Rom Dãmba 1:13 - WẼNNAAM SEBRE 2014

¹³ M ba-biisi, mam ka rat tɩ yãmb zɩ tɩ mam saaga naoor wʋsg n dat n wa n ges yãmba, tɩ m tõe n wom biis yãmb sʋk wa soolem a taabã pʋsẽ wã. La hal tɩ ta moasã, gɩdgr n gɩdg maam.

SEBR SÕNGO

¹³ M saam-biisi, m ka rat n solg yã tɩ yaa naoor yak la m tʋlg n wa y sʋka — la gɩdgr n zĩnd n ta marsã, — m saagdame tɩ yãmb me nengẽ m na paam bũmb sẽn be yõodo wala m sẽn paam bu-zẽmb a taaba nengẽ.

KÃAB-PAALGÃ KOE-NOOGO

¹³ M ba-biisi, mam ka rat tɩ yãmb zɩ tɩ mam saaga naoor yak n dat n wa n ges yãmba, tɩ m tõe n wom biis yãmb sʋk wa soolem a taabã pʋsẽ wã. La hal tɩ ta moasã, gɩdgr n gɩdg maam.

Rom Dãmba 1:13 Iomraidhean Croise

A Ezayi 27:6

Wakat sẽn wate, a Zakoob yagensã na n kɩɩ yẽga, Israyɛll buudã na n pusa yagense, la a na n womame t'a biisã pid dũniyã.

A Zã Sõng 12:24

Mam yeta yãmb sɩd-sɩd tɩ ka-buug sã n ka kẽ tãndẽ n pa be n ki, a paada a yembre. La a sã n ki, a womda biis wʋsgo.

A Zã Sõng 15:16

Ka yãmb n yãk maam ye, yaa maam n yãk yãmba, n ning m tʋʋmd yãmb zutu, tɩ yãmb na kẽng n wom biisi, la tɩ yãmb biisã na pa wakat fãa. Woto, bũmb ning fãa yãmb sẽn na kos m ba ne mam yʋʋre, b na kõ yãmba.

A Zã Sõng 4:36

Sẽn tigsd-a wã zoe n deegda a tʋʋm yaoodo, la a tigsda koodã wakat sẽn kõn sa yĩnga. Woto, sẽn bʋt-a wã ne sẽn tigsd-a wã naagda taab n kɩdme.

Tʋʋma 1:15

Badaare, a Pɩyɛɛr yika a ba-biis a taabã sʋka, la b sõorã da taa neb koabg la pisi. A yeelame:

Tʋʋma 14:27

La b sẽn ta Ãntiyoose, b tigma a Zeezi tẽedbã fãa n togs-b Wẽnnaam sẽn tall bãmb n maan bũmb nins fãa wã. La sẽn yɩ to-to tɩ Wẽnnaam pak sor tɩ bu-zẽmsã me tõe n tẽ wã.

Tʋʋma 15:12

Nebã sẽn tigmã fãa sĩndame n kelg a Barnabaas ne a Poll sẽn togsd Wẽnnaam sẽn tall bãmb n maan bõn-bãnã, la bõn-yɛɛsdsã fãa bu-zẽmsã sʋkã.

Tʋʋma 19:21

Bõn-kãens zugẽ, a Poll yãka yam n na n pɩʋʋg Masedoan ne Akayi n kẽng Zeruzalɛm, la a yet tɩ yẽnda sã n ta beenẽ, yaa tɩlɛ t'a kẽng Rom tẽng me.

Tʋʋma 21:19

A Poll sẽn pʋʋs-b n sɛ, a sɩngame n togs bãmb bũmb nins fãa Wẽnnaam sẽn tall yẽnda n maan bu-zẽmsã sʋkã.

Tʋʋma 28:14

Tõnd yãnda ba-biis tẽn-kãng pʋga, tɩ b kos tõnd tɩ d pa be ne bãmb rasem a yopoe. Yɩɩ woto tɩ tõnd kẽng Rom.

Rom Dãmba 1:12

wall tɩ tõnd pʋs n naag taab n paam raood paoosg ne tẽeb a yembr tãa ning yãmb la maam sẽn tarã.

Rom Dãmba 11:25

Bala, m ba-biisi, mam ka rat tɩ yãmb zɩ yel-solem-kãngã ye, tɩ yãmb da wa n get y mens wa yam dãmb ye: Israyɛll nebã kenga b sũy wakat bilf yĩnga, hal tɩ bu-zẽmsã fãa na kẽ fãagrã pʋgẽ.

Rom Dãmba 7:1

M ba-biisi, mam gomda ne neb sẽn mi tõogo: Yãmb zɩ tɩ tõog loeta ned a yõor tɛk laa?

1 Korẽnt rãmba 1:10

M ba-biisi, mam bõosda yãmb ne tõnd Zu-soab a Zeezi Kiris yʋʋre, tɩ y kɩt tɩ y goamã tũud taaba, tɩ welgr da zĩnd yãmb sʋk ye. Zems-y taab sõama ne yam a yembre, tagsg a yembr pʋgẽ.

1 Korẽnt rãmba 10:1

M ba-biisi, mam ka rat tɩ yãmb zɩ yel-kãngã ye. Tõnd ba-rãmba fãa zĩnda sawadgã tẽngre, b fãa pɩʋʋga ko-kãsengã pʋga,

1 Korẽnt rãmba 12:1

M ba-biisi, mam ka rat tɩ yãmb zĩnd zɩɩlem pʋgẽ Sɩɩg-sõng kũunã yell wɛɛngẽ ye.

1 Korẽnt rãmba 14:20

Sã n yaa ne tagsg wɛɛngẽ, bɩ y da yɩ wa kamb ye. Yɩ-y wa kamb wẽng maaneg wɛɛngẽ, la wa raop sẽn bɩ, tagsgã wɛɛngẽ.

1 Korẽnt rãmba 14:26

Woto wã, m ba-biisi, d na n maana a wãna? Yãmb sã n tigim taaba, ned sã n tar yɩɩlle, wall saglgo, wall vẽnegre, wall gom-zẽnga, wall gom-zẽn deesgo, bɩ ned fãa maan a tʋʋmd nebã bɩɩsg yĩnga.

1 Korẽnt rãmba 9:2

Mam sã n ka tẽn-tʋmd neb kẽer yĩnga, mam yaa tẽn-tʋmd yãmb yĩnga. Yãmb yaa mam sẽn yaa Zu-soabã tẽn-tʋmdã tʋʋmd kaset bãnde.

2 Korẽnt rãmba 1:8

Sɩd me, d ba-biisi, tõnd ka rat tɩ yãmb zɩ yel-pakr nins tõnd sẽn paam Aazi soolmẽ wã ye. Tõnd namsa wʋsg tɩ looge, n yɩɩg tõnd pãnga, hal tɩ d dag n ka leb n tẽed tɩ d na n vɩɩmdame ye.

2 Korẽnt rãmba 2:14

Bark Wẽnnaam sẽn kɩtd tɩ tõnd paamd tõogr daar fãa Kirisã tũudum pʋgẽ wã, la b kɩtdẽ tɩ ne tõndo, nebã bãngd Kiris zĩiga fãa, wa yũ-noog sẽn saagd to-to wã.

Galat Rãmba 3:15

M ba-biisi, m dɩk ninsaalb mamsgo: Ned sã n gʋls sebr n wilg a sũur gomde, a sẽn dat tɩ yɩ to-to a kũum poore, baa ne sẽn yaa ninsaal n gʋlsã, ned baa a yembr ka kɩɩsd gomdã wall a paas-a bũmb ye.

Galat Rãmba 6:18

M ba-biisi, bɩ tõnd Zu-soab a Zeezi barkã zĩnd ne yãmba. Ãmina.

Filip rãmba 1:22

La mam sẽn na n kell n vɩ m yĩngã pʋgẽ wã sã n tara yõod ne mam tʋʋmdã, mam ka mi m sẽn yãkd a soab ye. Bũmb a yiib ratem n tar maam.

Filip rãmba 4:17

Ka tɩ mam baooda kũun ye, mam sẽn baood bũmb ninga yaa tɩ yãmb wom biis wʋsgo. Rẽnda n na n yɩ yãmb yõodo.

Kolos Rãmba 1:10

Kɩt-y tɩ y kẽnã waoogd Zu-soabã, tɩ y tõe n ta bãmb yam bũmb fãa pʋgẽ, la y wom biis ne tʋʋm‑sõama buud fãa, la y bɩ Wẽnnaam bãngr pʋgẽ.

Kolos Rãmba 1:6

Koe-no-kãng taa yãmb nengẽ. A sẽn womd biis la a kẽngd taoor to-to dũniyã tɛk fãa wã, a maanda a woto me yãmb nengẽ hal sẽn sɩng ne daar ning yãmb sẽn wʋm la y bãng Wẽnnaam barkã wa sẽn zems sɩda,

1Tesalonik Rãmba 2:18

Dẽ kɩtame tɩ tõnd dag n dat n wa yãmb nengẽ. Naoor a yiib la maam a Poll dag n dat n wa yãmb nengẽ, la a Sʋtãan gɩdga tõndo.

1Tesalonik Rãmba 4:13

M ba-biisi, tõnd ka rat tɩ yãmb zɩ neb nins sẽn gõe wã yelle, tɩ yãmb sũyã da wa n sãam wa neb a taabã sẽn ka tar tẽeb ne beoog neerã ye.

2Tesalonik Rãmba 2:7

Bala, yel-wẽnã yel-soalem zoe n tʋmdame, la yaa tɩlɛ tɩ ned ning sẽn gɩdg-a wã deng n looge.

2 Tɩmote 4:17

Yaa Zu-soabã n zĩnd ne maam, n kõ-m pãnga, tɩ mam togs koɛɛgã zãnga, tɩ bu-zẽmsã wʋme. La b fãaga maam gɩgemdã noorẽ.