Kowelɛt 8:16 - WẼNNAAM SEBRE 2014

¹⁶ Mam sẽn wa n dat n bao n bãng yam sẽn yaa bũmb ningã, la m na n tags yell ning sẽn maand dũniyã zug ka wã yelle, tɩ ninsaal ka tõe n gũs wĩntoog ne yʋngã,

SEBR SÕNGO

¹⁶ Mam modga m menga n bao yam vẽenem dãmba sẽn maand n paam yam vẽenem; m gesa ne gũusgu ninsaalba tʋʋm sẽn yaa a soab tẽng zugu. M yãendame tɩ ba d sã n tagsd wĩndg la yʋngo, n mong d nina gõeem,

Kowelɛt 8:16 Iomraidhean Croise

Sɩngrẽ 31:40

Wĩndga, tʋʋlg namsa maam, la yʋngo, waood namsa maam! La mam dag n ka tõe n gũs ye.

Yɩɩn‑sõamyã 127:2

Yãmb sẽn sãt n yit la y kẽed yʋn-sʋgsã yaa zaalem bala. Yãmb sẽn namsd n na n paam n dɩ wã yaa zaalem. La Sẽn-Ka-Saab nin-nongdsã, ba b sã n gõe, Sẽn-Ka-Saab kõt-b-la rɩ-kãnga.

Kowelɛt 1:13

Mam tagsame n na n bao ne yam n bãng bũmb nins fãa sẽn maand saasã tẽngrã võore. Wẽnnaam dɩka tʋʋm toog n kõ ninsaalbã.

Kowelɛt 1:14

Mam yãnda tʋʋm nins fãa sẽn maand saasã tẽngrã. Fãa yaa zaalem. Fãa yaa wa ned sẽn digd sobg bala.

Kowelɛt 1:17

Mam dag n tagsdame n dat n bãng yam ne zu-kaalgo, la yalemd võore. La mam mikame tɩ yõwã me yaa wa ned sẽn digd sobg bala.

Kowelɛt 2:23

Yẽnda rasmã fãa yaa sũ-sãanga. La yẽnda yɛlã fãa yaa toogo. Baa yʋngo, yẽnda sũurã ka tar vʋʋsg ye. Yõwã me yaa zaalem.

Kowelɛt 4:8

Yaa ned sẽn yaa a yembr n ka tar doagd ye. Yẽnda ka tar bi-ribl wall ba-biig ye. La baoosgo, yẽnda tʋʋmdã ka tar tɛk ye. Yẽnda ninã ka tɩgd arzegs ye. Yaa ãnda yĩng la mam sẽn tʋmd n mongd m meng sũ-noog woto wã? Woto me yaa zaalem la a yaa tʋʋmd sẽn yaa wẽnga.

Kowelɛt 5:12

Mam yãnda toog sẽn wat ne namsg dũniyã pʋga. Yaa ned sẽn bĩngd arzegs sẽn na n wa ne toog a meng yĩnga.

Kowelɛt 7:25

La mam maaga m meng n na n vees n bao n bãng yam, la m bãng bũmb ning sẽn be wã võore. La m bãngame tɩ nin-toolem yaa yalemdo, la gãeemd yaa zu-kaalgo.

Kowelɛt 8:7

Sɩd me, yẽnda ka mi bũmb ning sẽn na n wa zĩnd ye. Ãnda n tõe n wilg yẽnda sẽn na n wa yɩ to-to?

Kowelɛt 8:9

Mam yãnda bõn-kãens fãa wakat ning mam sẽn tags n ges tʋʋm nins fãa sẽn maand dũni zug ka wã yellã. Wakat n be tɩ ninsaal tõe a to n maand-a wẽnga.