Kowelɛt 9:1 - WẼNNAAM SEBRE 2014

¹ Mam tagsame n dat n bãng bõn-kãens fãa yelle. La yõwã fãa yɩɩ vẽeneg tɩ nin-tɩrs la yam dãmb ne b tʋʋmã fãa bee Wẽnnaam nugẽ. Ninsaal ka mi nonglem ne kisgri n bak ye. Bãmb fãa bee yẽnda taoore.

SEBR SÕNGO

¹ Ad-y m ka mag n bas bũmb kɛɛng ye, m dɩka fãa m yamẽ la sẽn lebg vẽenega, yaa tɩ Wẽnd bala n so nin-sõma wã vɩɩm la b tʋʋma. Ninsaalba ka mi sã n yaa nonglem bɩ beem la b na n sege. B ka tõe n bãng rẽ b toor ye.

Kowelɛt 9:1 Iomraidhean Croise

A. Zoobe 12:10

Bõn-vɩɩsã fãa vɩɩm bee bãmb nugẽ, la ninsaal buud fãa vʋʋsem saga b nugẽ.

A. Zoobe 27:12

La gese, yãmb fãa yãnd-a lame. Yaa bõe tɩ y gomd gom-vɩɩd a woto?

A. Zoobe 5:8

Ne maam, mam na n baoo Wẽnnaam, la yaa Wẽnnaam la m na n togs m yellã.

Yɩɩn‑sõamyã 10:14

Sẽn-Ka-Saabo, yãmb nee nimbãan-nedã toogã ne a namsgã, yãmb get-a lame n dat n deeg a yellã n manege. Nimbãan-nedã basda a yellã ne yãmba, Yãmb n yaa kɩɩbs sõangda.

Yɩɩn‑sõamyã 119:109

Mam vɩɩmã bee yell pʋg wakat fãa, la mam ka yĩmd yãmb tõogã yell ye.

Yɩɩn‑sõamyã 31:5

Yãmb na n yiisa maam bẽdg ning b sẽn bẽd maamã pʋgẽ. Bala, yãmb yaa mam pãng zĩiga.

Yɩɩn‑sõamyã 73:3

Bala, mam dag n maanda sũ-kiir ne wuk-m-mens rãmbã, mam sẽn ne nin-wẽnsã sẽn tɩlgdã yĩnga.

Yelbũna 16:3

Rɩk f yɛlã n bas ne Sẽn-Ka-Saabo, la f sẽn saagdã fãa na paam pidsgu.

Kowelɛt 1:17

Mam dag n tagsdame n dat n bãng yam ne zu-kaalgo, la yalemd võore. La mam mikame tɩ yõwã me yaa wa ned sẽn digd sobg bala.

Kowelɛt 10:14

Yalem gomda wʋsgo. Ninsaal ka mi bũmb ning sẽn na n wa zĩndã ye. Ãnda n na n wilg yẽnda bũmb ning sẽn na n wa zĩnd yẽnda loogr poorẽ wã?

Kowelɛt 7:15

Mam yãnda bõn-kãensã fãa mam vɩɩm sẽn yaa zaalmã pʋga. B tõe n yãnda nin-tɩrg sẽn kiid a tɩrlem yĩnga, la nin-wẽng sẽn paam yõ-wok a yel-wẽnã pʋgẽ.

Kowelɛt 7:25

La mam maaga m meng n na n vees n bao n bãng yam, la m bãng bũmb ning sẽn be wã võore. La m bãngame tɩ nin-toolem yaa yalemdo, la gãeemd yaa zu-kaalgo.

Kowelɛt 8:14

Bũmb a yembr n be dũniyã pʋg n yaa zaalem. Yaa tɩ nin-tɩrs n be n paamd sẽn zems nin-wẽns tʋʋmd yaoodo. La nin-wẽns me n be n paamd sẽn zems nin-tɩrs tʋʋmd yaoodo. La mam yetame tɩ woto me yaa zaalem.

Kowelɛt 8:16

Mam sẽn wa n dat n bao n bãng yam sẽn yaa bũmb ningã, la m na n tags yell ning sẽn maand dũniyã zug ka wã yelle, tɩ ninsaal ka tõe n gũs wĩntoog ne yʋngã,

Kowelɛt 8:7

Sɩd me, yẽnda ka mi bũmb ning sẽn na n wa zĩnd ye. Ãnda n tõe n wilg yẽnda sẽn na n wa yɩ to-to?

Kowelɛt 9:6

Bãmb nonglmã, bãmb kisgrã, ne bãmb sũ-kiirã me fãa sɛɛme. Bãmb ka leb n tar pʋɩɩr ne bũmb nins fãa sẽn maand dũniyã zugã ye.

A Ezayi 26:12

Sẽn-Ka-Saabo, yãmb vigla vɩ-bãan tõnd yĩnga. Sɩd me, tʋʋm nins fãa tõnd sẽn maanã, yaa yãmb n maand-b n kõt tõndo.

Zeremi 43:6

yaa pagba, raopa, kamba, rĩmã kom-dibli. Yaa neb nins fãa gũudbã naab a Nebuzaradan sẽn dag n bas ne a Safan biig a Ayikam biig a Gedaliya wã, n paas ne Wẽnnaam no-rɛɛs a Zeremi, la a Neriya biig a Baruki.

Yaoolem 33:3

N-yẽe, bãmb nonga nebã. Bãmb pʋ-peelem dãmbã fãa bee bãmb nugẽ. Bãmb yalsa yãmb sɛɛgẽ, bãmb yaa yãmb koe-taasda.

2 Tɩmote 1:12

Mam sakda namsg koe-noogã yĩnga, la yãnd ka tar maam ye. Bala, mam mii m sẽn tẽ a soabã, la mam mii m sũur pʋgẽ tɩ b tara pãng tɩ gũ bũmb ning bãmb sẽn ning mam nugẽ wã hal tɩ da-kãng ta.

1 Pɩyɛɛr 1:5

yãmb tẽebã yĩnga, Wẽnnaam pãngã zãada yãmba, tɩ yãmb na paam fãagr ning sẽn segl n sɛ, n na n puk yaoolem wakatã.

1 Sãmwɛlle 2:9

Bãmb gũuda neb nins sẽn sakd bãmbã nao-yakmã, la nin-wẽnsã na n menema lik pʋgẽ. Bala, ninsaal ka tõe n tõog ne a meng pãng ye.