Rom Dãmba 1:20 - WẼNNAAM SEBRE 2014

²⁰ Sɩd me, sẽn sɩng ne dũni naanego, nebã nee Wẽnnaam pãng kãsengã sẽn ka sɛtã nin sẽn ka tõe n yã wã, la b Wẽnnaamlemã sõama, b sã n tags n ges bũmb nins bãmb sẽn maanã.

SEBR SÕNGO

²⁰ Bũmb ning sẽn be Wẽnd nengẽ n solg al dũni sɩngrẽ, ninsaal tõe n yãend-a la ne a yam tɩ Wẽnd tʋʋma n pukd b pãnga la b wẽndlem, al tɩ f sã n yeel marsã tɩ f ka ne, yaa fo yelle.

KÃAB-PAALGÃ KOE-NOOGO

²⁰ Sɩd me, sẽn sɩng ne dũni naanego, nebã nee Wẽnnaam yɛlã ninsaal nin sẽn ka yãtã, bãmb pãng ka zĩnd sɩngr kõn zĩnd saabã la b Wẽnnaamlemã sõama. La yaa b sẽn get bãmb yɛlã, bũmb nins bãmb sẽn maandã pʋgẽ.

Rom Dãmba 1:20 Iomraidhean Croise

Sɩngrẽ 1:1

Sɩngr wẽndẽ, Wẽnnaam naana yĩngr la tẽnga.

Sɩngrẽ 21:33

A Abrahaam sela tɩɩg sẽn boond tɩ Tamariis beenẽ, la a pʋʋs ne Wẽnnaam Sẽn-Ka-Saab yʋʋre.

A. Zoobe 12:7

M kot-f lame tɩ f sok rũmsã tɩ b na zãms-fo, sok yĩngr liuuli wã tɩ b na togs-fo.

Yɩɩn‑sõamyã 104:31

Bɩ Sẽn-Ka-Saab ziirã zĩnd wakat sẽn kõn sa! Bɩ Sẽn-Ka-Saab maan sũ-noog b tʋʋmã yĩnga!

Yɩɩn‑sõamyã 104:5

Bãmb vigla tẽngã t'a yas kãenkãe, tẽngã yasame n ka tol n miimdẽ ye.

Yɩɩn‑sõamyã 119:90

Yãmb maan-sɩdã paada zamaan woo zamaane. Yãmb n vigl tẽn-gãongã t'a beẽ.

Yɩɩn‑sõamyã 139:13

Yãmb n naan maam wa m sẽn yalã, yãmb n yag maam m ma pʋgẽ.

Yɩɩn‑sõamyã 8:3

Yãmb tũnuga kom-bãoonegã, ne kom-peelsã noy n wilg sẽn zabd-b ne yãmbã y pãng tʋʋmã, la y kɩt tɩ y bɛyã sẽn dat n dok a sũurã noor mume.

Yɩɩn‑sõamyã 90:2

Sẽn deng tãmsã sẽn na n zĩndi, la sẽn deng yãmb sẽn na n naan tẽn-gãongã ne dũniyã, yãmb dag n sɩng n yaa Wẽnnaam zamaan woo zamaane.

A Ezayi 26:4

Rɩk-y y teegrã n teeg Sẽn-Ka-Saab wakat fãa. Bala, Sẽn-Ka-Saab bal n yaa pĩig kugr wakat fãa.

A Ezayi 40:26

Zẽk-y y nens n ges yĩngri! Ãnda soab n naan bõn-kãensã fãa n kɩt tɩ b fãa pukd wa tãb-biisi? Bãmb boonda ned kam fãa ne a yʋʋre, la yaa ne bãmb pãn-tõ-kãsengã ne b pãn-kãsengã.»

A Ezayi 9:6

Yẽnda naamã na n yalgame, yẽnda na n waa ne vɩ-bãan sẽn ka sɛta, a Davɩɩd naam geerã ne yẽnda soolmã yĩnga. Yẽnda na n paasa a soolmã pãnga, la a na n zã-a-la ne zemsgo la tɩrlem, sẽn sɩng ne moasã la wakat sẽn kõn sɛ yĩnga. Saasẽ-Pãng-Soabã nonglem-kãsengã n na n kɩt t'a yɩ a woto.

Zeremi 5:21

«Kelg-y-yã! Yalemb sẽn ka tar bãngre, yãmb tara nini, la y ka ne ye. Yãmb tara tʋba, la y ka wʋmd ye.»

Zeremi 51:15

Sẽn-Ka-Saab naana tẽngã ne b meng pãnga. Bãmb yamã kɩtame tɩ dũniyã beẽ, la b yɛdga sa-gãongã ne b bãngrã.

A Matiye Sõng 5:45

tɩ yãmb tõe n yɩ yãmb ba sẽn be arzãnã kamba. Bala, bãmb kɩtdame tɩ bãmb wĩntoogã zẽkd nin-wẽnse, la nin-sõamyã yĩnga, la b kɩtdẽ tɩ saagã niid nin-tɩrse, la sẽn ka-b tɩrsã yĩnga.

A Mark Sõng 10:6

La hal dũni sɩngrẽ, Wẽnnaam naana rao la paga.

A Zã Sõng 1:18

Ned baa a yembr nan ka yã Wẽnnaam ye. Wẽnnaam sẽn yaa Bi-ribl‑yend sẽn ka to, n be ba a Wẽnnaam nengẽ wã n kɩt tɩ nebã bãng bãmba.

A Zã Sõng 15:22

Mam sã n dag n ka waẽ, la m dag n ka gomẽ ne-ba, beegr dag n kõn zĩnd b zut ye. La moasã, b ka tar padeng sẽn na n padem b yel-wẽnã yĩng ye.

Tʋʋma 17:29

Rẽ wã yĩnga, tõnd sẽn yaa Wẽnnaam kambã, d ka tog n tags tɩ Wẽnnaam wẽnda sãnem, wala wanzuri, wala kugr sẽn peese wa sẽn zems ninsaalb minim la b tagsg ye.

Tʋʋma 22:1

A Poll yeela nebã yaa: M ba-biisi la m ba-rãmba, kelg-y bũmb ning mam sẽn tar moasã n na n togs yãmb n yiis m meng yellẽ wã.

Rom Dãmba 1:19

Bala, bũmb ning fãa ned sẽn tõe n bãng sẽn kẽed ne Wẽnnaam yellã yaa vẽeneg ne bãmba, bala, Wẽnnaam puk-a la bãmba.

Rom Dãmba 16:26

La moasã, Wẽnnaam no-rɛɛsdbã pĩnd-n-bãngr goamã sɛb puk-a-la wa Wẽnnaam sẽn ka sɩngr kõn zĩnd saabã sẽn yeelã, n wilg soolem-dãmba fãa nebã, tɩ b tõe n sak tẽebã.

Rom Dãmba 2:1

Dẽ, fo sẽn yaa ned ning fãa, fo sẽn kaood f taab bʋʋdã, fo kõn paam bũmb n dõd n yi ye. Sɩdã, fo sẽn kaood neb a taabã bʋʋdã, fo rogenda yell f meng zugu. Bala, fo kaooda f taab bʋʋdo, la f yaool n maand wa bãmb bala.

Rom Dãmba 2:15

B wilgdame tɩ bũmb nins tõogã sẽn datã gʋlsa bãmb sũyã pʋse. Bãmb sũ-bãngrã kɩta rẽnda kaseto, la bãmb tagsgã rõta bãmba wall a zabd n sõngd bãmba.

1 Korẽnt rãmba 1:20

Yam soabã bee yɛ? Tõog karen-saambã bee yɛɛnẽ? Zamaan‑kãngã no-koɛɛm wẽedã bee yɛ? Dẽ yĩnga, Wẽnnaam ka kɩt tɩ dũni yam lebg yalemd sɩda?

Yaoolem 33:27

Hal kʋdem-wẽndẽ, Wẽnnaam yaa yãmb zĩ-soalgdga, bãmb n dig y bɛɛbã n yetẽ: ‹Sãam-y-a.›

Yaoolem 4:19

La yãmb sã n nak n ges yĩngr n yãnd kiuugã ne wĩndgã la ãdsã la bũmb nins fãa sẽn be yĩngrã, bɩ y gũus t'a ra wa yɩ makr ne yãmb tɩ y wõgemd n waoog bãmb ye. Sẽn-Ka-Saab sẽn yaa yãmb Wẽnnaamã kõo dũniyã nebã fãa bõn-kãense.

Kolos Rãmba 1:15

Kiris yaa Wẽnnaam, soab ning ned sẽn ka tõe n yãnda wã wẽnego, la bũmb nins fãa b sẽn naanã dẽenem soaba.

Kolos Rãmba 2:9

Bala, Wẽnnaam sẽn yaa bũmb ningã fãa, Kiris me yaa a woto b yĩngã pʋgẽ.

1 Tɩmote 1:17

Bɩ rĩm ning sẽn be-a wakat sẽn kõn sa, n ka tõe n ki, la ned nin sẽn ka tõe n yã, n yaa b yembr tãa n yaa Wẽnnaamã soog waoogre, la ziiri, wakat sẽn ka sɛt ye. Ãmina!

1 Tɩmote 6:16

Yaa bãmb bal n ka kiida, n vɩ vẽenem ned sẽn ka tõe n ta pʋgẽ. Ned nan ka yãnd bãmb ye, la ned ka tõe n yãnd bãmb me ye. Yaa bãmb n so waoogre, la pãng sẽn paad wakat sẽn kõn sa. Ãmina!

Ebre rãmba 11:27

Yɩɩ ne tẽeb la a yi Ezɩpt n ka zoe rĩmã sũ-puugr ye. A yalsa kãenkãe, wa ned sẽn ne bũmb nins neb sẽn ka tõe n yã.

Ebre rãmba 9:14

Kirisã zɩɩm n yɩɩda. Bãmb sẽn dɩk b meng n kõ Wẽnnaam tɩ rẽgd tosb kaẽ, Sɩɩg sẽn paad wakat sẽn kõn sa yĩngã, bãmb na n yɩlga tõnd sũ-bãngrã n yiis tʋʋm nins sẽn yaa kũumã, tɩ tõnd tõe n tʋm Wẽnnaam sẽn vɩ wã yĩnga.