-paoogdba, ba-rãmb kɩɩsdba, zɩ-beoog-rãmba, neb toog sẽn ka be ne sõmblem,

1 Pɩyɛɛr 1:18

Sɩd me, yãmb miime tɩ ka ne bõn-sãamds sẽn wẽnd ligdi, wall sãnem, la b fãag yãmb n yiis vɩɩmã minind nins sẽn ka yõodã yãmb sẽn deeg y yaab-rãmba nengẽ wã pʋgẽ ye.

1 Pɩyɛɛr 2:9

La yãmb yẽ, yãmb yaa buud b sẽn tũusi, la naam maan-kʋʋdba, la buud sẽn welg toor Wẽnnaam yĩnga, neb Wẽnnaam sẽn da tɩ y moon n wilg sẽn bool-a yãmb n yiis likã pʋgẽ, n kẽes-y vẽenem sẽn be ziirã pʋgã tʋʋm sõama wã.

Vẽnegre 14:7

Yẽnda zẽka a koɛɛg n yetẽ yaa: Zoe-y Wẽnnaam dabeem la y waoog bãmba. Bala wakat taame tɩ bãmb na n kao bʋʋdo. Wõgemd-y soab ning sẽn naan-a yĩngr la tẽngã, ko-kãseng ne ko-bundsã taoore.

Vẽnegre 15:4

Zu-soaba, ãndã n ka na n zoe yãmba, la a ka na n waoog yãmb yʋʋrã? Bala, yãmb y yembr tãa n welg toore. La soolem dãmbã fãa na n wa wõgemda yãmb taoore, yãmb tɩrlmã sẽn pukã yĩnga.