Kowelɛt 9:9 - WẼNNAAM SEBRE 2014

⁹ Maan sũ-noog ne pag ning fo sẽn nongã, vɩ-zaalg ning Wẽnnaam sẽn kõ foom dũniyã zugã wakate. Bala, yõwã la fo pʋɩɩr f vɩɩmã pʋga, la tʋʋmd ning fo sẽn maand dũniyã zugã pʋga.

SEBR SÕNGO

⁹ Vɩɩnd f vɩɩm ne pag ninga f sẽn nongã, ka võor vɩɩma tɛka, Wẽnnaam sẽn kõ-f saaga tẽngre, tɩ rẽ la fo me pʋɩɩre, rẽ la f rolbo, f tẽng zug vɩɩm tooga rolbo.

Kowelɛt 9:9 Iomraidhean Croise

Sɩngrẽ 26:8

La a Izak sẽn zĩnd soolmẽ be n kaoose, daar a yembre, Filistẽ-dãmbã rĩm a Abimelɛk rag n lɩkda roog võorẽ n getẽ, la a yãame t'a Izak reemd ne a pag a Rebeka.

Yɩɩn‑sõamyã 144:4

Ninsaal wẽnda rʋk waolg bala, la a yʋʋmã wẽnda maasem sẽn loogda.

Yɩɩn‑sõamyã 39:5

Sẽn-Ka-Saabo, kɩt-y tɩ m bãng m baoosg sẽn na n yɩ to-to, la y wilg maam m dasmã sõore. Kɩt-y tɩ m bãng tɩ m yaa bõn-loaagdg bala.

Yelbũna 18:22

Ned sã n paam paga, a paama sũ-noogo, yẽnda paama kũun Sẽn-Ka-Saab nengẽ.

Yelbũna 19:14

Ned tõe n kõ a biig zaka, la paoongo, la pag sẽn tar yam, yaa Sẽn-Ka-Saab kũuni.

Kowelɛt 2:10

Bũmb ning fãa mam ninã sẽn yãnd n datã, mam ka mong-b ye. Sũ-noog ning fãa mam sũurã sẽn dag n datã, mam ka mong-a ye. Bala, mam sũur yɩɩ noog ne m tʋʋmdã fãa. La mam tʋʋmdã fãa yõod yaa a woto.

Kowelɛt 2:24

Bũmb ka be sẽn yaa noog ne ninsaal n yɩɩd a sẽn na n paam n dɩ la a yũ, n maan sũ-noog ne a tʋʋmd ye. La ne yõwã me, mam yãame t'a yita Wẽnnaam nengẽ.

Kowelɛt 3:13

Ned sã n dɩtẽ la yũuda, la a paam sũ-noogo, a bãng tɩ yaa Wẽnnaam kũuni.

Kowelɛt 3:22

Mam yãame tɩ bũmb ka be sẽn noom ninsaal n yɩɩd a sẽn na n maan sũ-noog ne a tʋʋmã ye. Yaa woto la yẽnda rẽnda. Ãnda n na n kɩt tɩ yẽnda lebg n wa yãnd bũmb ning sẽn na n wa zĩnd yẽnda loogr poorẽ wã?

Kowelɛt 5:18

Baoosgo, Wẽnnaam sã n kõ ned arzegs la paoongo, la b leb n kõ-a pãn-tõog t'a tar n dɩtẽ, n tar a meng rẽnda, la a maand sũ-noog ne a tʋʋmdã, bõn-kãng yaa Wẽnnaam kũuni.

Kowelɛt 6:12

Dẽ wã, ãnda soab n mi sẽn yaa sõama ninsaal yĩng a vɩɩm wakate? A vɩɩm ning rasem sẽn tar sõorã, n yaa zaalem n loogd wa sulunsukã wakate? Ãnda n tõe n togs ninsaal bũmb ning sẽn na n wa zĩnd dũniyã pʋg ka yẽndã loogr poorã?

Kowelɛt 7:15

Mam yãnda bõn-kãensã fãa mam vɩɩm sẽn yaa zaalmã pʋga. B tõe n yãnda nin-tɩrg sẽn kiid a tɩrlem yĩnga, la nin-wẽng sẽn paam yõ-wok a yel-wẽnã pʋgẽ.

Malasi 2:15

Ned ba a yembr sẽn tar yam zɩ n maan a buud ye. Ned a yembr bal n maan a woto. Bala, yẽnda rag n baood n paama biig ning Wẽnnaam sẽn kãab yẽnda wã. Dẽ wã, gũus-y y mens ne y tagsgã. Bɩ ned da wa zãmb pag ning yãmb sẽn peeg y bi-bɩɩlem wakatã ye.