Kowelɛt 9:10 - WẼNNAAM SEBRE 2014

¹⁰ Bũmb ning fo nug sẽn tõe n maan ne fo pãngã, bɩ f maan-a. Bala, tʋʋmde, tagsgo, la bãngr ne yam ka be kɩɩm-kulgu, zĩig ning fo sẽn dabdẽ wã ye.

SEBR SÕNGO

¹⁰ Tʋʋmd ninga fãa f sẽn tõe n maane bɩ f maan-a wa f sẽn tõe tɛka, tɩ tʋʋmde, bɩ tagsgo, bɩ yam minim, bɩ yẽesem ka be kɩɩmkulgu f sẽn dabdẽ wã ye.

Kowelɛt 9:10 Iomraidhean Croise

Sɩngrẽ 37:35

A Zakoob kom-dibli wã ne a kom-pugli wã fãa yikame n bels a Zakoobe, la a ka sak belsgã ye. Yẽnda yeelame: «Mam na n yãbame n ki n bʋʋg m biig a Zozɛf kɩɩm-kulgu.» La yẽnda yãba a biigã yĩnga.

1 Kibayã 22:19

Bɩ y bao Sẽn-Ka-Saab sẽn yaa yãmb Wẽnnaamã ne y sũyã fãa la ne y yamã fãa, la y me Sẽn-Ka-Saab sẽn yaa Wẽnnaamã roogo. Woto, y na n tõog n talla Sẽn-Ka-Saab kaoolã koglgã ne teed nins sẽn welg toor Sẽn-Ka-Saab yĩngã, n tɩ bĩng roog ning y sẽn na n me Sẽn-Ka-Saab yʋʋrã yĩngã pʋgẽ.

1 Kibayã 28:20

A Davɩɩd yeela a Salmo yaa: «M biiga, keng f meng n paam daood n tʋme. Ra zoe rabeem ye, ra yɛɛs ye. Bala, Wẽnnaam Sẽn-Ka-Saab sẽn yaa mam Wẽnnaamã na n zĩnda ne foom. Bãmb ka na n zãag b meng ne foom, bãmb ka na n bas foom, hal tɩ Sẽn-Ka-Saab roogã meeb tʋʋmd fãa wa sɛ.

A Neemi 2:12

Dẽ, mam yika ne yʋngo, n peeg neb kẽere, la mam yaool n dag n ka tol n togs ned mam Wẽnnaamã sẽn ning mam sũurẽ tɩ m maan bũmb ning Zeruzalɛm tẽngã yĩngã ye. La mam ka tall rũm-zoambdg a to tɩ ka rũng ning mam sẽn dag n zombdã ye.

A Neemi 4:2

La bãmb seda ne taab n na n wa zab ne Zeruzalɛm tẽngã n sãam-a.

A Neemi 4:6

La Zʋɩf-rãmb nins sẽn pẽ tõnd bɛɛbã waa tõnd nengẽ sẽn tat naoor piiga, n wat n togsd tõnd bɛɛbã sẽn dat n maan bũmb ningã. B rag n yetame: «Ya-y n lebg-y n wa tõnd nengẽ!»

A. Zoobe 10:21

sẽn deng mam sẽn na n loog n kẽng lik bida tẽngẽ, la sẽn deng m sẽn na n kẽng kũum maasmẽ, n ka leb n wa wã.

A. Zoobe 10:22

Beenẽ yaa tẽng sẽn yaa lik-kãsenga, la lik bida zĩiga, zĩig kũum maasem sẽn be, beenẽ yaa zũnglg tɩ vẽenem yaa wa lika.»

A. Zoobe 21:13

Bãmb vɩɩmã baasda neere. Bãmb ka namsd la b yaool n ki ye.»

Yɩɩn‑sõamyã 6:5

Sẽn-Ka-Saabo, lebg-y n wa-y n fãag-y-ma, yols-y maam y nonglmã yĩnga.

Yelbũna 3:28

Fo sã n tar n tõe n kõ ned dũndã, bɩ f ra yeel a soab t'a kẽng la a wa beoog ye.

Kowelɛt 11:3

Saag sã n kʋɩ, a niida dũniyã zugu. Tɩɩg sã n lʋɩ rɩtg wall goabga, a paada zĩig ning a sẽn lʋɩẽ wã.

Kowelɛt 11:6

Bʋd f bõn-buud yibeoogo, la f ra bas f nus tɩ yɩ zaalem zaabr ye. Bala, fo ka mi bõn-buud ning sẽn na n sake, wall a yiibã fãa sã n na n yɩɩ sõama ye.

A Ezayi 38:10

Mam dag n yeta m meng yaa: «Mam vɩɩmã sẽn wa n noomẽ wã, la mam na n loog n kẽng kɩɩm-kulg rignoorẽ. Mam ka paam m yʋʋmã sẽn ketã ye!»

Zeremi 29:13

Yãmb na n baoo maam, la y na n yãnda maam. Bala, yãmb na n baoo maam ne y sũyã fãa.

Sõadga 13:30

Dẽ, a Kalɛɛb kɩtame tɩ neb nins sẽn da yẽgemd ne a Moyiisã sĩndi, la a yeele: «Yik-y tɩ d kẽng n tɩ reeg tẽngã. Tõnd na n tõog-b-lame!»

A Matiye Sõng 20:7

Bãmb leokame: «Yaa tɩ ned ba a yembr ka rɩk tõnd tʋʋmd ye.» Yẽnda yeel-b lame yaa: «Bɩ yãmb me kẽng mam reezẽ tɩɩs pʋʋgẽ wã.»

A Matiye Sõng 6:33

Deng‑y n bao-y Wẽnnaam soolmã ne bãmb tɩrlmã, la b na n kõo yãmb bõn-kãens fãa n paase.

A Zã Sõng 4:34

A Zeezi yeela bãmb yaa: «Mam rɩɩbã, yaa tɩ maan sẽn tʋm-a maamã raabo, la m baas tʋʋmd ning b sẽn kõ maam tɩ m maanã.

A Zã Sõng 5:4

Bala, malɛɛk n sigd bãkã pʋgẽ wakat wakat n dãmbd koomã. La koomã sã n dãmb n sa, ned ning sẽn yɩ-a pipi n lʋɩ koomẽ wã paamda maagre, baa bãagã sẽn yaa bũmb ninga.]

A Zã Sõng 9:4

Tõnd tog n tʋma sẽn tʋm-a maamã tʋʋma, tɩ wĩndg ket n beẽ. Yʋng watame tɩ ned baa a yembr ka tõe n leb n tʋm ye.

Rom Dãmba 12:11

Yɩ-y neb sẽn wɩngd ne tʋʋmde, la y ra yɩ kʋɩɩmb ye. Wɩng-y ne sɩɩgã yelle. Maan-y Zu-soabã tʋʋmde.

1 Korẽnt rãmba 15:10

Wẽnnaam barkã yĩnga, mam yaa m sẽn yaa a soaba, la bãmb nimbãan-zoeer mam yĩngã ka yɩ zaalem ye. Ayo! Mam tʋmame n yɩɩd tẽn-tʋmdbã fãa. La ka mam mengã n tʋm ye, yaa Wẽnnaam barkã sẽn be mam pʋgẽ wã.

1 Korẽnt rãmba 16:10

A Tɩmote sã n ta, bɩ y maan y sẽn na maan t'a sẽn be yãmb sʋkã, bɩ a pɛlg yɩ kãenkãe, bala, a tʋmda Zu-soabã tʋʋmd wa mam me sẽn maandã.

1 Korẽnt rãmba 9:24

Yãmb zɩ tɩ neb nins sẽn zoet zoeesã zĩigẽ wã, nebã fãa n zoeta, la tɩ yaa nin‑yend tãa n deegd keoorã la? Bɩ y zoe y sẽn na zoe to-to n paam keoorã.

1 Korẽnt rãmba 9:26

Mam yẽ, mam zoetame, la ka wa ned sẽn ka mi a sẽn dabdẽ ye. Mam lobda nug-gila, la ka tɩ pãb pemsem ye.

Efɛɛz Rãmba 5:16

Da bas-y tɩ weerã sãamd zaalem ye. Bala, moasã yaa wẽng wakate.

Kolos Rãmba 3:23

Yãmb sẽn maand bũmb ning fãa, bɩ y maan-a ne y sũur fãa wa y sẽn maand Zu-soabã yĩnga, la ka ninsaalb yĩng ye,

1 Sãmwɛlle 10:7

Bãn-kãens fãa sã n wa paam pidsg fo zugu, bɩ f maan bũmb nins fo sẽn tog n maanã, bala, Wẽnnaam bee ne foom.