Kowelɛt 8:12 - WẼNNAAM SEBRE 2014

¹² Baa yel-wẽn-maand sã n maand wẽng naoor koabg n vɩɩmd n kaoose, baoosgo, mam miime tɩ sẽn zoet-b Wẽnnaamã na n paama sũ-noogo, bãmb sẽn zoet Wẽnnaamã yĩnga.

SEBR SÕNGO

¹² Nin-wẽng yɛl kɛga tõe n taa koabga me, la a yõor tõe n kell n yɩɩ woko. M miime tɩ wusg gãdame: tɩ sẽn mi-b Wẽnd waoogr bala la b zoet b nifu, n na n paam sũ-noogo; b sẽn sulg b mens Wẽnd taoora yĩnga.

Kowelɛt 8:12 Iomraidhean Croise

1 Rĩm-dãmbã 21:25

Ned nan ka sak n koos a meng ne wẽng n maan sẽn ka sõama Sẽn-Ka-Saab nifẽ wa a Akaab sẽn maanã ye. La yaa yẽnda pag a Zezabɛll n kɩt t'a maan woto.

1 Kibayã 16:30

Bɩ dũniyã neb fãa rig bãmb taoor ne rabeem! Bãmb naana dũniyã t'a yas kãenkãe n ka vigsdẽ ye.

A. Zoobe 35:15

La moasã, Wẽnnaam sẽn ka ges fo kɩɩsgã n sɩbg-f ne sũ-yikrã yĩng n kɩte,

Yɩɩn‑sõamyã 112:1

Pẽg-y Sẽn-Ka-Saabo! Bark bee sẽn zoet-a Sẽn-Ka-Saabã zugu, la sẽn nong-a Sẽn-Ka-Saab tõodã wʋsgã zugu!

Yɩɩn‑sõamyã 115:13

Sẽn-Ka-Saab na n ning sẽn zoet-b bãmbã barka, b nin-talse, la b nin-kãsemse.

Yɩɩn‑sõamyã 128:2

Fo na n dɩ f tʋʋmdã yõodo. Fo na n paama sũ-noogo, la naar yaa foom n so!

Yɩɩn‑sõamyã 37:11

Sik-m-mens rãmbã n na n soog tẽngã, la b na n paama vɩ-bãane, ne sũ-noog meng-menga.

Yɩɩn‑sõamyã 96:9

Wõgemd-y Sẽn-Ka-Saab taoore, b sõmblmã sẽn wat n pukdẽ wã. Bɩ dũniyã gill rig ne rabeem bãmb taoore.

Yikri 1:20

Wẽnnaam maana pʋg-roagsdbã neere, la Ebre nebã fɩɩgame n paam pãng wʋsgo.

Yelbũna 13:21

Toog pʋgda yel-wẽn-maandbã, la naar yaa nin-tɩrsã keoore.

Yelbũna 28:14

Sẽn zoet-a Wẽnnaam wakat fãa tara barka! La sẽn kengd-a a sũur na n paama toogo.

Kowelɛt 12:13

Kelg koɛɛgã fãa baoosgo. Zoe Wẽnnaam la f sak bãmb tõodã, bala, yaa woto la ninsaal fãa tog n maane.

Kowelɛt 3:14

Mam miime tɩ bũmb ning fãa Wẽnnaam sẽn maan paada wakat sẽn ka sɛta. Bũmb ka be n na n paas-a wall boog-a ye. Wẽnnaam n maan-a t'a yɩ woto tɩ nebã zoe bãmba.

Kowelɛt 5:16

Sẽn paase, yẽnda vɩɩmã rayã fãa bee lik bida pʋga, la yẽnda paamda sũ-sãang wʋsgo, la yĩns toogo, la sũ-toogo.

Kowelɛt 5:7

Fo sã n yãnd tɩ b maand naong rãmb pãng soolem pʋgẽ, n ka maand sẽn zemse, la b ka kaood bʋʋd tɩrga, bɩ f ra bas tɩ bõn-kãng ling foom ye. Bala, ned sã n yaa nin-kãsenga, nin-kãseng n kogend yẽnda, la nin-kãsems a taab n be n yɩɩd bãmb fãa.

Kowelɛt 7:15

Mam yãnda bõn-kãensã fãa mam vɩɩm sẽn yaa zaalmã pʋga. B tõe n yãnda nin-tɩrg sẽn kiid a tɩrlem yĩnga, la nin-wẽng sẽn paam yõ-wok a yel-wẽnã pʋgẽ.

Kowelɛt 7:18

Yaa neer tɩ f gãd a yembre, la f ra bas a yembrã me tɩ loog ye. Bala, ned ning sẽn zoet Wẽnnaamã na n paama sor n põs yel-bãmb fãa.

Zeremi 44:10

Hal tɩ ta rũndã, bãmb ka sãam b sũuri, b ka maan dabeem, la b ka sak tõodã ne noy nins mam sẽn kõ yãmb ne y yaab-rãmbã ye.

A Matiye Sõng 25:34

Dẽ, Rĩmã na n yeela sẽn be‑b bãmb dɩtgã yaa: «Yãmb dãmb sẽn tar m ba wã barkã, wa-y-yã! Reeg-y soolmã sẽn dag n segl yãmb yĩng hal dũni naaneg wakatã tɩ yɩ y pʋɩɩre.

A Luk Sõng 1:50

«Bãmb nimbãan-zoeerã paada neb nins sẽn zoet bãmbã zutu, zamaan woo zamaane.»

Rom Dãmba 2:5

La ne fo sũurã riglingã la f sũurã sẽn ka baood tekrã, fo tigsda sũ-puugr n bĩngd f meng Wẽnnaam sũ-puugrã daar yĩnga, daar ning bãmb bʋ-kaoorã sẽn zemsã sẽn na n pukã,

Rom Dãmba 9:22

La Wẽnnaam sã n maan sũ-mar wʋsg ne lagd sẽn wat ne sũ-yikri la sẽn maan sãoong yĩngã, n na n wilg b sũ-yikri la b kɩt tɩ nebã bãng bãmb pãngã?

Yaoolem 12:25

Da rɩ-y-yã-a ye, tɩ yãmb ne y kamba la y yagensã vɩɩm tõe n yɩ noogo, yãmb sẽn maand sẽn noom Sẽn-Ka-Saabã yĩnga.

Yaoolem 12:28

Gũus-y y mense, n kelg la y sak bũmb nins fãa mam sẽn yet yãmb dũndã wã, tɩ yãmb ne y kambã la y yagensã vɩɩm tõe n yɩ noog wakat fãa, yãmb sẽn maand sẽn noom Sẽn-Ka-Saab sẽn yaa yãmb Wẽnnaamã yĩnga.

Yaoolem 4:40

Woto yĩnga, sak-y bãmb no-tũudsã ne b tõodã mam sẽn kõ yãmb dũndã wã, tɩ yãmb ne y kambã vɩɩm tõe n yɩ noogo, la tɩ yãmb tõe n vɩɩmd n kaoos tẽng ning Sẽn-Ka-Saab sẽn yaa yãmb Wẽnnaamã sẽn kõ yãmb tɩ y soog wakat fãa yĩngã pʋgẽ.»

2 Pɩyɛɛr 2:9

Rẽ wã, Zu-soabã mii b sẽn na n maan to-to n fãag neb nins sẽn sakd bãmbã makr wakate, la b sẽn na n maan to-to n bĩng tʋʋm-wẽns maandbã n sɩbg-b bʋʋdã kaoob daare.