Kowelɛt 8:9 - WẼNNAAM SEBRE 2014

⁹ Mam yãnda bõn-kãens fãa wakat ning mam sẽn tags n ges tʋʋm nins fãa sẽn maand dũni zug ka wã yellã. Wakat n be tɩ ninsaal tõe a to n maand-a wẽnga.

SEBR SÕNGO

⁹ M maaga m meng n ges bũmb ninga fãa sẽn maand tẽng zugu la m yãeeme tɩ zamaan kãnga, ned n so a to. La ade, ned sã n so a to zamaan kãnga, yaa pãng bal la a maand-a n menesd a sũ-noogo.

Kowelɛt 8:9 Iomraidhean Croise

2 Rĩm-dãmba 25:7

Babilond dĩmã kɩtame tɩ b kood a Sedesiyaas kambã a nifẽ. Dẽ poore, rĩmã kɩtame tɩ b kɩɩd a Sedesiyaas ninã, la b sẽb-a ne zũud bãense, n tall-a n kẽng Babilonde.

Yikri 14:28

Koomã leb n waame n lim Faarõ tãb-bi-kʋʋngã saar-dãmbã ne b wed-rʋʋdbã fãa sẽn pʋgl Israyɛll nebã poor n kẽ ko-kãsengã pʋgẽ wã. Bãmb ned baa a yembr ka põs ye.

Kowelɛt 1:14

Mam yãnda tʋʋm nins fãa sẽn maand saasã tẽngrã. Fãa yaa zaalem. Fãa yaa wa ned sẽn digd sobg bala.

Kowelɛt 3:10

Mam yãnda tʋʋmd ning Wẽnnaam sẽn kõ ninsaalbã tɩ b maanã.

Kowelɛt 3:16

La sẽn paase, mam yãndame tɩ dũniyã ka, b basda bʋ-sɩdã n maand wẽnga, b basda tɩrlem n maand wẽnga.

Kowelɛt 4:1

Mam leb n tagsa neb nins b sẽn maand pãng dũniyã pʋg ka wã yelle. Gese, b sẽn namsd-b rãmbã nintãm yitame, la ned ka belsd bãmb ye. Bãmb namsdbã tara pãnga, la ned ka belsd bãmb ye.

Kowelɛt 5:13

Yẽnda arzegsã tũnugda tʋʋm-beed n menem zãnga. Yẽnda sẽn dog bi-ribl ningã ka tar bũmb baa fɩ a nugẽ ye.

Kowelɛt 5:7

Fo sã n yãnd tɩ b maand naong rãmb pãng soolem pʋgẽ, n ka maand sẽn zemse, la b ka kaood bʋʋd tɩrga, bɩ f ra bas tɩ bõn-kãng ling foom ye. Bala, ned sã n yaa nin-kãsenga, nin-kãseng n kogend yẽnda, la nin-kãsems a taab n be n yɩɩd bãmb fãa.

Kowelɛt 5:8

Tẽn-gãongã yõod yaa nebã fãa yĩnga. Baa rĩm meng teega pʋʋg sẽn kõt bũmb ningã.

Kowelɛt 7:25

La mam maaga m meng n na n vees n bao n bãng yam, la m bãng bũmb ning sẽn be wã võore. La m bãngame tɩ nin-toolem yaa yalemdo, la gãeemd yaa zu-kaalgo.

Kowelɛt 7:7

Pãn-maaneg kɩtdame tɩ yam soab lebg yalma, la kũun menesda yam.

Yaoolem 2:30

La Hɛsbõ naab a Sihon ka sak n bas tõnd tɩ d tũ a tẽngã pʋgẽ n loog ye. Bala, Sẽn-Ka-Saab sẽn yaa yãmb Wẽnnaamã kenga a sũurã t'a kɩɩs n tõdge, sẽn na yɩl n kɩt tɩ yãmb zab ne-b n tõog-b wa yãmb sẽn ne rũndã wã.»