Kowelɛt 7:15 - WẼNNAAM SEBRE 2014

¹⁵ Mam yãnda bõn-kãensã fãa mam vɩɩm sẽn yaa zaalmã pʋga. B tõe n yãnda nin-tɩrg sẽn kiid a tɩrlem yĩnga, la nin-wẽng sẽn paam yõ-wok a yel-wẽnã pʋgẽ.

SEBR SÕNGO

¹⁵ Mam vɩɩma ne a ya koɛɛga, ad-m paam n bãngame tɩ d tõe n sega fãa. Nin-sõng sẽn kiid ne a sẽn yaa nin-sõngã, tɩ nin-wẽng ket ne yõore ne a sẽn yaa nin-wẽngã.

Kowelɛt 7:15 Iomraidhean Croise

Sɩngrẽ 47:9

A Zakoob leoka Faarõ yaa: «Yaa yʋʋm koabg la pis-tã la woto, mam sẽn gõod tẽng-tẽnga. La mam yʋʋmã sõor ka waoog ye, la a yɩɩ toogo. La yʋʋm-kãens sõorã ka ta mam saam-dãmbã yʋʋmã, b sẽn dag n wa n gõod tẽng-tẽngã ye.»

1 Rĩm-dãmbã 21:13

Dẽ, nin-yaals a yiibã wa n zĩnd n teesa a Nabote, n dõd-a nebã nifẽ n yeele: «A Nabot tʋʋsa Wẽnnaam, la a tʋʋs rĩmã.» La b yiisa a Nabot tẽngã kɩreng n lob-a kug t'a ki.

Yɩɩn‑sõamyã 10:3

Bala, nin-wẽng pẽgda a meng a sũur datem yĩnga. A zãmb paoongã yĩnga, a tʋʋsda Sẽn-Ka-Saab n paoogd-ba.

Yɩɩn‑sõamyã 39:6

Ade, yãmb kɩtame tɩ m vɩɩmã woglem ka yɩɩd nug-pʋg ye. La mam vɩɩmã woglem yaa wa walem bal yãmb taoore. Yaa sɩda, ninsaal buudã fãa yaa wa pemsem bala.

Kowelɛt 2:23

Yẽnda rasmã fãa yaa sũ-sãanga. La yẽnda yɛlã fãa yaa toogo. Baa yʋngo, yẽnda sũurã ka tar vʋʋsg ye. Yõwã me yaa zaalem.

Kowelɛt 3:16

La sẽn paase, mam yãndame tɩ dũniyã ka, b basda bʋ-sɩdã n maand wẽnga, b basda tɩrlem n maand wẽnga.

Kowelɛt 6:12

Dẽ wã, ãnda soab n mi sẽn yaa sõama ninsaal yĩng a vɩɩm wakate? A vɩɩm ning rasem sẽn tar sõorã, n yaa zaalem n loogd wa sulunsukã wakate? Ãnda n tõe n togs ninsaal bũmb ning sẽn na n wa zĩnd dũniyã pʋg ka yẽndã loogr poorã?

Kowelɛt 9:9

Maan sũ-noog ne pag ning fo sẽn nongã, vɩ-zaalg ning Wẽnnaam sẽn kõ foom dũniyã zugã wakate. Bala, yõwã la fo pʋɩɩr f vɩɩmã pʋga, la tʋʋmd ning fo sẽn maand dũniyã zugã pʋga.

A Ezayi 65:20

Beenẽ, bi-pɛɛlg kõn dog n wẽneg n ki rasem a wãn pʋgẽ ye, la nin-kẽem kõn ki t'a daar ka ta ye. Bala, ned sẽn ki a yʋʋm koabg yaa bi-bɩɩga, la yel-wẽn-maand sẽn ki a yʋʋm koabga, b geelgda yẽnda wa ned sẽn paam kãab-wẽnga.

A Zã Sõng 16:2

B na n diga yãmb n yiis karen-dotã pʋse, la wakat pʋs n watame tɩ ned ning fãa sẽn na n kʋ-a yãmb na tẽ tɩ yẽnda maanda Wẽnnaam tʋʋmde.

Tʋʋma 7:52

Wẽnnaam no-rɛɛs bʋg la y yaab-rãmbã ka namse? B kʋʋ neb nins sẽn da pĩnd n togs tɩrlem soabã waoongã. La moasã, yaa yãmb n zãmb tɩrlem soabã n kʋ-a.