Kowelɛt 7:1 - WẼNNAAM SEBRE 2014

¹ Yʋ-sõng n são kaam sẽn tar yũ-noogo. La ned kũum daar n são a rogem daare.

SEBR SÕNGO

¹ Yʋ-noog são ka-noog sẽn daad toogo, tɩ kũum daar são dogem daare.

Kowelɛt 7:1 Iomraidhean Croise

A. Zoobe 3:17

Beenẽ, nin-wẽnsã basda b maoorã, neb nins sẽn yɛ n ka leb n tar pãngã paamda vʋʋsg beenẽ.

Yɩɩn‑sõamyã 133:2

A yaa wa kaam sẽn tar yũ-noogo, b sẽn dɩk n sudgd maan-kʋʋr kãsem a Aarõ zugu, tɩ sodgd n tat a toɛɛngã, n sigd n tat a fuugã loore.

Yelbũna 15:30

Ned sã n yõgemd a noor ne foom, a noogda f sũuri, la kiba-noog paasda yĩns keelem.

Yelbũna 22:1

Yʋ-noog n são arzegs wʋsgo, la f sẽn na n paam nebã pẽgr n são sãnem la wanzuri.

Yelbũna 25:10

Ka rẽ, a na n wa wʋmame n tʋʋd-fo, tɩ f ka leb n tõe n lebs f zelemd poorẽ ye.

Yelbũna 27:9

Kaam ne parfẽ kõta sũ-noogo, la f zoa sẽn sagend-f ne bʋgsem, n são f sẽn na n sagl f menga.

Kowelɛt 10:1

Zõos sẽn kiid parfẽ-maand kaam pʋgẽ, t'a yũug ka leb n yaa sõama wã, a kɩtdame tɩ kaamã põoge. Yalemd bilf me woogda yam la ziiri.

Kowelɛt 4:2

Maam, mam yetame tɩ neb nins sẽn ki wã tara sũ-noog n yɩɩd neb nins sẽn ket n vɩ wã.

Kowelɛt 7:8

Bũmb baoosg n são a sɩngre, la sũ-mar soab n são tɩta-neda.

A Salmo yɩɩla 1:3

Fo parfẽ-rãmbã yũug nooma wʋsgo! Fo yʋʋrã yaa wa parfẽ yũ-noom sẽn sãeegde. Yaa rẽ n kɩt tɩ pʋg-sadbã fãa nong foom.

A Salmo yɩɩla 4:10

M pʋg-paala, m tão, fo nonglmã yaa noogo. Fo nonglmã sãoo reezẽ rãam, fo kaam toay-toayã yũug yaa noog n yɩɩd parfẽ-rãmb buud a taabã fãa.

A Ezayi 56:5

mam na n kõo bãmb kug-vigindg ne yʋʋr sẽn yaa sõama n yɩɩd kom-dibli la kom-pugli mam doogẽ wã, la mam zakẽ wã. Mam na n kõo bãmb yʋʋr wakat sẽn ka sɛt yĩnga, la a kõn tol n menem ye.

A Zonaase 4:3

La sẽn lebg woto wã, Sẽn-Ka-Saabo, bɩ y reeg m vɩɩmã. Bala mam sẽn kiid n são m sẽn vɩ.»

A Luk Sõng 10:20

Baoosgo, da maan-y sũ-noog zĩn-dãmbã sẽn sakd yãmbã yĩng ye. Maan-y sũ-noogo, yãmb yʋyã sẽn gʋls arzãn pʋgẽ wã yĩnga.»

A Zã Sõng 13:2

Rɩɩbã wakate, rẽ tɩ Sʋtãanã dag n ninga a Sɩmo biig a Zʋdaas sũurẽ t'a zãmb a Zeezi n yõk n kõ.

2 Korẽnt rãmba 5:1

Sɩd me, tõnd miime tɩ tõnd tẽng zug ka roogã sẽn yaa fu-roogã sã n wa n sãame, tõnd tara roog arzãn pʋga, sẽn yaa Wẽnnaam n me. Yaa roog sẽn paad wakat sẽn kõn sa, sẽn ka ninsaalb nus n me ye.

2 Korẽnt rãmba 5:8

Tõnd tara raood wʋsgo, la tõnd nongẽ lame n yi n bas yĩng‑kãngã n kẽng Zu-soabã nengẽ n yɩɩda.

Ebre rãmba 11:2

Yaa tẽebã yĩng la kʋdem-dãmbã paam kaset-sõngo.

Ebre rãmba 11:39

La nin-bãmbã fãa sẽn paam kaset-sõng b tẽebã yĩngã ka tõog n paam bũmb nins b sẽn kãab-bã ye.

Vẽnegre 14:13

Mam wʋma koɛɛg sẽn yi arzãn n yetẽ: Gʋlse: sẽn sɩng ne moasã, bark bee kũum nins sẽn kiid Zu-soabã tũudum pʋgẽ wã zutu. Sɩɩg-sõng yetame tɩ n-yẽe, tɩ b tõe n bas b tʋʋmã n vʋʋse, bala bãmb tʋʋmã pʋgd-b lame.

A Ruti 3:14

Dẽ, a Rut kell n pa a Boaaz naoẽ wã n gãand n ta tõd-beoogo, la a sãdame n loog tɩ zĩigã nan ka yẽeg ye. Bala, a Boaaz rag n ka rat tɩ ned bãng t'a Rut waa beenẽ ye.