Kowelɛt 9:11 - WẼNNAAM SEBRE 2014

¹¹ Mam leb n yãndame tɩ dũniyã zug ka, ka neb sẽn zoet tao-tao n tõogd zoees ye. La ka gãndaadã n tõogd zabr ye. Ka yam dãmb n paamd rɩɩb ye. Ka bãngdbã n paamd arzegse, la ka nin-yẽesems n paamd pẽgr me ye. Bala, bãmb fãa paamda toog wall noogo.

SEBR SÕNGO

¹¹ M le yãenda yɛl a taab tẽng zug ka. Ad-y ka sẽn be-b tĩigã n wudgd n loog b taaba, la ka sẽn be-b sũuri n yɩɩd b taaba n maand raood zabrẽ ye. Ka sɩlem dãmbã n paamd n dɩlgd b vɩɩm ye. Sẽn tar-a rabaar ka lebgd arzɛk soab daar fãa ye. La mitba ka paamd waoogr daar fãa ye. Ned kam fãa tõe n sega zu-beedo.

Kowelɛt 9:11 Iomraidhean Croise

2 Sãmwɛlle 17:14

A Absalom ne Israyɛll nebã fãa yeelame t'a Husayi saglgã yaa sõama n yɩɩd a Ayitofɛll saglgã. Yaool n yaa Sẽn-Ka-Saab n dag n dat t'a Ayitofɛll saglgã lebg zaalem, sẽn na yɩl tɩ yel-beed paam a Absalom.

2 Sãmwɛlle 17:23

A Ayitofɛll sẽn yã tɩ b ka reeg a saglgã, a zomba a bõang n kuil a yiri. La a basa a yaoolem koees ne a zakã rãmba, n yaool n kẽng n tɩ luuli. B mum-a-la a ba yaoogẽ.

2 Kibayã 20:15

Dẽ, a Azayɛll yeelame yaa: «Yãmb sẽn yaa Zʋʋda, ne Zeruzalɛm nebã, la yãmb rĩm a Zozafate! Kelg-y neere, ad Sẽn-Ka-Saab sẽn yet yãmba: ‹Da zoe-y rabeem, la y ra yɛɛs-y zãma-kãngã taoor ye. Bala, zab-kãngã ka yãmb zabr ye, yaa Wẽnnaam zabre.›

A. Zoobe 34:29

Wẽnnaam sã n sĩndi, ãnda soab n tõe n mong bãmb bʋʋm? Bãmb sã n solg b nenga, ãndã n tõe n yãnd bãmba? Soolem wall ned ka tõe n maan bũmbu,

Yɩɩn‑sõamyã 76:5

Yãmb pɩndame, n yaa neer n yɩɩda, yãmb yɩɩda tãmsã sẽn ka loogdã.

Yelbũna 1:5

Yam soab sã n kelge, a na paam yam n paase, la sẽn tar-a bãngr me sã n kelge, a na tõog n tɛ neb a taaba.

Kowelɛt 2:12

Woto kɩtame tɩ mam tags n ges yam, la zu-kaalg ne yalemd yelle. Ges-y wɛ! Ned ning sẽn na n wa reeg-a rĩmã zĩigã na n wa maana bõe? Yaa bũmb ning b sẽn dag n zoe n maanã bala.

Kowelɛt 3:14

Mam miime tɩ bũmb ning fãa Wẽnnaam sẽn maan paada wakat sẽn ka sɛta. Bũmb ka be n na n paas-a wall boog-a ye. Wẽnnaam n maan-a t'a yɩ woto tɩ nebã zoe bãmba.

Kowelɛt 3:17

Mam tagsa m sũur pʋgẽ tɩ Wẽnnaam na n kaoo nin-tɩrg la nin-wẽng bʋʋdo. Bala, yɛlã fãa tara b zĩiga, la tʋʋmd fãa tara a wakate.

Kowelɛt 4:1

Mam leb n tagsa neb nins b sẽn maand pãng dũniyã pʋg ka wã yelle. Gese, b sẽn namsd-b rãmbã nintãm yitame, la ned ka belsd bãmb ye. Bãmb namsdbã tara pãnga, la ned ka belsd bãmb ye.

Kowelɛt 4:4

Mam yãndame tɩ tʋʋm nins fãa nebã sẽn maandã, la tõogr ning nebã sẽn tõogd b tʋʋmã pʋgã, yaa sũ-kiir la ned kam fãa maand ne a to. Woto me yaa zaalem, la a wẽnda wa ned sẽn digd sebgo.

Kowelɛt 7:13

Bɩ f tags Wẽnnaam sẽn maand bũmb ningã yelle. Bala, bũmb ning bãmb sẽn gõde, ãndã n tõe n tẽeg-a?

Kowelɛt 9:2

Yẽnda geta a yiibã fãa wa zaalem. Yel-bãmb fãa paamda nebã fãa. Yell ning sẽn paamd nin-tɩrg paamda nin-wẽnga. Yell ning sẽn paamd ned ning sẽn yaa-a yɩlemdã paamda ned ning sẽn ka-a yɩlemdã. Yell ning sẽn paamd ned ning sẽn maand-a maand paamda ned ning sẽn ka maand-a maando. Yell ning sẽn paamd nin-sõngã paamda yel-wẽnã soaba. Yell ning sẽn paamd ned ning sẽn wẽendã paamda ned ning sẽn ka wẽend-a wã.

Kowelɛt 9:3

Bõn-kãngã fãa yaa wẽnga, la a bee bũmb nins fãa sẽn maand dũniyã zugã pʋgẽ. Bala, yɛlã paamda nebã fãa. La sẽn paase, ninsaalbã sũyã pida ne wẽnga, la yalemd bee b sũyã pʋsẽ, b vɩɩmã wakate. Dẽ poore, bãmb rabda kũum zĩigẽ.

Zeremi 46:6

Bɩ sẽn tʋʋl-a ne zoees ra tõog n zoe ye! Bɩ gãndaoog ra tõog n põs ye! Bãmb lakdame n lʋɩt tẽngã nug-rɩtg sẽnẽ, Efrat kʋɩlgã noore.

Zeremi 48:14

Moaab nebã, maana a wãn tɩ yãmb yetẽ tɩ y yaa gãndaad n mi zabre?

Zeremi 9:23

Ned sã n dat n maan sũ-noogo, bɩ a maan sũ-noog a sẽn tar yam la a mi maam, la a miẽ tɩ mam yaa Sẽn-Ka-Saab sẽn tʋmd ne nonglem la tɩrlem ne zemsg dũniyã zugã yĩnga. Bala, yaa bõn-kãens n noom maam.» Maam a Sẽn-Ka-Saab n yeele.

Zakari 4:6

Dẽ, malɛɛkã yeela maam yaa: «Ad Sẽn-Ka-Saab koɛɛg a Zorobabɛll yĩnga: ‹Ka ne gãndaalem, leb n ka ne pãng me ye. Yaa ne mam sɩɩgã. Yaa maam a Sẽn-Ka-Saab sẽn yaa Saasẽ-Pãng-Soabã n yeele.»

Malasi 3:18

Woto, yãmb na n leb n yãnda welgr ning sẽn be nin-tɩrg ne nin-wẽng sʋka, la welgr ning sẽn be sẽn sakd-b Wẽnnaam ne sẽn ka sakd-b Wẽnnaamã sʋka.

Efɛɛz Rãmba 1:11

Kiris maasem yĩnga, Wẽnnaam yãka tõnd n bĩng toore. Bãmb sẽn maand bũmb fãa wa b yamã sẽn yãke la wa b sẽn datã, bãmb pĩnd n tʋlsa tõndo,

Yaoolem 8:17

Ra wa n yeel-y tɩ yaa y pãngã ne y nus tʋʋm yĩng la y paam arzegs a woto ye.

Yaoolem 8:18

Tẽeg-y Sẽn-Ka-Saab sẽn yaa yãmb Wẽnnaamã yelle. Bala, yaa bãmb n kõ yãmb pãng tɩ y paam arzɛka, n na n pids bãmb kaool ning b sẽn dag n wẽen ne y yaab-rãmbã wa b sẽn maand dũndã wã.

1 Sãmwɛlle 17:50

Woto, yɩɩ ne loaabg la kugri, la a Davɩɩd tõog Filistẽ daoã. Yẽnda kʋ-a lame tɩ ka tũ ne zabr sʋʋg ye.

1 Sãmwɛlle 6:9

La bɩ yãmb meng ges sõama: B sã n dɩk Bɛt-Semees toadgã sore, rat n yeelame tɩ Sẽn-Ka-Saab n kɩt tɩ to-kãsengã paam tõndo. La b sã n ka rɩk so-kãnga, tõnd na n bãngame tɩ ka Sẽn-Ka-Saab n sɩbg tõnd ye, yaa toog sẽn wa n paam tõnd a woto bala.»